Koorupsiya jamiyat tanasidagi saraton
Yana bir muhim jihat, Prezidentimiz eng og'riqli nuqtalardan biri– ortiqcha hashamat va dabdabaning korrupsiya manbai sifatida namoyon bo'layotganini alohida ta'kidladi.
Tarix va dunyo tajribasi shuni ko'rsatadiki, korrupsiya nafaqat noqonuniy daromad orttirish, balki uni ijtimoiy nufuz vositasiga aylantirish bilan ham bog'liq.
Shu sababli, davlat rahbari nafaqat qonunchilikni kuchaytirish, balki jamiyatni ma'naviy jihatdan o'zgartirishga chaqirmoqda.
Yig'ilishda korrupsiyaning targ'ibotchisi ayrim taniqli shaxslar bo'lib qolayotganini tanqid qildi. Chunki katta auditoriyaga ega bo'lgan insonlar o'zini qanday tutishi, qanday yashashi, nimalarni qadrlashini jamoatchilik o'rnak sifatida qabul qiladi. Bu ma'noda, rahbar shaxslarning kamtarona hayot tarzi bilan namuna bo'lishi juda muhim.
Davlat xizmatiga kirgan shaxslarga nisbatan ma'naviy talab ham yuqori bo'lishi kerak.
Shu o'rinda, kamtarlik nafaqat shaxsiy fazilat, balki davlatga sadoqat va xalqqa xizmat qilishning belgisi bo'lishi lozim.
Prezidentimizning Parlament, mahalla raislari va nuroniylar bu borada tashabbuskor bo'lishi lozimligi haqidagi chaqiriqlari xalq bilan muloqot qilish va uni ma'naviy jihatdan o'zgartirish zarurligini ko'rsatadi.
@Shaxnoza_Xolmaxamatova