Bibliofil | Akmal Turdaliyev


Channel's geo and language: Uzbekistan, Uzbek
Category: Books


• Fikrlar, mulohazalar va shaxsiy tajribalar bilan boyitilgan blog
• Kitoblar va hayot o‘rtasida ko‘prik
•Kitobsevarlar uchun ishonchli maskan

Murojat uchun: @fikrlar3617bot

Related channels  |  Similar channels

Channel's geo and language
Uzbekistan, Uzbek
Category
Books
Statistics
Posts filter


Charchoq yoki ongingda bo‘shliq sezsang, u-bu narsa chiz.


"Yoningizdagina chinakam halovatni tuyaman..."

"Kichkina shahzoda" asarining muallifi, mashhur yozuvchi Antuan de Sent Ekzyuperi bu maktubni yozgan paytda hali yosh uchuvchi edi, uyidan uzoqda xizmat qilardi. Mashaqqatlardan chalg‘ish, biroz ovunish uchun yaqinlariga xat yozardi. Bunday maktublar orasida onasi Mari Buae de Fonkolombga yozgan bir nomasi e’tiborga molik.


"1922-yil.

Ayajon,

Mehrga limmo-lim kechagi xatingizni qayta o‘qib chiqdim. Ayajon, hozir sizning yoningizda bo‘lishni qanchalar istayotganimni, kundan kun sizni yanada qattiqroq yaxshi ko‘rib borayotganimni bilsangiz edi. So‘ngi kunlarda sizga xat yozolmadim, ish-tashvishlarimiz ko‘payib ketdi.

Kecha sokin, osoyishta. Mening esa, bilmadim negadir, yuragim mahzun tortgan. Avoradagi xizmat ham zerikarli darajada cho‘zildi. Sen Morisda dam olib-davolanishga va sizning parvarishingizga juda-juda muhtojman.

Qachonlardir men sabab ko‘zlaringizdan marjon-marjon yoshlar to‘kilgandi. Shularni o‘ylasam, yuraklarim ezilib ketadi.

Nimalar qilyapsiz, aya? Rasmlar chizyapsizmi?.. Shular haqida yozing. Xatlaringiz yashashimga ko‘mak beradi, ular bilan birga sarin halovat kirib keladi. Ayajon, bunaqa shirin so‘zlarni qayerdan topasiz-a? Kun bo‘yi shu so‘zlarning ta’sirida yuraman.

Xuddi bolaligimdagi kabi hozir menga juda-juda zarursiz. Qat’iy tartib, harbiy intizom, mashg‘ulotlar – bir qolipdagi, rangsiz hayot. Xayolimda mehmonxonadagi gullarga ishlov berayotganingiz gavdalanadi. Hozirgi turish-turmushimni yomon ko‘rib ketaman.

Men sizni samimiyatimga shubha bilan qarashga majbur qildim. Lekin hozir ko‘nglimdagi hislarni anglata olsam edi...

Hayotimdagi eng ezgu, yorug‘ nur – sizsiz. Ayni dam uyimizni xuddi go‘dakday orziqib sog‘inyapman. Tasavvurimda jonlanasiz: mana, u yoqdan-bu yog‘ga yuribsiz, nimalar haqidadir gapiryapsiz. Biz hozir birga bo‘lishimiz mumkin edi, afsuski, qaynoq mehringizdan olisdaman, o‘g‘il bo‘lib xizmatingizni ham qilolganim yo‘q.

To‘g‘risi, bu kecha yig‘laguday alpozdaman. Bunday damlarda menga yagona yupanch siz ekaningiz ham ayni haqiqat. Bolalik paytim katta xaltamni ko‘targancha, ho‘ngrab kelganim esimda. Yodingizdami, Mansda bo‘lgandi bu. Meni jazolashganidan xo‘rligim kelib yig‘lardim. O‘shanda peshonamdan mayingina o‘pib qo‘ydingiz – men hamma narsani paqqos unutdim. Siz o‘qituvchilar-u murabbiylardan beqiyos himoya qo‘rg‘onim edingiz. Uyda o‘zimni mutlaqo xavfsiz sezardim. U yerda sizdan boshqa hech kim bo‘lmasdi. Qanday damlar edi-ya!..

Hozir ham hammasi o‘sha-o‘sha – sizning yoningizdagina chinakam halovatni tuyaman. Faqatgina siz hamma narsani bilasiz, faqatgina siz bor tashvish-u o‘ylarimni unutishga, boixtiyor va beixtiyor o‘zimni yosh bola deb his etishga majbur qila olasiz.

Ko‘rishguncha, aya. Ishim boshimdan oshib-toshib yotibdi... Bu yerda ham Sen Morisdagi kabi baqalar vaqillaydi. Lekin bular juda yoqimsiz!

Ertaga siz tomonga, Sen Morisga qarab ellik kilometr uchaman. Biroz bo‘lsa-da, haqiqatan ham yoningizga ketayotganday zavqlanaman, yayrayman.

Qo‘llaringizni o‘pib, ko‘zimga surib xayrlashaman.

Katta bo‘lib qolgan o‘g‘lingiz Antuan".

@bibliofilllll


Erkaklarni seving. Sizning sevgingiz ular uchun juda zarur. Hatto ular buni hech qachon tan olmasalar ham. Har qanday buyuk erkakning ortida unga ishongan va chinakamiga sevgan ayol bor.

© Bernard Shou


Iren Adler faqat bitta epizodda paydo bo'ladi, bir necha satr gapiradi va Konan Doyl sahifalaridan abadiy yo'qoladi, lekin Xolms xotirasidan emas.

Iren Adler - Artur Konan Doylning Sherlok Xolms hikoyalaridagi qahramon. U birinchi marta 1891-yilda nashr etilgan “Bogemiyadagi mojaro” qisqa hikoyasida paydo bo‘ladi.

✨Adler Xolmsdan ustun bo'lib, hurmatiga sazovor bo'lgan aqlli va topqir ayol sifatida tasvirlangan. Ko'pincha Xolms hayotida aql va ideallikni ifodalovchi (The Woman)"ayol" deb ataladi. Bu nom uning qalbida boshqa har qanday qahramondan farqli o'laroq, o'ziga xos o'rin egallashidan dalolat beradi.

✨U opera xonandasi bo'lib, o'zining iste'dodi va go'zalligi bilan mashhur.

Valkiriya🪽


#kitobdan

Siz meni sevasiz. Lekin nima uchun sevasiz? Axir meni yozishga majbur etayotgan narsaning oʻzi sizni ham meni sevishga majbur etadi-ku. Siz meni shuning uchun ham sevasizki, atrofingizni oʻragan va birontasiga koʻngil qoʻyishingiz mumkin boʻlgan odamlarga men oʻxshamayman. Men idorada ishlash uchun, hisob-kitob bilan shugʻullanish uchun, sansalorlik, loʻttibozlik uchun tugʻilgan emasman. Siz meni shu hamma odamlar qilayotgan ishni qilishga, ular bilan hamnafas, hamfikr boʻlishga majbur qilib koʻring, men bilan ular oʻrtasidagi farqni barbod qilasiz, meni yoʻq qilasiz, demakki oʻz sevgingizni mahv etasiz. Menga gʻayrat bagʻishlagan narsa – ijodga boʻlgan ehtirosdir. Bordi-yu, bironta oddiy ovsar odam boʻlganimda, yozuvchi boʻlishni orzu qilmasdim, shuningdek, siz ham menga xotin boʻlishni xohlashingiz amri mahol edi.

✍️Jek London
📚Martin Iden

@bibliofilllll


Shu kitob kimda boʻlsa sotib olaman.

373 0 2 18 11

#challenge 13-kun ✅

Juma muborak azizlar 🌙


Forward from: Bobil minorasi
Bizni xarob qilgan narsa — bu ehtiyojlarimizni cheksizligi.


Remarkni oʻqiy oladigan yagona qatlam — bu realistlar. Negativ yorligʻi ostidagi, hayotni tovuq goʻngni titgani kabi titib tashlaydigan, hech bir mafkuraga shunchaki ishonib ketmaydigan, pafosli romantizm ustidan kuladigan, ideal qarashlar va romantik tasvirlarni bachkana deb hisoblaydigan hamda hayotni bor-budicha, kerak boʻlsa, yalangʻoch holda koʻrishga odatlangan realistlar Remarkni oʻqiy olishadi.

@bibliofilllll


Kimdir Nyu York triologiyasini sovgʻa qilsa meniyam baxtim toʻkis boʻlar ekan.


Forward from: The Stranger
Faqat "Kırka"ni olganimga koʻnglim yarim boʻlib turgandi. Endi baxtim toʻkis boʻldi)


#kitobdan

Bilaman, bu sizning ilk muhabbatingiz, lekin goʻzallik hurmati, bundan keyingi safar bunchalik befarq boʻlmang. Xoʻsh, bu burjua qizlarini boshingizga urasizmi? Qoʻying, aylanishmang ularga. Oʻzingizga, haligi "hayot ustidan ham, oʻlim ustidan ham kuladigan, to muhhabat boricha sevadigan", yuragida oʻti bor, zoʻr ehtirosli ayollardan birini toping. Dunyoda topiladi bunday ayollar, gapimga ishonavering, ular ham toʻq burjua hayotida tugʻilib oʻsgan anavi pastkash ojiza singari astoydil seva oladilar. U bolalik chogʻidan miyasiga quyib qoʻyishgan, hammaga maʼlum boʻlgan narsalar toʻgʻrisida vaysaydi va lekin chinakam hayotdan qoʻrqadi. U sizni oʻzicha sevadi, Martin, ammo oʻzining ayanchli qoidalarini koʻproq sevadi. Sizga esa buyuk fidokorona muhabbat kerak, sizga ozod qalb egasi, koʻrimsiz kuya emas, rang-barang tovlanuvchi parvona kerak. Ammo lekin axiyri borib, hamma xotinlar ham joningizga tegadi, agar bordiyu oʻz baxtingizga qarshi bu dunyoda uzoq yashab qolsangiz, albatta. Lekin siz uzoq yashay olmaysiz! Chunki siz dengizga qaytishni istamayapsiz-ku! To oʻzingiz chirib yoʻq boʻlib ketguningizgacha shu chirkin shaharlarda tentirab yuraverasiz.

📚 Martin Iden
✍️ Jek London

@bibliofilllll


Bundan 2 yil avval Sherzod Ortiqovning «Mona Liza tabassumi» hikoyalar toʻplamini oʻqigandim. Hikoyalarda hech qanday qoʻshimchalarsiz, boʻrttirishlarsiz bugungi kunimiz tasvirlangan.

Yaqinda @tirilishuz nashriyotidan muallifning yana bir kitobi «Sevdik, kuldik, yigʻladik» nomi ostida chiqdi. Bundan hursand boʻldim albatta, lekin kitob nomi meni oʻziga tortmadi va shu sabab kitobni sotib olishim kechikdi.

Chorsuga borganimda @ibook_uz doʻkoniga kirdim. Kitobni olib varaqladim. Kitob hikoyalar emas, esselar ekanligi unda jamiyatimizdagi turli muammolar, tobora moddiylashib , isteʼmolchiga aylanib ketayotgan odamlar, bundan tashqari koʻpchilikka tanish jahon adabiyoti va sanʼati namoyandalari haqidagi muallif fikrlari ekanligini oʻqidim.

Mundarijasiga qaradim, «Hecham kelmaydigan Godo», «Betxevonga maktub», «Bernard Shou darajasi», «Remark xaosi», «Xemingueyga yutqazgan kunim» kabi sarlavhalar kitobni olishimga sabab boʻldi.
Hozircha yarmigacha oʻqidim. Toʻliq oʻqib boʻlganimdan keyin kitob haqida fikrlarimni yana yozaman.

Muallifning qaysi kitoblarini oʻqigansiz?

@bibliofilllll

426 0 0 15 18

#challenge 12-kun ✅

Kuningiz xayrli oʻtsin.


Birinchi muhabbatimizga ijtimoiy tarmoq yoki telefonning xabar yuboradigan qismidan imlo xatolarga liq toʻla noma emas, daftar orasidan yirtilgan oppoq varaqqa izhorimizni iymanibgina bitib yuborardik.


"Alif ta'lim academy" bu online bilimlarni eng yaxshi usulda va bepul tarzda sizlarga taqdim etadigan , obunachilari ilmga chanqoq bo'lgan ommaviy kanaldir!

Bizning kanalda siz☝️ :


✔️ Ingliz tili(grammatika)
✔️ Ingliz tili (speaking)
✔️ Arab tili
✔️ Turk tili
✔️ Rus tili
✔️ Matematika (Prezident maktabiga tayyorlov)

kabi tillardan malakali va tajribali B2+ darajali ustozlardan ta'lim olasiz!!!🤩
Ayol qizlar uchun 🌷

https://t.me/+2kjBO-G1wh9hMmNi
Kanal linki❗️


#asmaul_husna 🌙

18. ar-Razzoq

Koʻplab rizq beruvchi. Rizqlarni va ularning vositalarini yaratuvchi. Alloh maxluqotlariga hech bir ogʻirliksiz va qiyinchiliksiz yoki yordam soʻramasdan rizq beruvchidir.

Allohning go'zal ismlaridan biri ar-Razzoq bo'lib, "rizq beruvchi", "hamma narsani o'z vaqtida yetkazib beruvchi" ma'nosini anglatadi. Bu ism Allohning bandalariga rizq berishni zimmasiga olganini ifodalaydi. Ar-Razzoq ismi faqat moddiy rizqni emas, balki ruhiy va ma'naviy ne'matlarni ham o'z ichiga oladi.

Alloh ar-Razzoq sifatida har bir jonzotga kerakli narsani beradi, ular qanday holatda bo'lishlaridan qat'i nazar. U bandalarning ehtiyojlarini biladi va o'sha ehtiyojlarini qondiradi. Bu ism Allohning rahm-shafqatiga va bandalarga bo'lgan mehriga dalolat qiladi, chunki U rizqni qayerdan kelishini bilmasak-da, bizga vaqtida yetkazadi.

Ar-Razzoq ismining taqozosi shundaki, bandalar Allohga to'la ishonch bilan suyanishi va rizq uchun faqat Uning oldida bosh egishi lozim.



@bibliofilllll


#adabiyot

Absurdizm — bu hayotning ma'nosizligi va insonning ma'no izlashga urinishlari orasidagi ziddiyatni tadqiq etuvchi falsafiy oqim. Absurdistlar fikricha, inson doimiy ravishda hayotdan ma'no izlashga harakat qiladi, ammo olam va mavjudlikning o'zi mantiqsiz, tartibsiz va ma'nosizdir. Bu qarama-qarshilik insonni absurdlik holatiga olib keladi.

Absurdizmning asosiy namoyandalaridan biri Albert Kamyu bo‘lib, uning asarlarida hayotning absurdligi asosiy mavzulardan biri hisoblanadi. Kamyuga ko‘ra, insonning mavjudligi bu ma'nisiz bo‘lishiga qaramay, unga qarshi kurashda va o‘zining shaxsiy erkinligini saqlashda haqiqat topiladi.

Masalan Kamyuning "Begona" romani absurdizmni chuqur yoritib bergan. "Begona" asarida qahramon Merso hayotda hech qanday chuqur ma'no ko'rmaydi va jamiyatning mantiqsizligiga qarshi qilib ko'rsatiladi.

Shuningdek, absurdizm adabiyotda Samuel Bekket va Ejen Ionesko kabi yozuvchilarning ijodida ham aks etgan. Samuel Bekketning "Godoni kutib" pyesasi bu yo‘nalishning eng mashhur asarlaridan biri bo‘lib, qahramonlar hech qachon kelmaydigan Godoni kutishadi, bu insonning ma'nosiz izlanishlarini aks ettiradi.

📎 Absurdizm namoyondalaridan kimlarni oʻqigansiz?

@bibliofilllll

471 0 1 16 16

O, bu katta shahar.... gavjum shahar... shovqin-suronli shahar va... albatta, bir tiyinga qimmat shahar!


#foydali

Samotsenka (o'z-o'zini baholash) — bu shaxsning o'ziga va o'zining xatti-harakatlariga nisbatan subyektiv fikri va munosabati. Bu jarayon orqali odam o'z qobiliyatlari, yutuqlari, kamchiliklari va imkoniyatlarini baholaydi. Samotsenka ko'pincha shaxsiy rivojlanish, muvaffaqiyat va o'ziga ishonch bilan bog'liq bo'lib, u odamning maqsadlariga erishishida katta rol o'ynaydi.

Samotsenka yuqori yoki past bo'lishi mumkin:

🔘Yuqori samotsenka — inson o'zini ishonchli, qobiliyatli va muvaffaqiyatga erishishga layoqatli deb hisoblaydi.

🔘Past samotsenka — inson o'zini noaniq, o'z qobiliyatlariga shubha qiluvchi va muvaffaqiyatsizlikdan qo'rqadigan deb his qiladi.

Muvozanatli samotsenka shaxsning psixologik salomatligi va ijtimoiy hayotida muhim o'rin tutadi.

@bibliofilllll



20 last posts shown.