Telegram channel "Tibbiy onlayn lug‘at" — @Tibbiy_lugat

Tibbiy onlayn lug‘at

17 Mar 2023, 18:49

Qo‘shilish uchun @Gypothalamus profiliga yozing.

119 0 0

🎁 RAMAZON OYIDA MAXSUS KURS!

Koʻpchilik talabalar "KOMPLEKS ANATOMIYA" o‘quv dasturimizni “Ramazon oyida, saharlikdan so‘ng o‘tiladigan guruhlari bormi?” deb so‘rashmoqda. Va bu talabalar bitta, ikkita yoki 5 ta emas, har kuni bir necha o‘nlab kishilar bizga murojaat qilishda davom etmoqda. 😇

Shu so‘rovlarni hisobga olgan holda, ramazon oyida o‘tiladigan maxsus kursimizga sizlarni taklif qilamiz.

Ma'lumotlar:

✅ Dars vaqtlari: dushanba, chorshanba, juma va yakshanba. Soat 05'00 da;
✅ Darslar maxsus ma'ruza shaklida o‘tiladi, tushuntirilayotgan har bir ma'lumot 3d ilova orqali batafsil ko‘rsatib boriladi;
✅ Har bir mavzu yuzasidan ma'ruzadan so‘ng test ishlanadi, ma'ruza davomida paydo bo‘lgan savollarga javob beriladi;
✅ Barcha talabalarda mustaqil savol-javoblar o‘tkazish, viktorinalar tayyorlab guruh bilan muhokama qilish imkoniyati bo‘ladi.

🧑‍🎓 Ramazon oyi davomida osteologiya va sindesmologiya bo‘limlarini o‘rganish imkoniyatingiz bor!

🌟 Kursimiz afzalligi, o‘zbek standartidagi anatomiya va USMLE talabidagi anatomiyani bir xil sifat va darajada o‘rgatamiz, inshaAlloh.

🎁 Va eng ajoyib sovg‘a: siz bu darslarga 50% chegirma asosida, atigi 75 ming so‘m bilan qo‘shiling! 🥰

📞 Ushbu eʼlonni barcha tibbiyot talabalariga yuborishingizni soʻrab qolamiz. Siz kabi boshqalar ham ilm yo‘liga kirishga haqli va bunga siz sabab erishsinlar (😄natijalar gapiradi!).

📆 Qabul Ramazongacha!

━━━━━━━━━━━━━━

Murojaat qiling: @Gypothalamus

122 0 0

Tibbiy onlayn lug‘at

27 Aug 2022, 18:54

➡️ Derealizatsiya – atrof-dunyodagi real narsa va ko‘rinishlarni noto‘g‘ri, yolg‘on, o‘zgargan holda idrok qilinishi.

Psixiatriyada idrok patologiyasi hisoblanadi.

📌 #Derealizatsiya

✅ Foydali manzil: @Tibbiy_lugat

2.7k 0 11

Tibbiy onlayn lug‘at

13 Jan 2022, 11:52

➡️ Gepatosplenomegaliya — jigar va taloqning kattalashishi.

Jigar sirrozida, gemolitik kamqonliklarda, surunkali miyeloleykozlarda, surunkali gepatitlarda kuzatiladi.

📌 #Gepatosplenomegaliya

✅ Foydali manzil: @Tibbiy_lugat

4.7k 0 12

Tibbiy onlayn lug‘at

24 Dec 2021, 06:00

➡️ Gemiplegiya – gavda o'ng yoki chap yarmining to'liq falajlanishi.

Ko'pincha, gipertoniya, ateroskleroz, revmatizm, qand kasalliklarida miyaga qon qo'yilishi yoki miya qon tomirlarining berkilib qolishi sabab bo'ladi. Gemiplegiya miya o'smasi, yallig'lanishi va jarohatlanishining alomati bo'lishi ham mumkin. Gemiplegiyaga sabab bo'lgan kasallik davolanadi, dori-darmondan tashqari falajlangan oyoq-qo'l uqalanadi, shifobaxsh badan tarbiya buyuriladi va fizioterapiya usullari qo'llaniladi.

📌 #Gemiplegiya

✅ Foydali manzil: @Tibbiy_lugat

5.9k 0 26

Tibbiy onlayn lug‘at

29 Nov 2021, 15:27

➡️ Glikozuriya — siydik bilan qand (glyukoza) chiqishi. Asosan, giperglikemiyadan keyin kuzatiladi.

Buyrak kanalchalarining reabsorbsiya qilish xossasi susayganda ro'y beradi, shuningdek, qandli diabetga xos belgilardan biri hisoblanadi. Qandli diabet bilan og'rigan bemor qonida qand ko'payadi, bu siydikda qand bo'lishiga olib keladi. Normal siydikda qand bo'lmaydi. Alimentar (qand ko'p iste'mol qilinganda), reflektor (hayajonlanish, stress holatlarida bir lahzada o'tib ketadi), diabetik va buyrak xili ajratiladi. Nerv va endokrin tizim faoliyati buzilganda, buyrak kasalliklari, turli zaharlanishlar, homiladorlik toksikozlarida ham glikozuriya kuzatilishi mumkin.

Suratda qonda glyukoza darajasini o‘lchovchi asbob ko‘rsatilgan.

📌 #Glikozuriya

✅ Foydali manzil: @Tibbiy_lugat

5.5k 0 15

Tibbiy onlayn lug‘at

28 Nov 2021, 06:30

➡️ Kumulyatsiya — ba'zi dori moddalar uzoq muddat qabul qilinganda, ularning organizmda to'planib, ta'sir etish kuchining ortishi. Zaharlanishga olib kelishi mumkin.

Material va funksional kumulyatsiya farq qilinadi. Material kumulyatsiyaga barbituratlar, yurak glikozidlari, funksional kumulyatsiyaga etil spirti sabab bo'ladi. Kumulyativ xossali moddalar organizmdan chiqib ulgurishi uchun dori ichirilmay, orada dam beriladi. Shunday dorilar organizmda ushlanib qolmasligi uchun ko'p suyuqlik ichiriladi va ayirish a'zolarining faoliyatini oshirish chora-tadbirlari ko'riladi.

📌 #Kumulyatsiya

✅ Foydali manzil: @Tibbiy_lugat

4.1k 0 20

Tibbiy onlayn lug‘at

26 Nov 2021, 17:30

➡️ Immobilizatsiya — tananing shikastlangan yoki kasal qismini (odatda, qo'l-oyoq va umurtqa pog'onasini) qimirlamaydigan qilib qo'yish.

Suyak singanda, chiqqanda, tayanch-harakat a'zolari yallig'lanish kasalliklarida (osteomiyelit, sil va boshqalar), suyak va yumshoq to'qima turli jarohatlarida, operatsiyadan keyin tananing tegishli joylarini ma'lum vaziyatda ushlab turish uchun immobilizatsiya qo'llaniladi. Vaqtincha (transport) va doimiy (davolash) immobilizatsiya farq qilinadi. Vaqtincha harakatsizlantirish suyak singanda va boshqa og'ir shikaslanishlarda birinchi yordam ko'rsatishning eng muhim vositasidir. Vaqtincha harakatsizlantirish uchun maxsus shinalar (Detiriks, Kramer, Bogdanov va h.k.), shuningdek, qo'l ostida bor bo'lgan faner, taxta va boshqa materiallardan foydalaniladi.
Shinalash – vaqtincha immobilizatsiyaning asosiy turi hisoblanadi. Bemor kasalxonaga keltrilgandan so'ng vaqtincha immobilizatsiya doimiysi bilan almashtiriladi.

📌 #Immobilizatsiya

✅ Foydali manzil: @Tibbiy_lugat

4k 0 22

Tibbiy onlayn lug‘at

17 Nov 2021, 19:36

➡️ Atrofiya — to'qimalar oziqlanishining buzilishi oqibatida a'zolarning kichrayib, hujayralar sifatining o'zgarishi. Fiziologik va patologik atrofiya tafovut qilinadi.

Fiziologik atrofiya a'zolar faoliyatining to'xtashi natijasida ro'y beradi. Chunonchi, organizm o'sishdan to'xtaganda, ayrisimon bez atrofiyalanib, yog' to'qimasi ko'payadi. Odam qarigan sari a'zolar faoliyati susayishi natijasida bezlar va ichki a'zolar hajmi kichrayadi, teri elastikligi yo'qolib, ajin paydo bo'ladi.

Patologik atrofiyaga turli kasalliklar (sil, o'smalar, zaharlanish va boshqalar) sabab bo'ladi. Bunda a'zolar hajmi kichrayadi. Atrofiya sabablari yo'qotilsa, a'zolar asli holiga qaytishi mumkin, jumladan, singan suyak bitgandan so'ng atrofiyalangan mushaklar tiklanib, harakat me'yorlashadi. Atrofiyaning oldi olinmasa, hayot uchun xavf tug'dirishi mumkin. Masalan, ko'z nervi atrofiyasi ko'rlikka, mushaklar atrofiyasi falajlikka, jinsiy bezlar atrofiyasi bepushtlikka sabab bo'ladi.

📌 #Atrofiya

✅ Foydali manzil: @Tibbiy_lugat

3.9k 0 19

Tibbiy onlayn lug‘at

17 Nov 2021, 18:31

➡️ Dermatomiozit — ko'pincha, mushak, teri va nerv zararlanishi bilan o'tadigan va kollagenoz turkumiga mansub umumiy kasallik; o'tkir, o'rtacha o'tkir yoki surunkali bo'ladi.

Aksari sil, ich terlama, gripp kabi yuqumli kasalliklardan keyin ro'y beradi. Yoshlar va ayollarda ko'proq uchraydi. Dastlab yuz, keyinroq oyoq-qo'l va badanda qizil, ko'kimtir dog'lar, tuguncha, pufakchalar paydo bo'ladi. Ular anchagina joyni egallashi, hatto butun badanga tarqalishi mumkin. Keyinchalik pufakchalar so'rilib, o'rnida qoramtir dog' qoladi, teri yupqalashadi (atrofiya). Og'iz, tomoq, ko'z shilliq qavati, oyoq-qo'l, qovurg'alar orasi, umurtqalar atrofi, hatto ko'z kosasi mushaklari ham kasallanadi; bemor darmonsizlanib, tez charchaydigan bo'lib qoladi, ba'zan, harorati ko'tariladi. Ushbu jarayonda plevrit, endokardit kabi kasalliklar paydo bo'ladi. Davo bemorning umumiy ahvoliga qarab tayinlanadi (asosan, kortioksteroidlar buyuriladi).

📌 #Dermatomiozit

✅ Foydali manzil: @Tibbiy_lugat

3.2k 0 9

Tibbiy onlayn lug‘at

16 Nov 2021, 17:51

➡️ Gipoplaziya, giponeziya — embrional rivojlanish buzilgani sababli to'qima, a'zo, gavdaning bir qismi va butun organizmning o'smay qolishi, chala yetilishi.

Turli a'zolardagi gipoplaziyaning ahamiyati har xil. Juft a'zolardan biri (masalan, buyrak) normal rivojlangan holda ikkinchisining o'smay qolishi unchalik sezilmaydi, chunki normal rivojlangan buyrak gipertrofiyalanadi. Boshqa a'zolar, masalan, bosh miyaning o'smay qolishi (mikrotsefaliya) butun organizmga yomon ta'sir etib, uni, ko'pincha, erta halok qiladi. Tashqi va ichki muhitning turli omillari (onaning turli kasalliklari, nur energiyasi ta'siri, shikastlanish, noto'g'ri ovqatlanish), shuningdek, onadan bolaga o'tadigan yuqumli kasalliklar (qizilcha, toksoplamoz, sitomegaliya, poliomielit) gipoplaziyaga sabab bo'lishi mumkin.

📌 #Gipoplaziya • #Giponeziya

✅ Foydali manzil: @Tibbiy_lugat

2.8k 0 9

Tibbiy onlayn lug‘at

27 Oct 2021, 19:00

➡️ Temiratki – murakkab dermatologik kasallik, keng tarqalgan, bolalar va o'smirlar terisini zararlaydi.

SABABLARI:
• Trichophyton tonsurans va Microsporum canis zamburug'lari;
• Kasallangan hayvon bilan kontakt;
• Zararlangan bemor bilan kontakt;
• Shaxsiy gigiyenaga rioya qilmaslik;
• Teri yuzasi shikastlanishi.

BELGILARI:
✓ Inkubatsion davr 3-4 kun;
✓ Silliq terida: yuzasi kepaklanuvchi qizil va pushti dog'lar;
✓ Pufak cheti yoriladi, o'rnida qavariqlar hosil bo'ladi;
✓ Soch yuzasida: soch tagida “obodok” hosil bo'lishi;
✓ Teri qurishi, qizarish;
✓ Tirnoqda: tirnoq yuzasida kulrang dog'lar, o'sib tirnoqni sinuvchan qiladi;
✓ Zararlangan joyda qichishish va achishish.

DIAGNOSTIKASI:
— Mikolog ko'rigi;
— Surtma olish;
Zamburug'ga analiz olish.

DAVOLASH:
→Peroral zamburug'ga qarshi vositalar;
→Tashqi malhamlar qo'llash (triderm, tsikopiroks, bifonazol, klotrimazol, izokonazol);
→Yod bilan artish;
→Gormonal davo;
→Antibiotiklar

✓ To'liq davo kursi 1,5-2 oyni tashkil etadi, bolalarda soch to'liq olinib, bosh yuviladi va malham suriladi.

PROFILAKTIKASI:
— Bolalar orasida regulyar tibbiy ko'rik;
— Shaxsiy gigiyena qoidalari;
— Shaxsiy buyumlar dezinfeksiyasi;
— Uy hayvonlarni tekshirish.

📌 #Temiratki

✅ Foydali manzil: @Tibbiy_lugat

3k 0 15

Tibbiy onlayn lug‘at

25 Oct 2021, 09:15

➡️ Abstinensiya — kishi doimiy o'rganib qolgan narsasi (spirtli ichimliklar ichish, narkotik moddalar qabul qilish, jinsiy aloqa qilish)dan voz kechganda kuzatiladigan xumorlik (tushkunlikka tushish, kayfiyat buzilishi, qo'rquv, uyqusizlik, titrash, tirishish) holati.

📌 #Abstinensiya

✅ Foydali manzil: @Tibbiy_lugat

2.6k 0 11

Tibbiy onlayn lug‘at

22 Oct 2021, 18:50

➡️ Giperemiya, qizarish – gavdaning ma'lum qismidagi arteriya yoki vena tomirlarining qonga to'lishi.

Tomir kengaytiradigan nervlarning ta'sirlanishi va tomir toraytiradigan nervlar faoliyatining susayishi natijasida nerv tizimi faoliyatining buzilishi arterial giperemiyaga olib keladi. Bunda zararlangan joyga ko'p qon oqib kelganligi uchun u qizaradi, shu joyda harorat ko'tariladi, hajmi kattalashadi. Kishi uyalganida yoki g'azablanganida ham shunday holat kuzatiladi. Yurak faoliyati buzilishi, venalar tiqilib qolishi, tomirlar innervatsiyasi buzilishi natijasida paydo bo'lgan venoz giperemiyada zararlangan joy ko'karib ketadi (sianoz), gohida shishadi. Ba'zan davolash maqsadida kompress, grelka va boshqalar qo'yilganda ham giperemiya ro'y berishi mumkin.

📌 #Giperemiya

✅ Foydali manzil: @Tibbiy_lugat

2.8k 0 10

Tibbiy onlayn lug‘at

17 Oct 2021, 10:00

➡️ Blokada — biror a'zo yoki tizimning faoliyatini vaqtincha to'xtatish.

Masalan, yurak blokadasi – yurakning impuls o'tkazuvchi sistemasi bo'ylab impuls o'tishini to'xtatish; novokainli blokada – novokain purkab qilinadigan muolaja, bunda novokain nerv hujayralariga yallig'lanish va allergiyaga qarshi ta'sir ko'rsatadi.

📌 #Blokada

✅ Foydali manzil: @Tibbiy_lugat

2.9k 0 23

Tibbiy onlayn lug‘at

16 Oct 2021, 18:47

➡️ Anoftalm – bir yoki ikkala ko'z sohasining yo'qligi.

Tug'ma sabablar yoki shikastlanish va turli kasalliklar natijasida ro'y beradi. Onaning homiladorlik davridagi og'ir kasalliklari yoki turli zaharli moddalar, jumladan, dorilardan zaharlanishi sabab bo'ladi.

📌 #Anoftalm

✅ Foydali manzil: @Tibbiy_lugat

2.6k 0 14

Tibbiy onlayn lug‘at

29 Sep 2021, 06:00

➡️ Trepanatsiya — suyak bo'shlig'ini teshib ochish operatsiyasi.

Dastlab miyadagi o'sma yoki gematomalarni olib tashlash maqsadida kalla suyaklari trepanatsiya qilingan. Hozirgi tibbiyot amaliyotida kalla suyaklari trepanatsiyasi bilan birga osteomielitda naysimon suyaklar, mastoidit chakka suyagining so'rg'ichsimon o'simtasi trepanatsiya qilinadi. Tish bo'shlig'ini ochish, ko'z oqi operatsiyasi, shuningdek, ko'mikdan tekshirish uchun namuna olish (trepanobiopsiya) ham trepanatsiya deb yuritiladi.

📌 #Trepanatsiya

✅ Foydali manzil: @Tibbiy_lugat

2.9k 0 12

Tibbiy onlayn lug‘at

4 Sep 2021, 06:21

➡️ Vaksina ("vaccina" – sigirga oid) emlashda ishlatiladigan moddalar — infeksion kasalliklarning oldini olish yoki davolash maqsadida qo'llaniladigan preparatlar.

Mikroorganizmlar, shuningdek, ularning zararsizlantirilgan toksinlaridan tayyorlanadi, organizmga yuborilganda tegishli yuqumli kasalliklarga nisbatan sun'iy orttirilgan faol immunitet vujudga keladi. Tirik, o'ldirilgan, kimyoviy vaksinalar va anatoksinlar farq qilinadi. Tirik vaksinalar (chechak, poliomielit, qizamiq, gripp, toun, tulyaremiya, silga qarshi vaksinalar) kasallik qo'zg'atish xususiyatini yo'qotgan, biroq immunogen xossalari ega bo'lgan, qo'zg'atuvchiga qarshi himoya antitelolar hosil qiladigan maxsus kuchsizlantirigan mikroorganizmlardan tayyorlanadi. Bunda mikroorganizmlar sun'iy ozuqa muhitida yoki hayvon organizmida uzoq undiriladi. Tirik vaksinalar qo'llanilganda immunitet barqaror bo'lib, uzoq saqlanadi. O'ldirilgan vaksinalar bakteriyalar va viruslarga yuqori harorat, ultrabinafsha nurlar, ultratovush, formalin, spirt yoki b. moddalar ta'sir ettirib tayyorlanadi (ich terlama, ko'kyo'tal va boshqa kasalliklarga qarshi). Kimyoviy vaksinalar (ich terlama, toshmali terlama, paratiflar, vabo, difteriya, qoqshol va boshqa kasalliklarga qarshi), mikroorganizmlar yoki ularning mahsulotlaridan maxsus ajratib olingan faol komponent (antigen)lardir.

Anatoksinlar bakterialekzotoksilardan ularning zaharli xossalarini formalinda zararsizlantirish yo'li bilan olinadi. Tibbiyot amaliyotida bitta (monovaksina), ikkita (divaksina) yoki undan ko'p (polivaksina) mikroorganizm komponentlaridan iborat vaksinalardan foydalaniladi. Mikroblarning bir necha turidan tayyorlanib bitta yuqumli kasallikka qarshi qo'llaniladigan vaksina polivalent vaksina deyiladi. Dorilar turli yo'llar bilan yuboriladi; mushak ichiga (qizamiq), teri ostiga (ich terlama, toshmali terlama, paratiflar, dizenteriya, vabo, o'lat va boshqalar), teri yuzasiga (chechak, sil, tulyaremiya, kuydirgi), burunga (gripp) yoki og'iz orqali (poliomielit).

Ayrim yuqumli kasalliklar (chechak, sil, difteriya va b.)ning oldini olish uchun vaksina reja asosida, boshqa hollarda esa epidemik ko'rsatkichlar bo'yicha yuboriladi.

📌 #Vaksina

✅ Foydali manzil: @Tibbiy_lugat

3.5k 0 25

Tibbiy onlayn lug‘at

3 Sep 2021, 07:40

➡️ Ankiloz — bo'g'imning bukilmaydigan va yozilmaydigan bo'lib, qimirlamay qotib qolishi.

Bunga suyaklar bo'g'im yuzasining jarohatlanishi va parchalanib sinishi, bo'g'im hosil qiladigan tog'ay yuzasining yallig'lanishi yoki shikastlanganda bo'g'imni uzoq vaqt qimirlatmay qo'yib davolash, jarrohlik usuli bilan bo'g'imni qotirib qo'yish sabab bo'ladi. Bo'g'imdan tashqari, bo'g'im ichi, suyakli, chandiqli (fibrozli) ankiloz farq qilinadi.

📌 #Ankiloz

✅ Foydali manzil: @Tibbiy_lugat

2.8k 0 15

Tibbiy onlayn lug‘at

30 Aug 2021, 10:07

animation.gif

208.7Kb

➡️ Anevrizma – tomir devorining cho'zilishi va bo'rtib chiqishi natijasida qon tomir yoki yurak bo'shlig'ining chegaralangan kengayishi.

Miokard infakti, ateroskleroz, zaxm va boshqa kasalliklar, shuningdek, shikastlanish (travmatik anevrizma) sabab bo'ladi.

Haqiqiy va soxta turlari bor. Haqiqiy anevrizma arteriya devorining shikastlanmay kengayishidan, soxta anevrizma esa tomir shikastlanganda devori yorilib, atrofdagi to'qimalarga qon quyilishidan vujudga keladi. Tomir devorining tug'ma nuqsonlari ham kasallikka olib kelishi mumkin.

Ko'pincha, kasallik belgilari yaqqol ko'rinmaydi (simptomsiz kechadi). Anevrizma zararlangan tomir oziqlantiradigan to'qimalarning qon bilan ta'minlanishi buzilishiga sabab bo'ladi, u kattalashib ketsa yaqin joylashgan a'zo va to'qimalarni ezib qo'yishi mumkin. Yurakka yaqin joylashgan bo'lsa, yurak faoliyati buziladi. Ba'zan uning yorilishi va qon ketishi kuzatiladi.

Odatda, jarrohlik usuli bilan davolanadi.

📌 #Anevrizma

✅ Foydali manzil: @Tibbiy_lugat

2.5k 0 11

Продам канал с доходом 138090

Нет времени на спорт зал?

TGStat Bot

Tibbiy onlayn lug‘at

Channel's geo and language

Category

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

Tibbiy onlayn lug‘at

453

Site language

Продам канал с доходом 138090

Нет времени на спорт зал?

TGStat Bot

Tibbiy onlayn lug‘at

Channel's geo and language

Category

453