Yurist| Hamid AKMALOV

Bugun Xalqaro talabalar kuni!
U qanday kelib chiqqan?

80 yildan ortiq vaqt oʻtgan boʻlishiga qaramay, 17-noyabr Xalqaro talabalar kuni sifatida nishonlanadi. Biroq uning tarixiy kelib chiqishi gʻoyat fojiali ekanini koʻpchilik bilmaydi.

1939-yil 28-oktabrda Pragadagi Charlz universiteti talabalari Chexoslovakiya Respublikasi mustaqilligining 21 yillik bayrami munosabati bilan miting oʻtkaziladi.

Ushbu namoyish fashist bosqinchi kuchlari tomonidan shafqatsizlarcha bostiriladi. 15 nafar talaba ogʻir yaralanadi va ulardan biri ikki hafta oʻtgach jarohat oqibatida vafot etadi. Bundan qaygʻuga tushgan talabalar 15-noyabr Praga shahri boʻylab dafn oʻtkazish marosimini fashist kuchlariga qarshi namoyishga aylantirib yuboradi.

1200 dan ortiq talabalar hibsga olinadi. 1939-yil 17-noyabrda namoyishchilarning 9 nafari – 8 talaba va 1 professor qatl etiladi. Deportatsiya qilingan 1200 nafar talabadan kamida 20 nafari qamoqda omon qolmaydi.

1941-yilda Londonda Xalqaro talabalar kengashi boʻlib oʻtadi va Kengashda ushbu voqea munosabati bilan talabalar qatl qilingan sana – 17-noyabr - Xalqaro talabalar kuni deb e’lon qilingan.

Bugungi kunda Chexiya va Slovakiyada 17-noyabr “Ozodlik va demokratiya uchun kurash kuni” sifatida nishonlanadi.

⚖@Yurist_Akmalov👈

Hurmatli talaba do'stlar!

Barchangizni 17-noyabr - Xalqaro talabalar kuni bilan tabriklayman!

Talabalik umrning beg'ubor fasli, katta hayot sari qadam qo'yish ostonasi, ulkan orzu-umidlar fasli ekanligini his qilgan holda yangi maqsadlar sari harakat qilishingizda tilakdoshman!

Ilmingiz ziyoda bo'lsin!

⚖@Yurist_Akmalov👈

Senat a'zolari tayinlandi❗️

Prezident Farmoni bilan O‘zbekiston Respublikasi Oliy Majlisi Senatining 9 nafar a’zolari tayinlandi.

Ziyo Azamat Hamid o‘g‘li – O‘zbekiston Respublikasi Fanlar akademiyasi Tarix instituti direktori

Yo‘lchiyeva Munojatxon Abduvaliyevna – Yunus Rajabiy nomidagi O‘zbek milliy musiqa san’ati instituti professori

Ko‘chimov Abdusaid Ko‘chimovich – O‘zbekiston Milliy axborot agentligi bosh direktori

Rafiqov Qudratilla Mirsagatovich – O‘zbekiston kasaba uyushmalari Federatsiyasi Kengashi raisi

Raxmankulov Mir-Akbar Xodji-Akbarovich – O‘zbekiston Respublikasi Prezidenti huzuridagi Qonunchilik va huquqiy siyosat instituti direktori

Safoyev Sodiq Solixovich – O‘zbekiston Respublikasi Oliy Majlisi Senati Raisining birinchi o‘rinbosari

Sa’dullayev Alisher Zafar o‘g‘li – O‘zbekiston Respublikasi Yoshlar ishlari agentligi direktori

Turdiyev Sodiqjon – O‘zbekiston faxriylarining ijtimoiy faoliyatini qo‘llab-quvvatlash «Nuroniy» jamg‘armasi boshqaruvi raisi

Xudaybergenov Tursinxan Aydarovich – O‘zbekiston Respublikasi Prezidenti maslahatchisi.

⚖@Yurist_Akmalov👈

⚡️ Davlat xavfsizlik xizmati akademiyasiga nomzodlarni saralash test sinovlari haqida❗️

Amir Temur nomidagi O‘zbekiston Respublikasi Davlat xavfsizlik xizmati akademiyasiga nomzodlarni saralash uchun test sinovlari 2024-yil 17-noyabr kuni o‘tkaziladi.

Test sinovlari 1 smenada tashkil etilib, 10:00 dan 13:00 ga qadar bo‘lib o‘tadi.

Test sinovlari ona tili (o‘zbek, rus, qoraqalpoq), matematika, O‘zbekiston tarixi va chet tili fanlaridan o‘tkaziladi.

Bunda nomzodlarga jami 90 ta test topshirig‘i va ularni ishlash uchun javoblar varaqasini to‘ldirish bilan birga 3 soat (har 30 ta test topshirig‘iga 1 soat) vaqt ajratiladi.

Test sinovida to‘plash mumkin bo‘lgan maksimal ball – 249 ballni tashkil etadi.

Nomzodlar test sinovida ishtirok etish uchun ruxsatnomani Bilimni baholash agentligining my.uzbmb.uz saytidan onlayn tarzda yuklab olishlari mumkin.

Nomzodlar test sinovi o‘tkaziladigan hududga ruxsatnomada belgilangan vaqt (soat 08:30)dan kechikmasdan shaxsini tasdiqlovchi hujjat (pasport yoki ID-karta) va ruxsatnoma bilan kelishlari lozim.

⚖@Yurist_Akmalov👈

Andijonda bo‘lgan adolatli sud haqida

O‘tgan haftada fuqarolik ishlari bo‘yicha Andijon tumanlararo sudida bo‘layotgan 68 nafar fuqaroning uy-joyiga oid nizoli sud ishi o‘z nihoyasiga yetdi. Sud raisi Iqbol Azizov ishni adolatli ko‘rib, yakunda fuqarolar foydasiga qaror chiqardi.

Andijon shahar Gumbaz MFY hududida joylashgan yangi qurilgan turar-joydan 68 ta fuqaro xonadon sotib oladi. Bu fuqarolar uyni qurgan va uni sotgan tadbirkorlarning lavziga ishonib pullarni to‘lagan va xonadonlarni sotib olgan edi.

Ushbu 68 ta fuqarodan 58 nafari xonadonlarni notarial oldi-sotdi shartnomalari asosida o‘z nomlariga rasmiylashtirib bo‘lgan.

Biroq, ushbu turar-joyni qurgan firmaning ta’sischilari o‘rtasida yuzaga kelgan qandaydir kelishmovchiliklar sabab, turar-joyni qurgan oldingi firma ushbu fuqarolar bilan tuzilgan va notariusdan o‘tgan oldi-sotdi shartnomasini haqiqiy emas deb topish haqida sudga da’vo kiritadi.

Ahvolni qarang, odamlar pul to‘lab bu xonadonlarni sotib olgan, ularning ayrimlari xatto bankdan ipoteka krediti olib, to‘lovlarni amalga oshirgan. Endi nima emish, quruvchilar o‘rtasida kelishmovchilik chiqsa, buning badalini oddiy fuqarolar to‘larmish. O‘roqda yo‘q, mashoqda yo‘q, hirmonda hozir.

Agar sud, haligi quruvchi firmaning da’vosini qanoatlantirsa, 68 ta xonadonning barchasi quruvchi firmaning ixtiyoriga qaytariladi. Aslida ular hoxlagan narsa ham shu. Uylar qaytarilsa, bu yoqda, 68 ta oila va jami 200 dan ortiq inson ko‘chada qolishi mumkin edi.

Fuqarolik ishlari bo‘yicha Andijon tumanlararo sudi raisi Iqbol Azizov ishdagi har bir hujjatlar, dalillar va taraflarning fikrlarini atroflicha o‘rganib chiqib, yakunda quruvchi firmaning 60 dan ortiq fuqarolarga qarshi kiritgan da’vo arizasini rad qildi.

Shunday qilib, xonadonlar fuqarolar ixtiyorida qoladigan bo‘ldi.

⚖@Yurist_Akmalov👈

Bugun tibbiyot xodimlari kuni❗️

O'zbekiston Resbublikasining 2006-yil 12-sentyabrdagi Qonunining 1-moddasiga asosan, noyabr oyining ikkinchi yakshanbasi tibbiyot xodimlari kuni etib belgilangan.

Hurmatli tibbiyot tizimi xodimlari!
Bugungi kasb bayramingiz muborak bo'lsin! Mashaqqatli, shu bilan birga sharafli ishlar bilan xalqimiz koriga, salomatligi yo‘lida jon chekib qilayotgan mehnatlaringiz yuksak e'tiroflarga sazovor bo‘lsin!

Barcha tibbiyot xodimlariga cheksiz rahmat, boringizga shukur!

⚖@Yurist_Akmalov👈

"Tanish-bilish o‘tmaydi"❗️

Bugun 8-noyabrdan “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi qonun kuchga kirishi munosabati bilan Kadastr agentligi direktori Farrux Pulatov murojaat bilan chiqdi.

"Uzoq yillar davomida o‘zi yashab kelayotgan uyini rasmiylashtirib olishni niyat qilib yurgan halol insonlar ko‘p ammo, vaziyatdan foydalanib, noqonuniy yo‘llar bilan daromad qilishni reja qilib yurgan "uddaburonlar" ham yo‘q emas.

Sizlarni bunday nopok kimsalarning har qanday so‘zlari va va’dalariga ishonmaslikka chaqiraman!

Birinchidan, mahallalar aniq tasdiqlangan reja-grafik asosida xatlovdan o‘tkaziladi. Biri qolib ikkinchisiga o‘tilmaydi, ya’ni xalq tili bilan aytganda “tezlashtirib berishning imkoni yo‘q!”.

Ikkinchidan, xatlovdan keyin «E’TIROF» dasturiga kiritilgan har bir holat bo‘yicha 15 dan ortiq vazirlik va idoralar xulosalarini beradi hamda kosmik suratlar yordamida tahlil qilinadi. Xalq tili bilan aytganda “ilojini qilib o‘tkazib bo‘lmaydi!”.

Uchinchidan, xatlov jarayonida qonun bilan aniq belgilab berilgan 8 ta toifaga kiruvchi holatlar o‘rganiladi. Hozirda egallab olib, qurilish qilib qonuniylashtirib olishni reja qilayotganlar javobgarlikka tortiladi va bu ishlar ham axborot tizimlari orqali nazorat qilinadi. Xalq tili bilan aytganda “tanish-bilish o‘tmaydi!”.

📩Murojaat va konsultatsiya uchun
@yurist_akmalov1

⚖@Yurist_Akmalov👈

Bugundan boshlab o‘zboshimchalik bilan egallab olingan yer maydonlariga qurilgan ko‘chmas mulk obektlarini aniqlash bo‘yicha xatlov boshlanadi.

Fuqarolar kadastr.uz saytiga kirib o‘zining hududida xatlov ishlari qachon amalga oshirilishini bilib olishlari mumkin.

📩Murojaat va konsultatsiya uchun
@yurist_akmalov1

⚖@Yurist_Akmalov👈

O‘zboshimchalik bilan egallangan yer uchastkalarini rasmiylashtirish uchun to‘lov miqdorlari❗️

✅Toshkent shahrida BHMning 5 baravari (1 mln 875 ming so‘m),

✅Nukus shahrida va viloyatlar markazlarida BHMning 3 baravari (1 mln 125 ming so‘m),

✅viloyatlar bo‘ysunuvidagi boshqa shaharlarda BHMning  2 baravari (750 ming so‘m),

✅boshqa aholi punktlarida BHMning 1 baravari (375 ming so‘m).

“O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi qonun 8-noyabrdan kuchga kiradi.

📩Murojaat va konsultatsiya uchun
@yurist_akmalov1

⚖@Yurist_Akmalov👈

20GEKTAR=1MLN. AQSH DOLLARI

Chirchiq shahar hokimining o‘rinbosari 1 mln. AQSH dollari pora olgan vaqtida ushlandi❗️

U klaster shaklidagi savdo majmuasi tashkil etish uchun shahar hokimligi zaxirasidagi 20 gektar yer maydonini auksion savdoga chiqartirib, yutib berish va 49 yil muddatga yerga egalik qilish huquqini rasmiylashtirishda ko‘maklashish evaziga 2 mln. AQSH dollari talab qilib, oldindan 1 mln. AQSH dollarini o‘zining haydovchisi orqali olgan vaqtida qo‘lga olingan.

📩Murojaat va konsultatsiya uchun
@yurist_akmalov1

⚖@Yurist_Akmalov👈

Bugundan, ya’ni 1 noyabrdan e’tiboran tabiiy gazning ijtimoiy norma miqdori 100 metr kubdan 500 metr kubgacha oshirildi❗️

✅ Bu oylik bazaviy me’yorlar isitish mavsumi uchun mo‘ljallangan shkalaga o‘tilganligini bildiradi.

Noyabr, dekabr, yanvar va fevral oylarida bir oylik me’yorlar quyidagi tartibda bo‘ladi:

🔻500 m3 gacha — 650 so‘m (1 m3 gaz uchun);

🔻501 m3 dan 2500 m3 gacha — 1500 so‘m;

🔻2501 m3 dan 5000 m3 gacha — 1950 so‘m;

🔻5001 m3 dan 10000 m3 gacha — 2275 so‘m;

🔻10001 m3 va undan yuqori — 2600 so‘m.

📩Murojaat va konsultatsiya uchun
@yurist_akmalov1

⚖@Yurist_Akmalov👈

Bugun 1-noyabr. Qonunchilikda nimalar o'zgarmoqda❓

1⃣ Bino va inshootlar energiya samaradorligi bo‘yicha toifalarga bo‘linadi;
2⃣ Vakilni xabardor qilgan holda o‘tkaziladigan yana bir tekshiruv turi belgilandi;
3⃣ Birja savdolarida tadbirkorlar mablag‘lari himoya qilinadi;
4⃣ 100 million so‘mgacha garovsiz mikrokreditlar bo‘yicha qayta moliyalashtirish stavkalari kuchga kiradi;
5⃣ Mikrokredit miqdori 300 million so‘mgacha oshiriladi;
6⃣Avtobuslarni nogironligi bor shaxslarga moslashtirish xarajatlari qoplab beriladi;
7⃣ Yarim tayyor zargarlik buyumlarini bojxona hududidan olib chiqish man etiladi;
8⃣ Eski namunadagi aksiz markalari bilan markalangan alkogol va tamaki mahsulotlarini olib qo‘yish choralari ko‘riladi;
9⃣ Qimmatbaho metallar bilan qoplangan metallarning chiqindilari va parchalarini olib kirish tartibi yengillashtiriladi;
🔟 Suv va salqin ichimliklarni ishlab chiqaruvchilar uchun ayrim talablar kuchga kiradi.

📩Murojaat va konsultatsiya uchun
@yurist_akmalov1

⚖@Yurist_Akmalov👈