Avtomobillar importining qisqarishi “avtopoligon” ishga tushgan noyabr oyidanoq boshlagan
Yanvar oyida avtomobillar importi 2025 yilning yanvariga nisbatan 5,1 barobarga (qiymati 7,1 barobarga) qisqaribdi. Ta’kidlash kerakki, avtomobil importining qisqarishi yanvar oyiga kelibgina emas balki “laboratoriya” ishga tushgan noyabr oyidanoq boshlagan edi. Xususan, noyabr oyida oylik avtomobil importi 65 mln dollarni tashkil etib, 2023 yilning noyabriga nisbatan 63 foizga (110 mln dollarga) qisqargan.
2024 yilning oktyabriga nisbatan esa 2 barobarga yoki 68,8 mln dollarga qisqargan. Import avtomobillar soni esa noyabr oyida 4671 donani tashkil etib, bir oy oldingi ko‘rsatkichga nisbatan 4939 taga (ikki barobar) qisqargan.
Dekabr oyi bo‘yicha ma’lumotlar (Uncomtrade bazasida) e’lon qilingani yo‘q. Lekin dekabr oyida ham qisqarish davom etganligini stat agentlikning ba’zi agregat ma’lumotlarini tahlil qilish orqali anglash qiyin emas. Masalan, stat agentlik taqdim etadigan ikki xonali tovarlar kesimida (TIF TN 2 xonali), avtomobil va ularning qismlari (TIF TN 87) importi dekabr oyida 384,2 mln dollarni tashkil etib, 2023 yilning mos oyiga nisbatan 25,1 foizga (yoki 129 mln dollarga) qisqargan. Noyabr oyida bu kategoriyadagi import 40 foizga (185,3 mln dollar) qisqargan edi (bunda, qisqarishning Uncomtrade bazasidagidan pastroq shakllanganligi ehtiyot qismlar importining o'sishi bilan izohlanishi mumkin).
Ya’ni yanvar oyida import avtomobillarini texnik ko'rikdan o'ktazuvchi avtopoligon o‘zining salbiy oqibatlarini ko‘rsatishda davom etgan va import oldingi oylardagiga nisbatan tezroq qisqarishni boshlagan. May oyidan esa qo‘shimcha cheklovlar natijasida avtomobillar importining qisqarishi yanada tezlashishi turgan gap. Bu esa o‘z navbatida bir muncha “sovib qolgan” avtomobil bozorida narxlar oshishiga olib keladi.
@Mirkonomika
Yanvar oyida avtomobillar importi 2025 yilning yanvariga nisbatan 5,1 barobarga (qiymati 7,1 barobarga) qisqaribdi. Ta’kidlash kerakki, avtomobil importining qisqarishi yanvar oyiga kelibgina emas balki “laboratoriya” ishga tushgan noyabr oyidanoq boshlagan edi. Xususan, noyabr oyida oylik avtomobil importi 65 mln dollarni tashkil etib, 2023 yilning noyabriga nisbatan 63 foizga (110 mln dollarga) qisqargan.
2024 yilning oktyabriga nisbatan esa 2 barobarga yoki 68,8 mln dollarga qisqargan. Import avtomobillar soni esa noyabr oyida 4671 donani tashkil etib, bir oy oldingi ko‘rsatkichga nisbatan 4939 taga (ikki barobar) qisqargan.
Dekabr oyi bo‘yicha ma’lumotlar (Uncomtrade bazasida) e’lon qilingani yo‘q. Lekin dekabr oyida ham qisqarish davom etganligini stat agentlikning ba’zi agregat ma’lumotlarini tahlil qilish orqali anglash qiyin emas. Masalan, stat agentlik taqdim etadigan ikki xonali tovarlar kesimida (TIF TN 2 xonali), avtomobil va ularning qismlari (TIF TN 87) importi dekabr oyida 384,2 mln dollarni tashkil etib, 2023 yilning mos oyiga nisbatan 25,1 foizga (yoki 129 mln dollarga) qisqargan. Noyabr oyida bu kategoriyadagi import 40 foizga (185,3 mln dollar) qisqargan edi (bunda, qisqarishning Uncomtrade bazasidagidan pastroq shakllanganligi ehtiyot qismlar importining o'sishi bilan izohlanishi mumkin).
Ya’ni yanvar oyida import avtomobillarini texnik ko'rikdan o'ktazuvchi avtopoligon o‘zining salbiy oqibatlarini ko‘rsatishda davom etgan va import oldingi oylardagiga nisbatan tezroq qisqarishni boshlagan. May oyidan esa qo‘shimcha cheklovlar natijasida avtomobillar importining qisqarishi yanada tezlashishi turgan gap. Bu esa o‘z navbatida bir muncha “sovib qolgan” avtomobil bozorida narxlar oshishiga olib keladi.
@Mirkonomika