🏦 Наманганда Марказий банк ташаббуси: “Бир-контур бир-маҳсулот” дастури орқали аҳоли даромади ошмоқда

Наманган вилоятида тижорат банклари фаолиятини янада ривожлантириш ва аҳоли фаровонлигини ошириш мақсадида, Марказий банкнинг вилоятдаги бош бошқармаси самарали ҳамкорликка йўл очиб бермоқда.

Ушбу чора-тадбирлар натижасида Агробанк Норин филиали томонидан Норин тумани Пасткичўқча МФЙ ҳудудида “Бир-контур бир-маҳсулот” дастурини муваффақиятли амалга ошириш жараёни бормоқда.

☑️ Лойиҳанинг асосий жиҳатлари:
▪️40 нафар фуқаро учун 10 гектар ер майдони ажратилди.
▪️“Норин Микс савдо” МЧЖ агрегатор сифатида жалб этилиб, 250 млн сўмлик кредит маблағлари режага мувофиқ тақдим этилди.

☑️ Картошка экиш ва парваришлаш:
▪️“Аризона” навли уруғлар олиб келиниб, экиш ишлари ташкил этилди.
▪️3–4 ой мобайнида мутахассислар бошчилигида парваришлаш режаси йўлга қўйилган.
▪️Ҳар бир гектардан камида 40 тонна ҳосил олиш мўлжалланган.

☑️ Иқтисодий самара:
▪️Жами харажатлар: 600 млн сўм.
▪️Жами ҳосилдорлик: 400 тонна, қиймати эса 2 400 млн сўмни ташкил этади.
▪️Умумий фойда: 1 800 млн сўм.
▪️Ҳар бир ижарачи учун 3–4 ойда 55 млн сўм миқдорида даромад олиш имконияти мавжуд.

Мазкур лойиҳа Марказий банкнинг Наманган вилояти бош бошқармаси раҳбарлиги остида, вилоятдаги тижорат банкларининг барқарор ва самарали фаолиятини таъминлаш мақсадида йўлга қўйилган кенг қамровли ислоҳотларнинг бир кўриниши ҳисобланади.

👍Каналга уланиш👉🏻 @Bankxabar