Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

SearcheeBot

Your guide in the world of telegram channels
img
ad

TGAlertsBot

Monitoring of keywords in channels and chats
img
ad

Birgalikda kitob o‘qiymiz 📚📖📎

@birgalikdakitoboqiymiz
Channel's geo and language: Uzbekistan, Uzbek
Category: Books

بِسْمِ ْاللّٰهِ الرَّحْمٰنِ الْرَحِمِ

Xush kelibsiz: Bu sahifa aynan siz uchun!
Kitoblardan iqtiboslar...📗📕📙
Chiqarilgan xulosalar...
Va kitob haqidagi boshqa qiziqarli ma'lumotlar... 📝📝📝

Related channels  |  Similar channels
Channel's geo and language
Uzbekistan, Uzbek
Category
Books
Statistics
Is this your channel? Confirm Канал в реестре блогеров РКН? Confirm Channel history
Posts filter

Birgalikda kitob o‘qiymiz 📚📖📎

13 Jan, 09:11

Open in Telegram Share Report
​​#iqtibos_vaqti

Sayohat

Har qanday sayohat dunyoqarashni kengaytiradi va miyani tozalaydi.

© “Mushuk, shlyapa va arqon bo‘lagi”, Joan Harris

Insonlar sayohatni yaratmaydi, sayohatlar insonlarni yaratadi.

© Jon Steynbek

Inson senga yoqish-yoqmasligini bilishning eng ishonchli yo‘li — u bilan birga sayohatga chiqishdir.

© “Tom Soyer mamlakatdan tashqarida“, Mark Tven

Sayohatlar insonni kamtarlikka chorlaydi. Har birimiz cho‘ldagi qum zarrasi kabimiz.

© Gyustav Flober

...men ketishni juda yaxshi ko‘raman, chunki bir shahardan ketmay turib, boshqasiga bora olmaysan. Biror joyga borish esa dunyodagi eng yaxshi ko‘rgan ishim.

© “Katta arava”, Maks Fray

Har doim sevgan insonlaring bilan sayohat qil.

© “Sen bilan doim birga bo‘ladigan bayram“, Ernest Heminguey

Manba: @marufjonblogi

@birgalikdakitoboqiymiz
58 0 0 2 5
Birgalikda kitob o‘qiymiz 📚📖📎

10 Jan, 20:40

Open in Telegram Share Report
#mushuklar

Mushuklar haqida qiziqarli ma'lumotlar:

1. Rivojlanish nuqtai nazaridan mushuk hayotining birinchi yili inson hayotining dastlabki 15 yiliga to‘g‘ri keladi

2. Mushuklar quloqlarini 180 darajaga aylantirishi mumkin.

3. O‘rtacha mushukning eshitish darajasi insonlarnikiga qaraganda kamida besh baravar yuqori.

4. Zotdor mushuklar orasida erkak mushuklarning o‘rtacha vazni 20 funtni tashkil qiladi.

5. Uy mushuklari kunning 70 foizini uxlash bilan o‘tkazishadi.(Meni mushugim bundanam ko‘p uxlaydi🥲)

6. Mushuk to‘g‘ridan-to‘g‘ri burnining ostini ko‘rolmaydi.

7. Ko‘pchilik mushuklarning kipriklari yo‘q.

8. Ba’zilar oq rangdagi mushuk omad olib kelishiga ishonishadi.

9. Mushuklarning miyovlashi bu ularning tili emas - ular bu ovozni odamlar bilan aloqa qilish uchun chiqaradilar.

10. Ginnes rekordlar kitobiga ko‘ra eng uzoq umr ko‘rgan mushuk Texasning Ostin shtatida yashagan marhum Creme Puffga tegishli bo‘lib, u 38 yil-u 3 kun umr ko‘rgan.

11. O‘rtacha mushuk bitta oyoq bilan 8 fut uzunlikka sakrashi mumkin - bu tanasining uzunligidan qariyb olti marta ko‘p.

12. Mushuklar yaxshi hid bilish qobiliyatiga ega bo‘lib, ular odamlarni va narsalarni aniqlash uchun undan foydalanadilar, hayratlanarlisi, ularning bu qobiliyati odamnikidan 14 baravar yaxshiroq.

13. Mushuklarning 3 ta qovog‘i bor.

14.Yozuvchilardan Ernest Heminguey, Haruki Murakami, Mark Tven, Herman Hesse, Stiven King, Rey Bredberilar mushuklarni juda yoqtirishgan.

@birgalikdakitoboqiymiz
97 0 0 8
Birgalikda kitob o‘qiymiz 📚📖📎

10 Jan, 20:34

Open in Telegram Share Report
#mushuklar

Bularni chiroyliligini qaranglareee... 🙂‍↔️

Manba: Instagramdagi Cat_street_art sahifasi

@birgalikdakitoboqiymiz
77 0 0 8 7
Birgalikda kitob o‘qiymiz 📚📖📎

8 Jan, 18:11

Open in Telegram Share Report
Video is unavailable for watching
Show in Telegram
#anime

''Attack On Titan Opening Guren no Yumiya Live''

Animening bu darajada ulkan shuhratga erishishida sauntrek musiqasi katta ahamiyatga ega deb hisoblayman.

Yuqoridagi videoni animening 1-faslni ko‘rayotganimda yuklab olgandim va zaldagi odamlarning ko‘pligini ko‘rib muxlislik degani ham shunchalik bo‘ladimi degandim. 4-faslni yakunlab tushundimki, shunga arzir ekan. Ko‘rganingizdek bu qo‘shiq ular uchun allaqachon madhiyaga aylanib ulgurgan!

@birgalikdakitoboqiymiz
120 0 1 7 8
Birgalikda kitob o‘qiymiz 📚📖📎

8 Jan, 16:30

Open in Telegram Share Report
​​#anime

''Titanlar hujumi'' (Attack on Titan)

Animeni kecha ikki yarimgacha ko‘rib yakunladim, tugatmasam uxlay olmasligimni tushundim. Tugatganimdan so‘ng esa hatto tushlarimgacha kirib chiqdi va hozirgacha voqealar miyamda aylanaverganidan nimadir yozishim kerak degan fikrga keldim. Bu hech qanday taqriz ham tahlil ham emas shunchaki o‘ylaganlarim va fikrlar ketma-ketligi xolos...

Ushbu anime 90 qism bo‘lib Hajime Isayama qalamiga mansub manga asosida yaratilgan. Uni tugatgandan so‘ng o‘zimni xuddi yuz yil shu voqealar ichida yashagandek, oradan juda uzoooq vaqt o‘tgandek his qildim. Xolbuki, uni ko‘rib tugatish uchun 5 yo 6 kun yetarli bo‘ldi...
Bunga sabab voqealar o‘ta zichligi va uchta yaqin do‘st bo‘lgan bolalarning yoshligidan to ulg‘aygunga qadar syujetning davom etishi deb o‘ylayman.

Voqealar Titan deb atalmish gigant maxluqlardan himoyalanish uchun ulkan devorlar orasida yashaydigan, tashqi dunyodan bexabar bo‘lgan insonlarga o‘sha o‘zlari qo‘rqmish Titanlarning hujumi bilan boshlanadi.Shundan keyin ana shu Titanlar haqidagi haqiqatlar asta sekinlik bilan,bosqichma-bosqich devor ichidagilarga ma'lum bo‘la boshlaydi ya'ni ularning izlanishlari orqali oydinlashib boradi.

Animeni ko‘rishda davom etar ekansiz Titanlar bilan bo‘layotgan jang qanday qilib insonlar o‘rtasidagi urushga aylanib ketganini sezmay ham qolasiz.

''Titanlar hujumi'' animesining eng katta yutug‘i va o‘ziga xosligi shundaki, hech qaysi tomonni yoki hech qaysi insonni ayblay olmasligimizda.Boshida nafrat tuygan qahramonlaringizni ham oxiriga borib tushuna boshlaysiz. Biz o‘rganib qolgan oq-qora obrazlar umuman yo‘q.Hammaning o‘z o‘tmishi, qilayotgan yomon ishi uchun o‘zining arzirli sabablari bor.

Jang sahnalari katta qismni tashkil qilishiga qaramasdan, voqealar hissiyotlaringizga juda qattiq ta'sir ko‘rsatadi.(Anchagina ko‘z yoshlarimni sarfladim🥲).

Animeda judayam ko‘p mavzular ko‘tarilgan.Urush va tinchlik eng asosiysi bo‘lsa, undan tashqari jamiyatdagi ijtimoiy tengsizlikning oqibatlari,irqchilik, genotsid,xiyonat va sodiqlik,mustahkam do‘stlik, hukumat va olamon o‘rtasidagi munosabatlar,propoganda kabilar juda mahorat bilan ochib berilgan.

''Men ozodlikning quliman'' - mana shu paradoks jumla hali ham xayolimdan ketmayapti.Yakunlaganimdan keyingi miyamga kelgan birinchi fikr: "Nahotki shuuuncha voqea, detallar,ulkan g‘oyalar, kashfiyotlar va umuman yangi bir olamni bitta anime ichiga sig‘dirish mumkin bo‘lsa?''
Mana shunday san'at asarini yaratgan odamning iqtidori oldida lolman.

Eren, Mikasa, Armin, Levi, Xanji, Rayner, Enni, Sasha, Koni, Jan...Bu ismlar anchagacha esimdan chiqmasa kerak.
Menimcha aytadiganlarim tugadi.Ko‘rmaganlarga qattiq tavsiya qilib qolaman.🙌
Oxirigacha sabr bilan o‘qigan bo‘lsangiz, katta rahmat.

P.s.O‘ylashimcha endi meni hech qaysi anime ''Titanlar hujumi'' kabi hayratga sololmaydi...

P.s.s Tavsiya qilgan odamga alohida rahmat!✊

@birgalikdakitoboqiymiz
110 0 2 3 8
Birgalikda kitob o‘qiymiz 📚📖📎

3 Jan, 20:29

Open in Telegram Share Report
#nazm #musiqa

Dunyoning ishlari

“O‘zgaribsiz” deysan. Bo‘lishi mumkin:
Axir boshdan oyoq o‘zgardi dunyo.
Odam, havo, tuproq avvalgidekmas,
Menda o‘zgarishlar bo‘lmaydi yo?

Oqibatni ko‘mdik oxir-oqibat, Huquqlar haqida kimdir chertar soz...
Xov issiq yurtlarda polaponlar och,
Mening esa sochim to‘kilgan bir oz...

Go‘daklar, go‘daklar, ma’sum go‘daklar, Baliqqa aylanib ketdi qanchasi... Yertalash, zartalash - sarson-sargardon erta manziliga yetdi qanchasi...

“O‘zgaribsiz”, deysan. Ha, men o‘zgardim: diydam qotdi ancha, kechdim ro‘yodan. Sahroi Kabirga qor yog‘di, axir, O‘zgarmay bo‘larmi shunday dunyoda?!

O‘zgardim. Sezibsan. Avvalgi “men” yo‘q, Ishga ko‘milganman ertadan to kech. Muztog‘ erimoqda, men xudbin esa, Onamni ko‘rgani vaqt topmayman hech.

Mayli, xayron bo‘lma, hammasi yaxshi Hech kimning aybi yo‘q—o‘zimdan ginam. Ko‘p narsa o‘zgardi, to‘g‘ri va lekin Mehrim o‘zgarmadi senga birgina...

✍️ Muslim Mirzajonov
🎤 Baxtiyor Rahmon

@birgalikdakitoboqiymiz
186 0 2 6
Birgalikda kitob o‘qiymiz 📚📖📎

1 Jan, 16:33

Open in Telegram Share Report
#sarhisob_2024 #kechikkan_post


Yilni sarhisob qilish bugunga nasib qilgan ekan.
2024-yilni men uchun kitoblardan uzoqlashish yili deb aytsa ham bo‘ladi.Juda ko‘p kitoblarni boshlab,oxiriga yetkazmay tashlab qo‘ydim.Aslini olganda o‘tgan yili salmog‘i og‘ir klassik asarlarni o‘qishni niyat qilgandim lekin negadir o‘zimni faqat yengilroq asarlarga urdim...Tugata olganlarimni tugatdim,qolganlari qolib ketdi...
50 dan oshiq filmlar,(anime,multfilm) ko‘rdim,bir qancha podkastlar,intervyular - umuman olganda yil zerikarli o‘tmadi.
Quyida esa men tugata olgan asarlar ro‘yhati,taqriz yozganlarimga havola qoldirdim:

1.''1984'' Jorj Oruell;
2.''Shedevr yozaman'' Mirzakalon Jo‘rayev;
3.''Qo‘zichoqlar sukunati'' Tomas Harris;
4.''Boqiy darbadar'' Isajon Sulton;
5.''Xotiralar'' Anna Dostoyevskaya;
6.''Gulliverning sayohatlari'' Jonatan Svift;
7.''Dasht-u dalalarda'' Normurod Norqobilov;
8.''Yolg‘izlikning yuz yili'' Gabriel Garsia Markes
9.''O‘n ikki stul'' Ilya Ilf,Yevgeniy Petrov;
10.''Qalb besabrligi'' Stefan Sveyg;
11.''Ityurak'' Mixail Bulgakov;
12.''Taxtlar o‘yini'' Jorj Martin;
13.''Rangin qushcha'' Yeji Koshinskiy;
14.''Isyon va Itoat'' Ulug‘bek Hamdam;
15.''Nur borki soya bor'' O‘tkir Hoshimov;
16.''Sarvqomat dilbarim'' Chingiz Aymatov;
17.''Ruhlar isyoni'' Erkin Vohidov;
18.''Oltin zanglamas'' Shuhrat;
19.''Diyonat'' Odil Yoqubov;
20.''Jaziramadagi odamlar'' Luqmon Bo‘rixon;


Sizlarni kirib kelgan yangi yil bilan tabriklayman.2025-yil barchamiz uchun omadli yil bo‘lsin!!!

P.s. Aytgancha, bugun kanalim 3 yoshga to‘ldi.

@birgalikdakitoboqiymiz
173 0 1 3 14
Birgalikda kitob o‘qiymiz 📚📖📎

20 Dec 2024, 07:32

Open in Telegram Share Report
#zavq❄️❄️❄️

Ertalabki ''Ijod namunam'' 😄

☃️☃️☃️

P.s.Mushukvachcham doim men bilan😎
266 0 1 18 20
Birgalikda kitob o‘qiymiz 📚📖📎

17 Dec 2024, 19:37

Open in Telegram Share Report
#nazm

***

Yo‘q,
Endi ko‘nglingdan chiqarolmaysan,
Umringda quyoshday porlayveraman.
Ming yillar qa’riga ketganingda ham,
Men seni samoday chorlayveraman.

Ismingni tonglarga yozaman mahtal,
G’unchalar bargida uxlayveraman.
Yo‘q, baxting meningsiz bo‘lolmas tugal,
Men seni har lahza yo‘qlayveraman.

Otashman,
Dengizman,
Samoman,
Nurman,
Jismu jahoningni o‘rayveraman,
Ayt, qanday topasan, qochmoqqa imkon -
Men seni Xudodan so‘rayveraman.

Men - so‘nggi tomchiman,
Yagona najot.
Faqat sen ichgin deb qistayveraman.
Qo‘llarimda qoldi
Eng so‘nggi hayot,
O’lsam ham ishqingni istayveraman!

©Zebo Mirzo

@birgalikdakitoboqiymiz
279 0 3 5 9
Birgalikda kitob o‘qiymiz 📚📖📎

11 Dec 2024, 06:25

Open in Telegram Share Report
#mutolaa

Qahraton qishda jazirama issiq taftini his qilish uchun yaxshi imkoniyat...

@birgalikdakitoboqiymiz
531 0 2 5 230
Birgalikda kitob o‘qiymiz 📚📖📎

8 Dec 2024, 06:33

Open in Telegram Share Report
#nazm

...Tongda derazani ochding. Qarading –
Tashqarida qordir, tashqarida qor...

©Usmon Azim

@birgalikdakitoboqiymiz
339 0 5 6 15
Birgalikda kitob o‘qiymiz 📚📖📎

7 Dec 2024, 12:43

Open in Telegram Share Report
303 0 0 3 7
Birgalikda kitob o‘qiymiz 📚📖📎

4 Dec 2024, 18:10

Open in Telegram Share Report
#nazm

JUMBOQLI OLAM

Koʻz ilgʻamas ummonning bor adogʻi,
Bogʻu dala, oʻrmonning bor adogʻi,
Hatto moviy osmonning bor adogʻi,
Ammo oliy tafakkurda sarhad yoʻq.

Poyon bordir barcha azim daryoda,
Poyon bordir togʻlardayu sahroda,
Poyon bordir hatto yorugʻ dunyoda,
Ammo faraz degan nurda sarhad yoʻq.

Bu olamning jumbogʻi koʻp,
Bu olamning soʻrogʻi koʻp.
Bu olamda savol cheksiz,
Bu olamda xayol cheksiz...

©Anvar Obidjon 2003-yil

@birgalikdakitoboqiymiz
269 0 1 1 7
Birgalikda kitob o‘qiymiz 📚📖📎

4 Dec 2024, 05:51

Open in Telegram Share Report
Forward from: Kitoblar ombori
- Sen nimani orzu qilasan?
- Plashim bo‘lishini.
- Plashni nima qilasan?
- Yaqinda qish keladi, mening esa kiyishga plashim yo‘q.
- (o‘zining plashsini yechib) Mana buni ol-da, bundan keyin buyuk narsalarni orzu qil!

“Kuryer” filmidan

@kitob_ombori
231 0 2 3 13
Birgalikda kitob o‘qiymiz 📚📖📎

3 Dec 2024, 18:27

Open in Telegram Share Report
#yangi_kitob

Yangi kitobimni maqtanish barobarida u haqida biroz ma'lumotlar aytib o‘tmoqchiman:

⚡️''Tom tog‘aning kulbasi'' (Uncle Tom's Cabin) amerikalik adiba Garriet Bitcher Stouning asari bo‘lib u, 1852-yilda nashr etilgan.

⚡️Roman o‘z davrida juda katta shov-shuvlarga sabab bo‘lib,hattoki fuqarolik urushiga ham turtki bo‘lgan.(Asar tufayli qullik asosida yuzaga kelgan mahalliy mojaro kengayib,Amerikada fuqarolik urushi boshlanib ketgan).

⚡️Ushbu roman IXX asr Amerika adabiyotidagi birinchi ijtimoiy realistik asarlardan biri hisoblanadi.

⚡️Roman Amerikaning qullik tizimiga qarshi yozilgan eng muhim adabiy asaridir.

Iqtiboslar:
✏️Qabrda biz hammamiz erkinmiz va tengmiz.
✏️Qul imkon bo‘lishi bilan xo‘jayinga aylanishni istaydi.
✏️Qullikning eng daxshatli tomoni shundaki,u his-tuyg‘ularni o‘ldiradi.

P.s. Suratlar va kitob 1-dekabrdagi Kitobxonlar uchrashuvidan esdalik.🌚🌝

@birgalikdakitoboqiymiz
245 0 1 14 8
Birgalikda kitob o‘qiymiz 📚📖📎

1 Dec 2024, 04:20

Open in Telegram Share Report
#nazm

🍁🍁🍁
Umidim ko'p edi axir, bu kuzdan...
Tunda vidolashmay ketdi noyabr...

©Muhammad Siddiq


Qishning birinchi kuni bilan, yaxshilar🌝

@birgalikdakitoboqiymiz
300 0 3 4 8
Birgalikda kitob o‘qiymiz 📚📖📎

30 Nov 2024, 21:11

Open in Telegram Share Report
#sarhisob_oktyabr_noyabr

Kitoblar:
1.''Nur borki,soya bor'' O‘tkir Hoshimov;
2.''Ruhlar isyoni'' Erkin Vohidov;
3.''Sarvqomat dilbarim'' Chingiz Aytmatov;
4.''Oltin zanglamas'' Shuhrat;


Filmlar:
1.''O‘lik shoirlar jamiyati'' (AQSH);
2.''Elparvar'' (O‘zbekfilm);
3.''Oddiy askar Rayanning qaytishi'' (AQSH);
4.''Qora belbog‘li zobit'' (Koreya);
5.''Yo‘llar'' (AQSH);
6.''Shoushenkdan qochish'' (AQSH);
7.''A man called Otto'' AQSH,Shvetsiya (O‘zbek tiliga ''Beo‘xshov qo‘shnim'' deb tarjima qilishibdi)
8.''Zombi apakolipsis va o‘limdan oldin 100 ta narsa ro‘yhati'' (Yaponiya);
9.''Matematik mo‘jizalar'' (Koreya);
10.''3391 kilometr'' (Turkiya);
11.''Rohibaning la'nati''(AQSH);
12.''Yettinchi muhr''

@birgalikdakitoboqiymiz
232 0 2 26 6
Birgalikda kitob o‘qiymiz 📚📖📎

30 Nov 2024, 08:59

Open in Telegram Share Report
#nazm

Sizni tushunaman o‘zimdan ko‘proq,
Boshimda yog‘olmay turgan bulutlar...

©Behzod Fazliddin
251 0 2 8
18 last posts shown.