Blog | Muhammadumar

Ongimiz zaharlanyaptimi?

Ha, afsuski shunday

Oxirgi kunlarda o’z ishlarimdan qoniqmay qo’ydim

Fokus ushlay olmayapman

Siqilishlar ko’p bo’lyapti

Hammasini tashlab qo’ygim kelyapti

Bunga sabab esa ijtimoiy tarmoqlar, haddan tashqari musiqa, noto’g’ri ovqatlanish va vaqtni behuda sarflash

Ijtimoiy tarmoqda o’zimni boshqalar bilan solishtirishim, qisqa videolar ko’rib diqqatimni zaiflashtirishim, noto’g’ri ovqatlanib sog’ligimni unitayotganim sababli ishlarim orqaga ketyapti

Shu sababli o’zimga 1 haftalik dofamin detoks e’lon qildim

Bu vaqt ichida

- Instagram va YouTube’ni o’chirib tashlayman
- Video o’yinlar o’ynamayman
- Musiqa eshitmayman
- Sog’lom ovqatlanaman
- Yomon odatlardan voz kechaman va o’rniga foydali ishlarni odat qilaman

Bu orqali fokusimni kuchaytirishim, motivatsiyani qaytarishim va sog’lom hayotga qaytishni maqsad qilganman

Jarayonni esa chellenj tugaganidan keyin bitta video qilib chiqaraman

Hammaga rahmat, menga esa sabr)

Juda zo’r javoblar kelibdi

Rasm ham juda chuqur ma’noga ega ekan. Har xil tushunsa bo’ladi

Endi o’zimni fikrimni bildirsam

Rasmda quyon - xavfsizlik va komfortni, bo’ri esa kuch va xavfni anglatadi

Ya’ni bo’ri bo’lish, qiyin ishlarni boshqarish, biznes boshlash har doim ham oson bo’lmaydi

Bu yo’lda qiyinchiliklar va yolg’izlikka tayyor turish kerak

Quyon bo’lish esa oson. Doimiy oylik maoshing bor va kuning tinch o’tadi. Lekin hech qachon katta o’yinchi bo’lolmaysan

Siz qaysi yo’lni tanlagan bo’lardingiz, quyon bo’lib tinch hayotda yashash, yoki bo’ri bo’lib qiyinchiliklarga tayyor turishni?

Hamma ham sen emas

Ko'pincha kimgadir ishonishdan oldin, kelishuv qilishdan oldin u inson haqida bir qancha tahminlar qilardim

Tahminlarim ham o'zimdan kelib chiqqan holda bo'lardi

Uni o'rniga o'zimni qo'yib ko'rardim, qanaqadur vaziyatlarda kelishmovchilik bo'lgan taqdirda ham o'zim nima qilmoqchi bo'lsam undan ham shuni kutardim

Yaqin insonlar bilan kelishmovchilik bo'lganda ham oraga sovuqchilik tushmaydi deb o'ylardim

Lekin...

Hamma ham men emas ekan

O'zi aslida, hech kim hech kimdek fikrlamaydi

Hammani o'zini qarashi, g'am-tashvishi va fikrlashi alohida

Shuning uchun biror ish boshlashdan oldin har bir detallargacha kelishib olish shart ekan

Yo'qsa ertaga oraga sovuqchilik tushishi ham mumkin ekan

Insayt:

Biznesda hissiyotlar bilan ishlanmaydi

@blog_muhammadumar

Ulg’ayish

Har bir erkak bir kun ulg’ayadi

Mustaqil bo’ladi, mas’uliyat oladi va yolg’iz qoladi

Bu vaqt kelganda uydagilardan yordam so’rashga uyaladi odam

Qarindoshlar va tanishlaringni esa o’zini tashvishi bor

Dardingni kimga aytishni bilmaysan

Yolg’iz qolasan

Yengilishga haqqing yo’q

Kuchli bo’lishga majbursan

Yolg’iz qolishga ko’nikishing shart

Muammolarni o’zing hal qilishing shart

Mana shunda hayotni his qilasan

Barchasini yengib o’tsang maqsadlaringga, yengilsang bir umr oddiy yashashingga to’g’ri keladi

Tanlov o’zingda, g’alaba yoki taslim bo’lish

@blog_muhammadumar

Oldingi yillari tug’ilgan kunim bo’lishini oylab kutardim

Haftaning qaysi kuniga to’g’ri kelishini bilib olib shu kunga har xil rejalar qilardim

O’sha kunda ham ko’zimga uyqu kelmay rosa intizorlik bilan kutardim

Hozir esa…

3 kun oldin eslatib qolishdi, bo’lmasa esimda ham yo’q edi

Shundan keyin xursand bo’lish o’rniga hafa bo’lishni boshladim

Bu yil ham o’tdi

To’g’ri ko’p narsalarga erishdim, lekin vaqtimni isrof qildim

Maqsadlarimni ba’zilariga erisha olmadim

Manimcha, odam ulg’aygani sayin tug’ilgan kun xursandchilim emas, balki eslatma vazifasini bajarar ekan

Bu subyektiv fikrlarim)

Demotivatsiya

Ba'zi paytlarda reels ko'p ko'rib qo'ysam demotivatsiya paydo bo'ladi, ya'ni ishlarimga bo'lgan qiziqish pasayadi

Chunki instagramda boshqalarning hayotini, ishini ko'rganim sari ulardan ilhom olish o'rniga demotivatsiya qabul qilaman

"Nega men ularchalik bo'la olmayapman, nega ishlarim yaxshi o'xshamayapti" kabi savollar bilan o'zimni qiynayman

Lekin oldin ham aytganimdek, eng yaxshi raqobatchi - o'zimiz

Boshqalar bilan o'zini solishtirish demotivatsiyaga sabab bo'ladi

Atrofimda hamma ishlarimni rag'batlantirayotgan paytda o'zimni-o'zim siqib qo'yyapman

Xullas, kamroq reels ko'rish kerak

Biz vaziyatga turli taraflardan qarashimiz mumkin

Misol uchun, meni ota-onam universtitetga kirishim xohlashadi

Ishlashdan ko’ra universtitetga kirish uchun o’qishimni afzal deb bilishadi

Agar universtitetga kirmayman desam, ishimdan mahrum qilishlari ham mumkin

Men shu holatda ishimni yig’ishtirib, baribir o’qishga kirar ekanman deyishim mumkin

Lekin universtitetda o’qishimni nima uchun xohlashadi?

Yaxshi joyda ishlab, yaxshi yashashim uchun

Lekin bularni amalga oshirish uchun universtitetda o’qishim shartmi?

Hali maktabni biririshimga 1 yarim yil vaqt bor va men bu vaqt ichida katta ishlarni maqsad qilganman

va men ishonamanki universtitet yoshiga yetguncha ota-onam istayotgan hayotni qura olaman

Bu yerda vaziyatga qaysi tarafdan qarash muhim

Men universtitetni misol qildim. Buni boshqa vaziyatlarda ham qo’llab ko’rsa bo’ladi

Shunchaki vaziyatga bir tarafdan qarab qotib qolmaslik kerak

Shunchaki ChatGPT'ga "Sotvoldiyev Muhammadumar kim?" deb savol berib ko'ringlarchi)

Kichkinaligimdan o'zimdan kattalar bilan ko'p yurardim

Mahallada ham 2-3 yosh katta akalar bilan do'st edim

Endi o'ylab qarasam yaqinda birga ko'chada o'ynab yurgan akalarim bu yili 20 ga kirishar ekan

20 yosh oldinlari ko'zimga judayam katta ko'rinardi

Hozir esa kimdir 20 yoshman, 2005-yilman desa ozgina o'ylanib qolaman

O'zim ham 17 yoshga yaqinlashib qolibman

Vaqt o'tyapti, biz esa uni behuda narsalarga sarflayotganimizni sezmay qolyapmiz...

2024-yil sarhisobi

1. Yangi sohaga kirib keldim, ya'ni marketing. Avval Contentmaking yo'nalishini tanlab shu sohada ishladim va hozir Marketingga o'tdim

2. Seven jamoasiga qo'shildim. U yerda juda ko'p narsa o'rgandim va tajriba orttirdim. Ko'p maqsadlarimga erishishimda katta o'rin egalladi. Undan keyin esa Safari kompaniyasiga asos soldik

3. Bir paytlar sotib olish imkonsizdek telefon, ya'ni 15 Pro Max sotib oldim va yana boshqacha rangiga o'zgartirdim. (Keyin kurs sotib olish uchun sotib, 13 Pro oldim)

4. Oldinlari MacBookim bo'lsa-yu, kafelarda ishlab o'tirsam deb o'ylardim. Bunga ham erishdim. MacBook Air sotib oldim

5. 16 yoshimda, ota-onam qaramog'isiz chet elga chiqish umuman hayolimga kelmagandi. Lekin kuz faslida BAA davlatiga sayohat qildim va mustaqil bo'lganimni yana bir bor his qildim

6. Bir nechta sohamga aloqador kurs, meeting va mentorshiplarda qatnashdim. Bular: Targeting kursi, Sotuv va Marketing workshopi, Sales workshopi va Performance Marketing mentorshipi. Buni hozir ham o'qiyapman. Umumiy hisobda soham bo'yicha bilim olish uchun $2.500 dan oshiqroq pul sarfladim

7. Dadamga iPhone 16 sovg'a qildim. Lekin o'zlarini pullariga. Ya'ni "Dubayda ishlatasan" deb bergan pullariga)

8. Mustaqil hayotga qadam bosdim. Uydagilardan pul deyarli so'ramay qo'ydim

9. Ilk marketing jamoamni tashkil qildim. Lekin jamoa boshqarish tajribam yetmaganligi uchun vaqtinchalik jamoani tarqatib yubordim

10. Dunyo qarashim ancha kengaydi. Komfort zonadan chiqdim va qo'rqitib yuboradigan maqsadlar bilan yashashni boshladim

11. Yil boshida qo'ygan maqsadlarimni yarmiga erisha oldim. Erisha olmaganlarim: IELTS olish, arab tilida so'zlasha olish, shaxsiy brend qurib 10K auditoriya yig'ish

12. Va eng achinarlisi, men hali ham "u"ni topa olmadim. Albatta hazil, hali vaqti keladi😂

Hozir esimga kelganlar shular. Ko'pchilikning hayotida 2024-yil eng yomon yil bo'libdi. Lekin menda eng yaxshi yil bo'ldi deb bemalol ayta olaman)

Odamlarga qachon kerak bo'lasiz? Qachon sizni hurmat qilishadi?

Qachonki sizdan ularga manfaat tekkanida

Manfaat bermayapsizmi? Demak sizning boshqalarga keragingiz yo'q

Oila a'zolar bundan mustasno

Deyarli kino ko'rmayman, lekin ora-orada vaqtim bo'lib qolsa ko'pchilik maslahat bergan kinolarni tomosha qilib qolaman

Bugun esa Stiv Jobs haqidagi kinoni tomosha qildim va bir qancha insaytlar oldim

- Pulni tejash uchun vaqt sarflagandan, vaqtni tejash uchun pul sarflash muhimroq

- Eng zo'r mahsulot yaratish yetarli emas. Unga odamlarni ishontirish ham muhim

- Maqsadingiz aniq bo'lsa unga erishish yo'lida qat'iyat va ishonch bilan davom etish kerak

- Networking kuchli bo'lishi kerak, ya'ni tanish-bilish. Kuchlilar orasida bo'lish sizni ham kuchli qiladi

- Risk olish kerak. Qachonki risk olar ekansiz, shundagina boshqalar sizni hurmat qilishadi va tan olishadi

- Biror ishni boshlash uning yarmini bajarishga teng, lekin uni tugallamas ekansiz natijaga erisha olmaysiz

Filmdan oladigan narsalar ko'p, lekin ba'zi istisnoli fikrlarim ham bor. Hozircha bularni to'g'ri deb aytolmayman. Balki keyinchalik bularni to'g'riligiga amin bo'larman

Yuqoridagi insight haqida batafsilroq yozdim👇

Marketolog sifatida ikki xil konkurs o‘tkazdim. Birinchisida oddiy shartlar (obuna bo‘lish, izoh qoldirish, repost qilish) bilan 20.000 ga yaqin odam qatnashdi va biz uchun effekti ham yaxshi bo'ldi. G'oliblar esa random (tasodifiy) tarzda aniqlandi. Lekin ko'pchilik tasodifiy g‘oliblarni qabul qilolmay, “Men shuncha harakat qildim, konkurs haqqoniy bo'lmadi” kabi gaplar bilan negativlik qilishdi

Ikkinchi konkurs sharti esa aktivlik ko'rsatib ballar yig'ishdan iborat edi. Garchi sovg‘alar oldingisidan 3 barobar qimmatroq bo‘lsa-da, qatnashchilar soni sezilarli darajada kamaydi. Oxirigacha aktiv bo'lganlar bor yo'g'i 20 tani tashkil qildi. Oldingi konkursda karillaganlarning qorasi ham ko'rinmadi. Natijada har kuni harakat qilgan ishtirokchi maksimal ball bilan g'oliblikka erishdi

Hulosa: odamlar mo'jizaviy muvaffaqiyatga umid qiladi, lekin har kuni harakat qilishni istamaydi. Harakat qilganlar esa har doim natijaga erishadi

Siz qaysi yo'lni afzal ko'rasiz? Mo'jiza kutish yoki har kuni harakat qilish?

@blog_muhammadumar

Bugungi insight💡

Odamlar maqsadiga harakat qilib erishgandan ko’ra, shunchaki mo’jizani kutishni afzal bilishadi

Harakat qilish, mo’jiza kutish

Lekin harakat qilganlar har doim kutadiganlardan oldindan bo’lishadi

@blog_muhammadumar

Eng mashhur YouTuber MrBeast va Ronaldo o'rtasidagi podkastdan ajoyib insayt oldim

"Insonlar videoyingga bosishmasa, uni ko'rishmaydi"

Bu yerda gap videolarning ustidagi muqovasi haqida ketgan

Ya'ni u Ronaldoga video muqovalari ustida ishlashini maslahat bergan

Odamlar YouTube'ga kirganda birinchi nimani ko'radi? Albatta, video muqovasini

Agar muqova o'ziga jalb qilmasa video shunchaki o'tkazib yuboriladi

Bu insaytni boshqa ko'p joylarda ham ishlatsa bo'ladi

IELTS olmoqchimisiz? Ingliz tilini o'rganishni boshlashingiz kerak

Boy bo'lmoqchimisiz? Boy odamlardek fikrlashni boshlashingiz kerak

Chiroyli tanaga ega bo'lmoqchimisiz? Sport bilan shug'ullanishni boshlashingiz kerak

Maqsadlaringizga erishmoqchimisiz? Shunchaki u uchun harakat qilishni boshlang

@blog_muhammadumar

Hech o'ylab ko'rganmisiz?

Alkogol va tamakining odamlar uchun hech qanday nafi yo'q

Ustiga ham qo'rqinchli rasmlar bilan chiroyli dil izhorlari yozib qo'yishgan

Lekin nega ularning sotilishiga chek qo'yilmaydi?

Buning sabablari ko'p (molivayiv daromad, shifokorlar uchun foydasi va h.k.), lekin davlat "qora bozor" va qo'lbola mahsulotlardan saqlanish uchun ham ularni ta'qiqlamaydi

Chunki nimagadir o'rganib qolgan insondan u narsani cheklasa u shunchaki to'xtab qolmaydi

Qo'lbola tamaki tayyorlaydi, spirtdan alkogol sifatida foydalanadi, telefonini olib qo'ysangiz boshqaning telefonidan foydalanadi

Inson shunday kuchga egaki, uni u xohlayotgan narsaga cheklov qo'yish bilan to'xtatolmaysiz

Agar inson yaxshi maqsadlariga ham shunchalik "ko'ngil" qo'yganda edi, har qanday holatda ham uni to'xtatib bo'lmasdi

Maqsadlaringizga erishishga motivatsiya yo'qmi, unda bir piyola aroq uchun har qanday ishga rozi bo'ladigan "bomj"larni kuzating

Bu shaxsiy fikrlarim, anchadan beri post yozmagan edim. Feedback'lar bo'lsa bemalol

@blog_muhammadumar