URDU QIZLARJON KLUBI

📣Diqqat, e’lon!

⚡️⚡️⚡️URGANCH DAVLAT UNIVERSITETIDA HAFTANING HAR JUMA KUNI “MILLIY LIBOSLAR KUNI” DEB E’LON QILINDI

Urganch davlat universitetining barcha professor-o’qituvchi, ishchi-xodim va talaba-yoshlari diqqatiga!

Xalqmizning asrlar davomida shakllangan bebaho qadriyatlari, milliy an’analari va liboslariga mehr uyg‘otish va o‘zbekona kiyinish madaniyatini yuksaltirish maqsadida universitetimizda haftaning Juma kuni “Milliy liboslar kuni” deb e’lon qilinganini ma'lum qilamiz.

Shu munosabat bilan universitetining barcha professor-o’qituvchi, ishchi-xodim va talaba-yoshlari xalqimizning ming asrlik o‘tmishi, qadimiy urf-odat va an’analari, estetik qarashlari shuningdek, o‘ziga xos xususiyatlarini mujassam etgan atlas va adras kabi ko‘zni quvnatadigan, yorqin ranglari, takrorlanmas naqshlari bilan kishiga xush kayfiyat bag‘ishlaydigan milliy liboslarda kelishlari so’raladi.

©️UrDU Matbuot xizmati
🌐 Sayt| Telegram| Facebook|Instagram|  YouTube

💖💖💖💛💛💛

✅ Urganch davlat universiteti talabalari uchun bepul ingliz tili kurslari tashkil etildi

🔂Abu Rayhon Beruniy nomidagi Urganch davlat universiteti Ingliz tili va adabiyoti kafedrasining tajribali professor-o'qituvchilari tomonidan talabalarga ingliz tilini o'rganish imkoniyatini taqdim etuvchi bepul kurslar tashkil qilindi.

➡️Darslar haftaning Dushanba, Chorshanba va Juma kunlari o'tkazilib, talabalarga tilni amaliy jihatdan o'rganish va tez rivojlanish uchun barcha zarur materiallar taqdim etiladi. Ushbu kurslar talabalarga ingliz tilida erkin muloqot qilishni rivojlantirish va til bilish sertifikatini olishga yordam beradi.

🟢Kurslar universitetning barcha talabalariga ochiq bo'lib, ingliz tilida bilimini oshirishni istaganlar uchun ajoyib imkoniyat yaratadi.

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

🟦🟦🟦 🟦🟦🟦

⚜️NAVOIY ZIYOSI⚜️ audioinsholar tanlovi

🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi buyuk shoir va mutafakkir Alisher Navoiy tavalludining 584 yilligi munosabati bilan oliy va professional ta’lim muassasalari talaba-yoshlari o‘rtasida “Navoiy ziyosi” audioinsholar tanlovini e’lon qiladi.

♻️Tanlov 2 bosqichda tashkil etiladi:

🔸1-bosqich audioinsholar (berilgan mavzular bo‘yicha inshoni tayyorlab, audio formatda yuborish kerak);
🔸2-bosqich viktorina (Navoiy hayoti va ijodiga oid test va savollar);

✅Audioinsholar uchun mavzular:

↪️Alisher Navoiy – so‘z sanʼatining gultoji;
↪️Navoiyga ehtirom – millatga ehtirom;
↪️Navoiy asarlarining jahon adabiyotida tutgan o‘rni;
↪️Mir Alisher Navoiy ibratli hayotining yoshlar tarbiyasidagi ahamiyati.

🔹Tashkilotchilar tomonidan audioinsholar ichidan eng yaxshi 50 tasi saralanib, mualliflari 2-bosqich yo‘llanmasiga ega bo‘ladi;
🔹2-bosqichda ishtirokchilarga Alisher Navoiy hayoti va ijodi, asarlaridan tuzilgan 40 ta test hamda savollar beriladi:
🔹Yakunda 2-bosqich bo‘yicha yuqori ball to‘plaganlar tanlov g‘olibi deb topiladi hamda Oliy ta’lim, fan va innovatsiyalar vazirligi tomonidan I, II, III darajali diplomlar hamda qimmatbaho sovg‘alar bilan taqdirlanadi.

Tanlovda ishtirok etish uchun berilgan mavzular bo‘yicha audioinsho tayyorlab, @AlisherNavoiybot manzili orqali yuborishingiz mumkin. Audioinsholar 9-fevral kuni soat 20:00 ga qadar qabul qilinadi.

🖌Tanlovga qabul qilingan barcha audiomateriallar @talabalar_media_maskani Telegram kanaliga joylab boriladi.

🟦🟦🟦 🟦🟦🟦

🗣ABU RAYHON BERUNIY NOMIDAGI URGANCH DAVLAT UNIVERSITETI TALABALARI DIQQATIGA!

🟠Filologiya va san'at fakulteti Alisher Navoiy tavalludining 584 yilligi munosabati bilan "NAVOIYGA EHTIROM" mavzusida video va audio shaklda ifodali o'qilgan she'rlar hamda qo'shiqlar tanlovini e'lon qiladi.

📱Tanlov uchun tayyorlagan video va audio materiallar shu yil 7-fevral kuniga qadar qabul qilinadi va hakamlar tomonidan baholanadi. Ijodiy ishlarni @Nuraziz_1100 ga jo'natishingiz mumkin.

🖌Shuningdek, fakultetda "Alisher Navoiy merosi – millatimiz xazinasi", "Navoiy ijodi shaydosiman" mavzularida insholar tanlovi hamda Navoiy tavalludi munosabati bilan "Eng yaxshi rasmlar" tanlovlari o'tkazilmoqda. Ijodiy ishlaringizni fakultetning Yoshlar bilan ishlash bo'yicha dekan o'rinbosari S.Yangiboyeva (+998 97 511 72 76)ga 7-fevralga qadar yetkazishingiz so'raladi.

⭐️G'oliblar munosib taqdirlanadi! Barcha talaba-yoshlarni tanlovlarda faol ishtirok etishga chorlab qolamiz!

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

🟦🟦🟦 🟦🟦

🎇Joriy yilning 1-fevral kuni soat 10.00 da Urganch davlat universiteti Madaniyat saroyida Filologiya va san’at fakulteti tashabbusi bilan filologiya fanlari bo‘yicha ilmiy darajaga ega bo‘lgan birinchi xorazmlik olima, “Shuhrat” medali sohibasi hamda “Xalq maorifi a’lochisi” Munavvara Salayeva tavalludining 100 yilligiga bag‘ishlangan xotira kechasi o’tkazilmoqda.

🟠Oliygohning barcha professor-o’qituvchilari hamda talaba-yoshlarini ushbu kechaga taklif etamiz!

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

#Diqqat
#Tanlov

O‘zbekiston Yozuvchilar uyushmasi Xorazm viloyati bo‘limi mutafakkir shoir, davlat arbobi Nizomiddin Mir Alisher Navoiy tavalludining 584 yilligi va Zahiriddin Muhammad Bobur tavalludining 542 yilligi munosabati bilan xorazmlik ijodkorlar o‘rtasida videoroliklar tanlovini e’lon qiladi. Tanlovga 18 yoshdan yuqori bo‘lgan ijodkorlarning hazrat Navoiy hamda Bobur g‘azallari ifodali o‘qib berilgan ijodiy ishlari qabul qilinadi.

Gʻoliblar buyuk ajdodlarimiz tavallud sanalari munosabati bilan o‘tkaziladigan "Urganch oqshomlari" mushoirasida taqdirlanadi.

🎥 Videoroliklarni bo‘lim yetakchi mutaxassisi Shoira Shams telegram manziliga +99893 749 72 66 telegram raqamiga yuborishingiz so‘radladi. Muddat — 15 fevralga qadar.

Oʻzbekiston Yozuvchilar uyushmasi
Xorazm viloyati boʻlimi

https://t.me/Yoz_uyushmasi_Xorazm_viloyati

🗣Startup Garage Xorazmda!

Xorazm — boy tarix va madaniyat markazi, iste’dodli yoshlar va innovatsiyalarga ochiq hudud. Bu yerda zamonaviy texnologiyalar va startaplar rivoji uchun katta imkoniyatlar mavjud.

Startup Garagening Xorazmda ochilishi — hududning innovatsion salohiyatini yangi bosqichga olib chiqadi. Biz Xorazm yoshlari uchun startap madaniyatini rivojlantirish, g‘oyalarni xalqaro maydonga olib chiqish va ularga tajriba almashish imkoniyatlarini yaratishni maqsad qilganmiz.

Xorazm yoshlari bilan birga kelajakni quramiz!

✈️ 30-yanvar Startup Garage'ning Xorazm filiali ochilish marosimi bo'lib o'tadi.

Marosim dasturi haqida:

- Startup Garage tomonidan startaplarga yaratiladigan imkoniyatlar va ko'rsatiladigan xizmatlar taqdimoti.
- AloqaVentures vakillari tomonidan investitsiya jalb qilish imkoniyatlari va hamkorlik shartlari bo'yicha ma'lumotlar.
- Muvaffaqiyatga erishgan startap asoschilarining tajriba almashinuvi.
- Startup Garage rezidenti bo'lishni istagan startaplar uchun pitch sessiyasi.
- Soha mutaxassislari, startaplar, tadbirkorlar va mehmonlar bilan networking.

Hududiy ochilish marosimlarimizda qatnashish uchun:
Ro'yxatdan o'ting!

Startap go'yangizni taqdimot qilmoqchi bo'lsangiz:
Ariza topshiring!

Manzil: Urganch shahar, IT Park binosi
Sana: 30-yanvar, Payshanba
Vaqti: 10:00

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

🟦🟦🟦 ‼️‼️‼️‼️📼📼📼📼
#Universiada_2025

🔷🕧UrDU voleybolchi qizlar jamoasi "UNIVERSIADA-2025" sport musobaqalarida mutloq g'oliblikni qo'lga kiritishdi

✅Xabaringiz bor, Oliy ta’lim muassasalari talabalari o‘rtasida sportning voleybol turi bo‘yicha Universiada musobaqalarining Respublika bosqichi 5 kun davomida Buxoro viloyatida o‘tkazildi. Unda Urganch davlat universitetining yigitlar va qizlar jamoasi faol ishtirok etishdi. Finalda talaba-qizlarimiz Andijon jamoasi bilan o'zaro bellashib, birinchilikni qo'lga kiritishdi.

Natijalar quyidagicha bo'ldi:
🥇 1-o‘rin: Xorazm viloyati;
🥈 2-o‘rin: Andijon viloyati;
🥉 3-o‘rin: Buxoro viloyati.

🎇Talaba-qizlarimizni ushbu ulkan g'alaba bilan universitet jamoasi nomidan tabriklaymiz!

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

📍Ayni kunlarda Buxoro davlat universitetida oliy ta'lim muassasalari talabalari o'rtasida "UNIVERSIADA" sport musobaqalarining Voleybol sport turi bo'yicha Respublika final bosqichi bo'lib o'tmoqda.

🏐Unda Urganch davlat universitetining yigitlar va qizlar jamoasi ishtirok etmoqda. Bugun voleybolchi qizlarimiz Toshkent va Jizzax viloyati jamoalarini yutib, finalga yo′llanma oldilar.

✔️Finalda Andijon jamoasi bilan baxslashadilar.

🕊Jamoamizga final o′yinida omad tilaymiz.

©️UrDU Matbuot xizmati
🌐 Sayt| Telegram| Facebook|Instagram| Ln | YouTube

#Rasmiy_xabar

🔷🕧Urganch davlat universitetiga Abu Rayhon Beruniy nomi berildi

Qadrli yurtdoshlar, hurmatli universitetimiz jamoasi!

Barchangizga Urganch davlat universitetiga buyuk alloma va qomusiy olim Abu Rayhon Beruniy nomi berilganini mamnuniyat bilan maʼlum qilamiz. Ushbu muhim qadam universitetning ilm-fan rivojiga qo‘shayotgan hissasi, talaba va professor-o‘qituvchilar jamoasining yutuqlari hamda mamlakatimizda Beruniy merosini keng targ‘ib qilishga qaratilgan chora-tadbirlarning mantiqiy davomi sifatida qabul qilindi.

Abu Rayhon Beruniy – jahon ilm-fanining yetuk namoyondalaridan biri bo‘lib, u matematika, astronomiya, geografiya, tarix va boshqa ko‘plab fanlar rivojiga ulkan hissa qo‘shgan. Uning ilmiy asarlari nafaqat Markaziy Osiyo, balki dunyo miqyosida yuqori qadrlanadi. Universitetga uning nomi berilishi yosh avlodni ilm-fan va innovatsiyaga bo‘lgan qiziqishini yanada oshirishga xizmat qiladi.

Xorazm vohasidagi oʻzining uzoq shonli tarixiga ega boʻlgan koʻhna va nufuzli oliy taʼlim muassasasiga Abu Rayhon Beruniy nomining berilishi nafaqat universitet obro‘sini oshiradi, balki talabalarga, yosh olimlarga ulug‘ allomaning ilmiy merosini chuqur o‘rganish va keng targ‘ib qilishda katta mas’uliyat yuklaydi.

Qolaversa, oliygohning xalqaro maydondagi oʻrnini yanada mustahkamlashga xizmat qiladi. Beruniy nomi ostida universitet dunyoning yetakchi ilmiy markazlari bilan hamkorlikni yanada rivojlantirishi, talaba va o‘qituvchilar almashinuvi dasturlarini kengaytirishi kutilmoqda.

Urganch davlat universitetiga Abu Rayhon Beruniy nomining berilishi yoshlarga ilmiy izlanishlarda yangi marralarni zabt etishlariga ruhlantiruvchi omil bo‘lib xizmat qilishiga ishonamiz!

🎊Xorazm ahlini hamda koʻp ming sonli oliygohimiz jamoasini Urganch davlat universitetiga Abu Rayhon Beruniy nomi berilganligi bilan samimiy qutlaymiz!

Mamnuniyat bilan,
Abu Rayhon Beruniy nomidagi Urganch davlat universiteti maʼmuriyati

©️UrDU Matbuot xizmati
🌐 Sayt| Telegram| Facebook|Instagram| Ln | YouTube