Танкаси бормиш

Шоир Шеркамол

Юриб кетди ишлари дарҳол
Босган изи боғ-у, баҳормиш
Сен ҳам бориб дуосини ол
Бу одамнинг танкаси бормиш..

Бир сотувчи эди бозорда
Қотган нонлар еди бозорда
Кимлар шундай деди бозорда
Бу одамнинг танкаси бормиш..

Икки қилмас бугун сўзини
Ёруғ қилди савдо юзини
Катта олиб кетди ўзини
Бу одамнинг танкаси бормиш..

Ўтда ёнмас сувда чўкмайди
Кўкрак осмон қаддини букмайди
Мулойим сўз, ҳеч ҳам сўкмайди
Бу одамнинг танкаси бормиш..

Тилло сойдан ичар чойларни
Меҳмон қилар фақат бойларни
Баланд қилиб қурди жойларни
Бу одамнинг танкаси бормиш..

Тўхтамайди бир зум кулиши
Ойдай бўлиб кўкда тўлиши
Тошкентлардан экан таниши
Бу одамнинг танкаси бормиш.

Шеркамол ҲАҚ қўлласин ҳар дам
Шеърларингни ёзавер бекам
Барчамиз ҳам бир ожиз одам
Бу одамнинг танкаси бормиш..

2024..

🦅 ANTIKORRUPSIYA