#nazm

Sen shunday go'zalsan, shu qadar nafis
Sen shunday g'ussali, shu qadar o'ychan,
Sen shunday darddirsan ― yo'qotmoq xavfi ―
Qalbimni o'rtaru tark etmas bir dam.

So'zlaysan ― o'zingga so'zlagan misol,
Qarshimda turasan g'amlarga bandi.
Ishqingda bir kun-ku tiriklik mahol,
Ammo har lahzada o'lmoqlik kammi?

Sen shunday go'zalsan, shu qadar g'amgin ―
Ko'zimda yoshdirsan, yuragimda ― zor...
Sen shunday darddirsan ― yo'qotish mumkin,
Sen shunday darddirsan ― topmoqlik dushvor.
🌊

Usmon Azim