ZIYO IZLAB | Расмий Канал

#саждаи_саҳв_масалалари
🧎‍♂️ САЖДАИ САҲВ ҚИЛИШНИНГ ТАРИҚАСИ

Ибодатларда асл қоида шуки, улар камол сифати билан, яъни мукаммал тарзда адо этилиши керак. Уларни камол сифати билан адо қилиш вожиб. Инсон башарлик тақозоси билан намозда бирор камлик ё ортиқликка йўл қўйиб, намознинг ажру савобига нуқсон етадиган бўлса, шариат инсонни ўша нуқсоннинг ўрнини тўлдириб, намозида яна қайта аъло сифатни пайдо қилишни буюради. Саждаи саҳвни унга шунинг учун вожиб қилган. («Мабсут», 1-ж, 218-6.)

Ҳанафийлар наздида намозда бирор камчилик ёки зиёдаликка йўл қўйган кишининг саждаи саҳв қилиш тариқаси шуки, у охирги қаъдада ташаҳҳудни ўқиб бўлгач, ўнг томонга салом беради, сўнг иккита сажда қилади, ортидан ташаҳҳуд, салавот ҳамда маъсура (асарда келган) дуоларни ўқиб, намоздан чиқиш учун салом беради. («Фатово Оламгирий», 1-ж, 65-б.)

Савбон розияллоҳу анҳудан ривоят қилинган ҳадисда, Расули акрам соллаллоҳу алайҳи васаллам шундай марҳамат қилдилар: «Ҳар саҳв (адашиш) учун саломдан сўнг икки сажда лозим». («Бадоеус-саноеъ», 1-ж,183-б.)

Бошқа бир ҳадисда Абдуллоҳ ибн Масъуд розияллоҳу анҳу марҳамат қиладилар: «Расулуллоҳ соллаллоҳу алайҳи васаллам пешин намозини беш ракъат ўқиб бердилар. У зотга: «Намознинг ракъатлари кўпайтирилдими?» деб айтилди. У зот: «Нима гап» дедилар. Саҳобалар: «Намозни беш ракъат ўқидингиз», деб айтдилар. Шунда Расулуллоҳ соллаллоҳу алайҳи васаллам саломдан кейин саҳвнинг икки саждасини қилдилар. («Мишкотул масобеҳ», 92-б.)

Ибн Масъуд розияллоҳу анҳудан яна бошқа бир ривоятда келади: «Набий карим соллоллоҳу алайҳи васаллам марҳамат қилдилар: «Мен ҳам сиз каби бир башарман. Сизлар эсингиздан чиқаргандек мен ҳам эсдан чиқараман. Шунинг учун мен эсдан чиқарсам, сизлар эсимга солинглар. Қайси бир одамнинг намозида шак бўлса, тўғрисини ўйласин ва намозини мукаммал қилиб, сўнг салом бериб, ортидан икки сажда қилсин («Мишкотул масобеҳ», 92-б.)

Худди шундай, Имрон ибн Ҳусойн, Муғийра ибн Шуъба, Анас ибн Молик, Абдуллоҳ ибн Жаъфар, Абдуллоҳ ибн Аббос, Абдуллоҳ ибн Зубайр, Саъд ибн Абу Ваққос ва Абу Ҳурайра розияллоҳу анҳум ажмаъинлардан ҳам Набий карим соллаллоҳу алайҳи васаллам ҳам, мазкур саҳобаларнинг ўзлари ҳам саҳв саждасини саломдан кейин қилганликлари ривоят қилинади.

Ҳанафийларнинг маслаги мана шудир. («Мишкотул масобеҳ», 92-б. («Насбурроя», 2-ж; 168–169-бетлар.)

“Саждаи саҳв масалалари” китобидан.

️♻️ Улашинг
https://t.me/ziyoizlab_uz

#ибрат

Онадан сўрадилар:
— Қайси фарзандингизни кўпроқ яхши кўрасиз?
Шунда Она жавоб берди:
— Уйга келгунича кўчадагисини, соғайиб кетгунича беморини, катта бўлгунича кичигини ва ўлгунимча ҳаммасини !

️♻️ Улашинг
https://t.me/ziyoizlab_uz

📿 Бугун Ҳабибимизга ﷺ кўп салавот айтинг
⠀
• صَلَّى اللهُ عَلَيْهِ وَسَلَّمَ
⠀
📿 Ўқилиши: "Соллаллоҳу ъалайҳи васаллам".
📜 Маъноси: "У зотга Аллоҳнинг салавот ва саломи бўлсин!"
⠀
• عَلَيْهِ السَّلَامَ
⠀
📿 Ўқилиши: "Алайҳиссалом".
📜 Маъноси: "У зотга салом бўлсин!"
⠀
• عَلَيْهِ الصَّلَاةُ وَالسَّلَامَ
⠀
📿 Ўқилиши: "Алайҳиссолату вассалам".
📜 Маъноси: "У зотга салавот ва салом бўлсин!"
⠀
• صَلَّى اللهُ عَلَى مُحَمَّدٍ
⠀
📿 Ўқилиши: "Соллаллоҳу ъалаа Муҳаммад".
📜 Маъноси: "Муҳаммадга Аллоҳнинг салавоти бўлсин!"
⠀
• أَللَّهُمَ صَلِّ وَسَلِّمْ وَبَارِكْ عَلَيْهِ
⠀
📿 Ўқилиши: "Аллоҳумма солли васаллим ва баарик ъалайҳи".
📜 Маъноси: "Аллоҳим! У зотга салавот ва салом йўлла, баракангни давомли қил!"
⠀
• أَللَّهُمَ صَلِّ عَلَى مُحَمَّدٍ وَعَلَى آلِ مُحَمَّدٍ
⠀
📿 Ўқилиши: "Аллоҳумма солли ъалаа Муҳаммадив ва ъалаа аали Муҳаммад".
📜 Маъноси: "Аллоҳим! Муҳаммадга, Муҳаммаднинг оиласига салавот йўлла!"
⠀
• أَللَّهُمَ صَلِّ عَلَى مُحَمَّدٍ النَّبِيِّ الأُمِّيِّ وَعَلَى آلِ مُحَمَّدٍ
⠀
📿 Ўқилиши: "Аллоҳумма солли ъалаа Муҳаммадинин Набиййил уммиййи ва ъалаа аали Муҳаммад".
📜 Маъноси: "Аллоҳим! (Бирон кишидан) ўқиш-ёзишни ўрганмаган набий Муҳаммадга, Муҳаммад оиласига салавот йўлла!"
⠀
• أَللَّهُمَ صَلِّ عَلَى مُحَمَّدٍ وَعَلَى آلِهِ وَسَلِّمْ
⠀
📿 Ўқилиши: "Аллоҳумма солли ъалаа Муҳаммадив ва ъалаа аалиҳи васаллим".
📜 Маъноси: "Аллоҳим! Муҳаммадга, у зот оиласига салавот ва салом йўлла!"
⠀
• صَلَّى اللهُ وَسَلَّمَ عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ أَجْمَعِينَ
⠀
📿 Ўқилиши: "Соллаллоҳу ва саллама ъалаа Набиййинаа Муҳаммад ва ъалаа аалиҳи ва асҳаабиҳи ажмаъийн".
📜 Маъноси: "Пайғамбаримизга, у зот оила аъзоларига, барча саҳобаларига Аллоҳнинг салавот ва саломлари бўлсин!"

️♻️ Улашинг
https://t.me/ziyoizlab_uz