Muhammad Yusuf
ORZU

Belanchakda qachongacha
Yotish mumkin, turib ketdim.
Shu bahorda tilim chiqdi,
Shu bahorda yurib ketdim.

Boybo', atrof muncha go'zal,
Hammayoq gul, hammayoq bog' Xiyobonda chopgim kelar,
Kelar o'ynab yurgim ko'proq.

Onam bo'lsa, ehtiyot bo'l,
Deydi, hozir bola payting.
Men mustaqil yurmoqchiman,
O'z holimga qo'ysin, ayting...

Menimcha shu - hamma ishni
Bolalikdan boshlash kerak.
Katta-katta orzu bilan
Katta qadam tashlash kerak!