«ТАБРИКНОМА»

Не сўз билан бошлашга хам ўйланаман, Қандай табрик йўллайин деб қийналаман, Сизга совға излаб дўкон айланаман, Айтинг менга бўлса бирор камингиз? Қутлай ахир бугун сизни байрамингиз!

Онам, опам, синглим яқин суюклигим, Сиз бор асли шунда мени буюклигим, Сиз йўқ унда уйда бизни кутади ким? Бизга олий неъмат сизни борлигингиз! Қутлуғ бўлсин қадрдоним байрамингиз!

Гохо битта ширин сўз хам айтолмаймиз, Ранжитамиз кўз ёшингиз артолмаймиз, Узур сўраб бир дона гул тутолмаймиз, Бугун сизга қайтарайин хуш дамингиз, Қадрдоним қутлуғ бўлсин байрамингиз!

Хар кун сизга пешвоз рўзғор юмушлари, Супир-сидир яна фарзанд ташвишлари, Парвойимиз келмас сиздан кетиб нари, Қадрига хам етмаймиз гох мехнатингиз, Қадрдоним қутлуғ бўлсин байрамингиз!

Сахар туриб тандирларда ёпасиз нон, Фаранг бўйи келмас сизда жамбил райхон, Турмушиздан нолимайсиз сиз хеч қачон, Ўзим олай бугун барча ғамларингиз,
Қадрдоним қутлуғ бўлсин байрамингиз!

Қулоғингиз тўлди қанча эртакларга, Ваъдаларни бериб йўйдик эрмакларга, Худо инсоф бериб бу кун эркакларга, Бахт қувончдан кулдиришсин юзларингиз, Қадрдонлар қутлуғ бўлсин байрамингиз!

Аёлини эъзозлаган эрлар обод,
Аёлларни эъзозлаган юртлар обод, Кўрмоқ насиб этсин хар кун сизларни шод, Бахтимизга омон бўлинг хар бирингиз! Азизларим қутлуғ бўлсин байрамингиз!

8-Март Халқаро Хотин-қизлар куни байрамингиз билан чин дилдан табриклайман! Меҳрибоним😍❤️🤗

✍Aбдумуталиб Эргашалиев