Surxondaryo viloyati hokimligi

📣 5-dekabr, payshanba kuni o‘tkazilishi rejalashtirilgan press-tur

🏢 Tashkilotchilar: Surxondaryo viloyati hokimligi, Axborot va ommaviy kommunikatsiyalar boshqarmasi, Ekologiya va atrof-muhitni muhofaza qilish boshqarmasi

⛰ Maqsad: Surxon davlat qo‘riqxonasida biologik xilma-xillik ta’minlash, hududlarda yashil maydonlarni kengaytirish, "Yashil belbog‘"larni tashkil etish borasidagi ishlar bilan tanishish

🛣 Manzil: Sherobod tumani

🕚 Vaqti: soat 11:00-17:00

🚌 Termiz shahridan avtobus Matbuot uyi binosi oldidan soat 9:00da jo‘naydi:
🚌 Denov shahridan avtobus tuman hokimligi binosi oldidan soat 9:00da jo‘naydi.

🔰 Barcha jurnalistlar va blogerlarni ushbu media-tadbirga taklif etamiz!

Telegram | Facebook | Instagram | YouTube | Web-site | X

Hududlarga tashrifini Sho‘rchi tumanida davom ettirgan Surxondaryo viloyati hokimi Ulug‘bek Qosimov Xayrobod mahallasida joylashgan 29-sonli davlat maktabgacha ta’limi tashkilotida avvalgi tashriflarda berilgan topshiriqlar ijrosi bilan tanishdi. Bog‘chada yaratilgan sharoitlar, bolalarni sog‘lom ovqatlantirish uchun oshxonaning jihozlanishi hamda zarur jihozlar bilan ta’minlanishi ko‘zdan kechirildi.

Shundan so‘ng, tumanning markaziy ko‘chasi bo‘ylab yurilib, obodonlashtirish ishlari ko‘zdan kechirildi. Ko‘chalar tozalanmaganligi, savdo nuqtalari piyodalar yo‘laklariga chiqib ketganligi tanqid qilinib, hududni tartibga olish, aholi uchun qulayliklar yaratish hamda obodonlashtirish ishlarini amalga oshirish vazifalari belgilab berildi.

Shuningdek, tuman markaziy poliklinikasi faoliyati bilan tanishilib, farzandlarini emlashga olib kelgan ota-onalar uchun kutish joylarida yetarli sharoitlar yaratilmaganligiga e’tirozlar bildirildi hamda tuman tibbiyot birlashmasi uchun yangi shifoxona qurilishini jadallashtirish lozimligi ta’kidlandi.

Tashrif yakunida maktabgacha va maktab ta’limi mutasaddilari, direktorlar bilan ta’lim-tarbiya jarayonlarini sifatli tashkil etish, bu borada ilg‘or tajribalarni joriy etish masalalari muhokama qilindi.

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov hududlarga tashrifni Qumqo‘rg‘on tumanidan boshladi. Dastlab, tumanning Azlarsoy mahallasidagi 6-sonli davlat maktabgacha ta’lim tashkilotining mavjud sharoitlari bilan tanishildi.

Shundan so‘ng, Qumqo‘rg‘on tumanidagi maktabgacha ta’lim tashkilotlarida bolalarni sog‘lom ovqatlantirish, ta’lim-tarbiya jarayonlarini sifatli tashkil etish hamda moddiy-texnika bazasini mustahkamlash borasida amalga oshirilayotgan ishlar muhokama qilindi. Yo‘l qo‘yilgan kamchiliklar ko‘rsatib o‘tilib, ularni bartaraf etish borasidagi vazifalar belgilab berildi.

Viloyat rahbari tumanga tashrifi yakunida 27-sonli umumiy o‘rta ta’lim maktabida viloyat Pedagogik mahorat markazi faoliyati va kelgusidagi rejalari yuzasidan taqdimot bilan tanishdi. Markaz tomonidan joriy yilda 22 816 nafar o‘qituvchilar, 688 nafar bog‘cha tarbiyachilarining malakasini oshirish rejalashtirilgan bo‘lib, yil yakuniga qadar ushbu ko‘rsatkichlar bajarilishi qayd etildi.

Shuningdek, shu yerning o‘zida tumandagi umumta’lim maktablari direktorlari bilan ta’lim sifatini oshirish, kelgusi yilda amalga oshirilishi lozim bo‘lgan vazifalar muhokama qilinib, tajribalari pedagog-rahbarlarning takliflari tinglandi.

Telegram | Facebook | Instagram | YouTube | Web-site | X

📊 Surxondaryoda chet el investitsiyalari ishtirokidagi korxonalar soni 471 taga yetdi

📈 Viloyat statistika boshqarmasi ma’lumotiga ko‘ra, Surxondaryoda chet el investitsiyalari ishtirokidagi korxonalarning soni 471 tani tashkil etib, o'tgan yilning mos davriga nisbatan 3,8 martaga oshgan.

⤵️ Hududlar kesimida ularning soni quyidagicha:

🔷Termiz shahrida – 211 ta;
🔷Termiz tumanida – 132 ta;
🔷Uzun tumanida – 19 ta;
🔷Sariosiyo tumanida – 18 ta;
🔷Denov tumanida – 16 ta;
🔷Muzrabot tumanida – 12 ta;
🔷Sho‘rchi tumanida – 12 ta;
🔷Angor tumanida – 11 ta;
🔷Boysun tumanida – 11 ta;
🔷Qumqo‘rg‘on tumanida – 7 ta;
🔷Bandixon tumanida – 7 ta;
🔷Jarqo‘rg‘on tumanida – 5 ta;
🔷Sherobod tumanida – 4 ta;
🔷Qiziriq tumanida – 4 ta;
🔷Oltinsoy tumanida – 2 ta.

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov o‘tgan haftada Termiz shahri "Alpomish" mahallasida bo‘lib, amalga oshirilishi lozim bo‘lgan vazifalarni belgilab bergan edi. Bugun ushbu mahallada viloyat rahbari berilgan topshiriqlar ijrosi, obodonlashtirish ishlarining borishi bilan tanishdi. Mutasaddilarga hudud infratuzilmasini yaxshilash, ko‘p qavatli turar joylar atrofini tartibga keltirish, bolalar maydonchalarini ta’mirlash vazifalari topshirildi.

Shundan so‘ng, shahar sektor rahbarlari va "Alpomish" mahallasi "yettiligi" tomonidan hududda amalga oshirilgan ishlar, kelgusidagi rejalar yo‘nalishlar kesimida taqdimot qilindi. Shuningdek, shu yerning o‘zida Sherobod tumanida MTT binosi, savdo kompleksi, Termiz tumanida barpo etilayotgan "Yangi O‘zbekiston" massiviga tutash hududda savdo, xizmat ko‘rsatish va dam olish maskanlari hamda yoshlar sanoat zonasini tashkil etish loyihalari ko‘rib chiqildi.

Taqdimot bilan tanishgan viloyat rahbari mutasaddilarga har bir loyihaning texnik-iqtisodiy asoslari hamda samaradorligini aniq baholagan holda amalga oshirish yuzasidan tavsiyalarni berdi.

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov Oltinsoy tumaniga tashrif buyurib, hududda tanlab olingan 12 gektarlik maydonda tashkil etilayotgan "Yashil" bog‘ga daraxt ekish tadbirlarida ishtirok etdi.

"Yashil makon" umummilliy loyihasi doirasida amalga oshirilayotgan mazkur tadbirda davlat va jamoat tashkilotlari vakillari, faollar, nuroniylar hamda yoshlar ishtirok etib, manzarali va mevali daraxt ko‘chatlari ekdi.

Shundan so‘ng, Agroinspeksiya hamda O‘simliklar karantini va himoyasi viloyat boshqarmalari mutasaddilari Prezidentimiz raisligida joriy yil 28-noyabr kuni o‘tkazilgan videoselektor yig‘ilishida berilgan topshiriqlar ijrosini ta’minlash, yil yakuniga qadar erishilishi lozim bo‘lgan ko‘rsatkichlar hamda kelgusidagi ustuvor vazifalar yuzasidan taqdimot o‘tkazdi. Viloyat rahbari mutasaddilarga tegishli vazifalarni belgilab berdi.

Viloyat rahbari Ekraz mahallasida "Bir mahalla — bir mahsulot" tamoyili asosida hokim yordamchisining xonadonida tashkil etilgan issiqxonada limon va qulupnay yetishtirish hamda muzlatkichli omborxona qurilishi bilan ham tanishdi.

Telegram | Facebook | Instagram | YouTube | Web-site | X