Nilufar bintu Ulug'bek (Rasmiy)

Haqiqatda, bolajonlarning betob bo’lib qolishi ayniqsa onalarning ruhiyatiga qattiq ta’sir qiladi.

Sababi:

- Bolalar doimgidanda injiqroq bo’lishadi. Boladagi kamharakatchanlik yoki quvvatning kamaygani onaga bevosita ta’sir qiladi. Ruhiy quvvatning salbiylashishiga sabab bo’ladi.

- Bolaning tez-tez betob bo’lishi onada aybdorlik hissini uyg’otadi. Yaxshi qaray olmadim, beetibor bo’ldim, yaxshi ona bo’la olmayapman degan o’y hayollar o’ziga ishonchini tushirib yuboradi. Aybdorlik hissi va o’ziga ishonchning tushkunligi esa ruhiy quvvatning salbiy bo’lishi ya’ni tushkunlik stress holatiga sabab bo’ladi.

- Ona biroz yupatish, ruhiy qo’llab quvvatlashga muhtoj bo’lib turganida unga “sen aybdorsan, yaxshi qarasang bo’lmaydimi” kabi gap-so’zlar olovga yog’ sepgandek bo’ladi.

TUSHKUNLIK - samaradorlikning zavoli. Shaytonning eng katta quroli. Kishi tushkunlikka tusharkan biror ishga qo’li bormay qoladi. Muammodaligini biladi, yechimini qilishga kuchi yetmaydi.

Bu holatda birinchi qilinishi kerak bo’lgan ish:

- Barchasi Allohdanligini yodga olish, qalban his etish va qabul qilish.

- Beetiborlik va ayb bo’lgan holatda xatolarni tahlil qilish va tuzatish, kerakli choralarni ko’rish. Kasallikning ketishi uchun sabablarni amalga oshirish.

- Yaqinlardan ko’mak olish. Ruhiy ko’mak bo’lsin, bolajonga qarab turishga yordam berish bo’lsin har qanday yordam zarar qilmaydi. Yordam olish sizning kuchsiz yoki ishonchsiz inson ekanligingizni anglatmaydi. (Shunday kunlarda menga yordamlarini ayamagan juftim, onajonim va yaqinlarimdan minnatdorman.)

- Bolajonlarni sog’ayib ketishi uchun duo olish va duo qilish 🤍

P/s onajonlarning yaqinlariga SAMIMIY murojatim: Farzandingiz, nabirangiz yoki jiyaningizdan siz orzu qilgan inson voyaga yetishini istasangiz, bolajonning onasiga ruhiy ko’mak bering, ilm olishiga sharoit yarating, baxtli bo’lishiga ko’maklashing, qarshingizdagi birgina tabassum, yaxshi kayfiyat ham tog’dek ta’sir qiladi.

BAXTLI ONADAN BAXTLI FARZAND ULG’AYADI. BAXTLI BO’LGANLARGINA BAXT BERA OLADI!

@NilufarbintuUlugbek

Kichik so’rovnoma o’tkazamiz. Azizam onajonlar!

Sizlar ham farzandingiz qayta-qayta kasal bo’lsa, boshi kasaldan chiqmasa o’zingizni aybdor his qilasizmi? Bu holatda ruhiy holatingiz qanday bo’ladi?

15-yanvar 21:00 da
Ushbu kitob tahlilini qilamiz. Kitobni tugatmaganlar tugatib oling. Kitobni tugatganlar xulosa va fikrlaringizni yozib qoldiring ⬇️

MUHIM, OXIRIGACHA O’QING📌

Meni bir savol o’ylantirib qo’ydi. Nima uchun ilm olish hamma uchun birdek ehtiyoj darajasida ahamiyatli emas, ilm olishni ko’pchilik faqat o’qishga kirish uchun kerakdek, faqatgina ma’lum bir davrda kerak bo’ladigan jarayondek qabul qilishadi. Maktab, institutni bitirganlar ilm olib bo’lishgan, yoshi katta bo’lganlar ham hayotdan o’rganib bo’lishgan, ularga ilm olish shart emas, ilm olish faqat yoshlar uchundek go’yo?!

Savol:
- Ilm deganda nimani tushunasiz?
- Nima uchun ba’zilar uchun ilm ehtiyoj darajasida zarur, ba’zilar uchun esa ahamiyatsiz.
- barcha uchun birdek ilmni ehtiyoj darajasiga chiqarish uchun nima qilish kerak?

Iltimos e’tiborsiz qoldirmang. Qisqa bo’lsa ham fikringizni yozib keting. Fikr bo’lmaslik yashamayotganlik bilan teng.

Sizga yangiligim bor!

6-7-yanvar kunlari juda katta va muhim mavzularda BEPUL INTENSIV o‘tkazyapmiz. Faqat bu yerda emas, yopiq kanalda.

Juda katta va muhim mavzu esa: Dangasalik va tartibsizlik davosi. Maqsad va rejalarni shakllantirish.


Suxbat mutlaqo BEPUL bo‘ladi. Hayotingizni o’zgartirishingiz uchun birinchi qadamni bosishingizga turtki bo’ladigan mavzular ochiladi.

Faqat boshqa hech qaysi kanallarda berilmaydi, yozib olinmaydi, takrorlanmaydi.

Sizga o‘sha sirli yopiq kanalimning havolasi kerakmi?

Kecha yakshanba kunini o’zim uchun dam olish kuni deb belgiladim. Har qanday aqliy faoliyat va o’qishdan voz kechib, barcha vaqtimni oilam va o’zim uchun sarflayman, deb qaror qildim. Kundalik odatiy ishlar: bolalarga qarash, uy ishlari bilan shug’ullanish, taom tayyorlash va serial ko’rish bilan bir kunni o’tkazdim. Go’yoki barcha ayollardek vaqt o’tkazdim.

Qiynalyotgan vijdonimni bugun dam olish kuni ertadan boshlaysan deb tinchlantirishga harakat qildim. Kunni oxirida men dam olmaganimni sezdim. Men ruhan charchadim. Ishtiyoqlarim so’ndi. Aqliy faoliyat bilan shug’ullanishni xohlamay qoldim. Bir kun uchun shuncha ruhiy zo’riqish…

Endi tasavvur qiling: yillar davomida shunday hayot kechirayotgan ayollar bor! Ularning butun hayoti faqat uy ishlari bilan band bo’ladi. Biror marta kitob ochib o’qish, ilm o’rganish haqida o’ylashga vaqt ham, imkon ham topilmaydi. Ko’plab ayollarning ruhiy tushkunligi ham aslida shundan kelib chiqadi — ruhga ozuqa berilmagani uchun. Biz faqat tanamizni oziqlantirish bilan kifoyalanamiz, biroq aql va ruhning ham haqqi ado qilinishi kerakligini unutamiz.

Ibn Sino shunday degan edi: “Insonning quvvati, asosan aql va ruhning pokligidan kelib chiqadi.” Bu haqiqat. Chunki bizning fitratimiz maqsadsiz, samarasiz yashashga moslashmagan. Maqsadsiz ish qilganimizda, ruhimiz va vijdonimiz qiynaladi, quvvatimiz pasayadi. Uzoq davom etgan bu holat insonni tushkunlikka olib boradi.

Yechim — ilm. Biroq har qanday ma’lumot emas, balki maqsadli ilm.

@NilufarbintuUlugbek