БИЗНИКИ

Юрагимдаги доғ сизники эди,
Мен билган, таниган қизники эди.
Қайдандир ғалати ифор келмоқда,
Ҳидидан сезяпман, кузники эди.

Негадир ёқмайди бирлик нисбати,
Мен учун бу гўё кибор сифати,
Эшик қоқар Олтин Кузимиз бизнинг,
Бу мисрам юқори сатрим исботи.

Масофа йироқроқ, йиллар ўтмоқда,
Сиз у сўқмоқда-ю, мен бу сўқмоқда.
Кузимиз бизларни яна чорлайди,
Уялиб дарахтлар баргин тўкмоқда.

Не бўлсангиз ҳамки, бўлингиз омон,
Сизсиз аҳволим танг, ҳолимиз ёмон.
Ҳеч қурса бир лаҳза эслангиз мени,
Олам сариқ тусга кирарга замон.

Қайдандир ғалати ифор келмоқда,
Ҳидидан сезяпман, кузники эди…

©️ Ҳабибий

28.08.2024

@ojiziy_qalb 🫀