#kasbiy_taʼlim #kitobxonlik

Kasbiy taʼlim muassasalarida kitobxonlik tanlovlari oʻtkazilmoqda

Ayni kunlarda respublika bo‘ylab kasbiy taʼlim tashkilotlarida taʼlim olayotgan oʻquvchilarni kitob mutolaasiga oʻrgatish, kitobni sevish, oʻquvchilar oʻrtasida kitobxonlik madaniyatini oshirish va oʻz isteʼdodlarini namoyon qilish uchun kitobxonlik boʻyicha hududlar miqyosida 10 dan ortiq turli tanlovlar bo‘lib o‘tmoqda.

Jumladan, “Eng yaxshi kitobxon”, “Eng yaxshi axborot-resurs markazi”, “Oyning eng yaxshi kitobxoni”, “Eng koʻp oʻquv va badiiy adabiyot oʻqigan oʻquvchi” koʻrik tanlovlari, “Kitobxon millat” shiori ostida haftaliklar, “Biz buyuk allomalar farzandlarimiz” sheʼrxonlik tadbiri, 2024/2025-o‘quv yillar uchun nashr etilgan yangi avlod kitoblarining taqdimotlari, mashhur shoir va yozuvchilar bilan davra suhbatlari, qadimiy va nodir qoʻlyozma asarlari bilan tanishish va mutolaa qilish, taʼlim muassasasiga homiylar, ota-onalar hamda korxona va tashkilotlar tomonidan kitoblarni taqdim etilishi boʻyicha aksiyalar oʻtkazish kabi ma’rifiy tadbirlar tashkil etilmoqda.

Bugunga qadar o‘tkazilgan tanlovlarda 150 ming nafardan ortiq oʻquvchi ishtirok etib, ularning 765 nafari tanlov gʻoliblari sifatida moddiy va maʼnaviy qoʻllab-quvvatlandi hamda faxriy yorliq va homiylar tomonidan esdalik sovgʻalari bilan taqdirlandilar.

Ma’lumot uchun, mazkur tanlov va tadbirlar o‘quv yili yakuniga qadar o‘tkaziladi.

Bizni kuzating

Facebook | Instagram | YouTube | Telegram