ТУРОН АКАДЕМЛИГИГА НОМЗОДЛАР
Ҳазил

Раззоқ деди:-Не керак сенга?
Тулки деди: -Пул керак менга.
Раззоқ деди: - Сўнг не қиласан?
Тулки деди: -Кейин биласан,
Бобобековга бермоқчиман,
Мен академик бўлмоқчиман!

Раззоқ деди:- Ишларинг қалай?
Бўри деди:- Ташвишим талай.
Раззоқ деди: -Ниманг ахир кам?,
Бўри деди:- Мени эзар ғам.
Бобобеков доллар сўряпти,
Пулдор академик бўляпти!

Раззоқ деди:- Кўп кўрмаяпман?
Эшак деди: - Пул йиғаяпман.
Раззоқ деди:- Нима учун, хўп?
Эшак деди: - Қўй сўрама, кўп.
Бобобековга бермоқчиман,
Мен академик бўлмоқчиман!
2024 йил 21 ноябрь
АБДУРАЗЗОҚ ОБРЎЙ.