Yurist| Hamid AKMALOV

🇺🇿Prezident topshirig'iga asosan:

✅Joriy yil 1-sentyabrdan boshlab harakat tezligini nazorat qilishga mo‘ljallangan har qanday turdagi statsionar va mobil radarlar joylashgan hududda va ungacha kamida 250 metrdan kam hamda 500 metrdan ko‘p bo‘lmagan hududda "Radar" yo‘l belgisining o‘rnatilishi majburiy bo‘ladi.

⚖@Yurist_Akmalov✅️

🗣1-iyundan yo‘l chiziqlarini bosganlik uchun radar orqali jarima
qo‘llanilmaydi❗️

🇺🇿Prezidentimiz topshirig‘iga asosan aholining taklif va istaklarini inobatga olgan holda, avtomobil yo‘llarida harakatlanish tartibini yanada takomillashtirish, haydovchilarga qo‘shimcha qulayliklar yaratish hamda ularni qiynab kelayotgan muammolarni bartaraf etishga qaratilgan Hukumat qarori qabul qilindi.

✅Qarorga muvofiq, joriy yil 1-iyundan boshlab yo‘l chiziqlarini bosib qoidabuzarlik sodir etish holatlarini maxsus avtomatlashtirilgan foto va video qayd etish dasturiy-texnik vositalari orqali qayd etishga yo‘l qo‘yilmaydi. To‘xtash chizig‘i – "stop-liniya" (5.33 yo‘l belgisi) bundan mustasno.

⏺Ya’ni, haydovchi chiziqni bosib olsa, bu qoidabuzarlik fotoradar yoki videokamera orqali qayd etilmaydi, demak, avtomatik ravishda jarima yozilmaydi. Lekin, YPX xodimi tomonidan aniqlanganda, qoidabuzarlik o‘rnatilgan tartibda rasmiylashtiriladi.

⚖@Yurist_Akmalov✅️

Diniy ma’lumot va materialni og‘zaki ham tarqatmang❗️

Shu kungacha joylayotgan bir qancha postlarimizda diniy mazmundagi ma’lumot va materiallarni tarqatganlik uchun MJtKning 184-2(prim2)-moddasi bilan ma’muriy hamda JKning 244-1(prim1), 244-3(prim3)-moddalari bilan jinoiy javobgarlik choralari belgilanganligi hamda sud amaliyoti qanaqa bo‘layotganligi haqidagi ma’lumotlarni berib kelmoqdamiz.

Sud amaliyotdan keltirilgan deyarli barcha misollarda - diniy mazmundagi materiallarning internet jahon axborot tarmog‘idan (telegram, istagram, odnoklassniki, tik-tok va boshqalar) foydalangan holda tarqatilganligini ko‘rishimiz mumkin.

Hukumatning 2022-yil 14-aprel kungi 180-sonli qarori bilan tasdiqlangan nizomga ko‘ra, O‘zbekiston Respublikasi hududida, shu jumladan, Internet jahon axborot tarmog‘i, axborotni uzatish va tarqatishning boshqa elektron vositalari orqali materiallarni sotish, yetkazib berish, tarqatish, yuborish va ularga obuna bo‘lish - tarqatish hisoblanadi.

JKning 244-1(prim1)-moddasi bilan jinoiy javobgarlik kelib chiqishi uchun diniy ekstremizm, separatizm va aqidaparastlik g‘oyalari bilan yo‘g‘rilgan ma’lumot va materiallar har qanday shaklda, shu jumladan og‘zaki tarzda tarqatilgan bo‘lishi lozim.

Masalan, X.E. aqidaparastlik g‘oyalari bilan yo‘g‘rilgan va aqidaparastlikni targ‘ib qiluvchi g‘oyalarini suhbatdoshi Н.М.нинг ongiga og‘zaki tarzda singdirib kelgan.

Albatta bu suhbat tezkor tadbir davomida ovoz moslamasiga yozib olingan va o‘tkazilgan sud-fonografik ekspertiza xulosasida, suhbatda ishtirok etgan va stenogrammada shartli ravishda “Х.E.” deb belgilangan shaxsning ovozi hamda nutqi sudlanuvchi Х.E.gа tegishli ekanligi ko‘rsatilgan.

1-bosqich sudining 2025-yil 31-yanvar kungi hukmi bilan X.E. JKning 244-1(prim1)-moddasi 2-qismida ko‘rsatilgan jinoyatni sodir etganlikda aybli deb topilib, 5 yil ozodlikdan mahrum qilish jazosi tayinlangan.

Maslahatimiz: diniy mazmundagi ma’lumot va materiallarni hatto og‘zaki ham tarqatmang!

⚖@Yurist_Akmalov✅️

1-iyundan boshlab O‘zbekiston fuqarolari Xitoyga vizasiz safar qilishlari mumkin❗️

🔄O‘zaro Bitimga muvofiq, Tomonlar davlatlari fuqarolari ikki davlat hududlariga kirish, undan chiqish yoki tranzit qilish uchun har bir alohida bo‘lish muddati 30 kundan oshmaydigan muddatda va har qanday 180 kunlik davr ichida jami 90 kundan ortiq bo‘lmagan muddatda viza talablaridan ozod qilinadi.

⚖@Yurist_Akmalov✅️

🗣Talaba qizlarga maxsus stipendiya to‘lanadi❗️

“Kambag‘al oilalarni davlat tomonidan ijtimoiy qo‘llab-quvvatlash tizimini yanada takomillashtirish to‘g‘risida” gi Prezident Farmoni (PF-84-son, 08.05.2025-y.) qabul qilindi.

✅Farmonga ko‘ra, 2025-yil 15-maydan Kambag‘al oilalar reyestriga kiritilgan va ushbu reyestrga tushish xavfi bo‘lgan oilalar “qizil”, “sariq” va “yashil” toifalarga taqsimlanadi hamda ijtimoiy qo‘llab-quvvatlash choralari ularning toifasiga qarab ko‘rsatiladi.

🗣“Qizil” toifaga – oila a’zolarining har biriga to‘g‘ri keladigan o‘rtacha oylik daromadi minimal iste’mol xarajatlaridan kam bo‘lgan va quyidagi mezonlarning biriga javob beradigan oilalar kiritiladi:

➡️a’zolarining kamida 1 nafari sog‘lig‘ining holatiga ko‘ra mehnat qilish imkoniyatiga ega bo‘lmagan;

➡️parvarishga muhtoj a’zosi, shu jumladan, nogironligi mavjud farzandi bo‘lgan;

➡️o‘zgalar parvarishiga muhtoj yolg‘iz yashovchi yoki yolg‘iz keksa yoxud yolg‘iz nogironligi bo‘lgan shaxsdan iborat bo‘lgan;

➡️boquvchisini yo‘qotgan yoki boquvchisi jazoni ijro etish muassasasida bo‘lgan oila.

✅2025-yil 1-iyundan “qizil” toifaga kiritilgan oilalarning “a’lo” baholarga o‘qigan talaba qizlariga bazaviy stipendiyaning 2 baravari miqdoridagi maxsus stipendiya to‘lanadi.

⚖@Yurist_Akmalov✅️

Mubashshir Ahmad Istanbulda qo‘lga olindi

U 8-may kuni Istanbulning Bahcheshehir mavzesidagi uyidan gumonlanuvchi sifatida olib ketilgan. Qo‘lga olinganidan to‘rt kun o‘tgan bo‘lsa-da, uning qayerdaligi, sog‘lig‘i haqida hech qanday ma’lumot berilmagan.

⚖@Yurist_Akmalov✅️

Sudi raisi pora bilan qo‘lga olindi❗️

Sudyalar oliy kengashining xulosasi bilan Bosh prokurorning Andijon viloyati jinoyat ishlari bo‘yicha Xonobod shahar sudi raisi Yu. E. ni jinoiy javobgarlikka tortishga rozilik berildi. U Jinoyat kodeksining 168- va 28,211-moddalari tegishli qismi bilan gumonlanib qo‘lga olingan.

Sudyalar oliy kengashi matbuot xizmati sudyaning sudyalik vakolati to‘xtatilganini ma’lum qildi.

Berilayotgan xabarlarga ko'ra, sud raisi 170 ming dollar bilan ushlangan. "To'g'ri tushunamiz", axir bizda "eng kam" oylik sudyalarda, oyiga atiga 25-30mln so'm oladi. Xayf bunday insonlarga sudyalik...

⚖@Yurist_Akmalov✅️

AYOLLAR DAFTARIGA KIRITILGANLAR UCHUN QANDAY IMTIYOZLAR
MAVJUD❓

😄Ushbu ro'yxatga kiritilgan ayollarning bandligini ta'minlab ishga joylashtirish, subsidiya va kreditlar ajratishga oid imtiyozlar berilgan. Quyidagi havola orqali ayollarga berilgan 10ta imtiyoz turlari bilan batafsil tanishib chiqishingiz mumkin:

➡️IMTIYOZLARNI KO'RISH:

Huquqiy asos: Vazirlar Mahkamasining 2022-yil 31-martdagi 145-sonli qarori.

⚖@Yurist_Akmalov✅️

MA’MURIY JARIMAGA TUSHGAN HAYDOVCHIGA QANDAY HOLLARDA 50 FOIZLIK IMTIYOZ BЕRILMAYDI👎

🛡 Ma'muriy javobgarlik to'g'risidagi kodeksning 332-prim 1-moddasiga asosan, jarima solish to‘g‘risidagi qarorni ijro etishning soddalashtirilgan, ya’ni jarimani 15 kunda to‘lasa 50, o‘ttiz kunda to‘lansa 30 foizlik chegirma bilan to‘lash quyidagi hollarda qo‘llanilmaydi❌

➡️ transport vositasini alkogolli ichimlik, giyovand modda yoki o‘zgacha tarzda mast holda boshqarganda;

➡️ transport vositalari haydovchilari alkogolli ichimlik yoki giyovand modda ta’siridan mast yoki mast emasligini belgilangan tartibda aniqlash uchun tekshiruvdan o‘tishdan bo‘yin tovlaganda;

➡️ alkogolli ichimlik yoki giyovand modda ta’siridan mast bo‘lgan haydovchilarning yoki transport vositalarini boshqarish huquqi bo‘lmagan shaxslarning transport vositalarini boshqarishiga yo‘l qo‘yilganda;

➡️ jarima solish to‘g‘risidagi qaror ustidan shikoyat qilinganda yoki protest bildirilganda;

➡️ xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilganda.

⚖@Yurist_Akmalov✅️

🗣Jarima ballari 1-iyundan kuchga kiradi❗️

Jarima ballarini hisoblash tartibi bo'yicha Vazirlar Mahkamasining 2025-yil 6-maydagi 296-sonli qarori qabul qilindi.

Ushbu qarorga ko'ra, jarima ballari 2025-yil 1-iyundan kuchga kiradi.

⚖@Yurist_Akmalov✅️