РАҲМАТИНГНИ УЗМАГИН МЕНДАН.

Шайтон дахл қилмаган кимга?
Томирдан йўл бергансан унга,
Ёт бўлмасам агарки динга,
Раҳматингни узмагин мендан.

Ғафлатдаман юрибман беғам,
Бўлолмадим тоатда бардам,
Тавба дейман йўқ кўзимда нам,
Раҳматингни узмагин мендан.

Баъзан пинҳон баъзида ошкор,
Гуноҳни кўп қилганман такрор,
Бу бандангдан бўлиб сен безор,
Раҳматингни узмагин мендан.

Шукр бордир фарқим шайтондан,
Гарчи ўтсам гуноҳда ундан,
Умидимни узмадим сендан,
Раҳматингни узмагин мендан.

Кофир билса раҳматингни гар,
Дерди "жаннат менга муқаррар",
"Бандам"десанг сен мени агар,
Раҳматингни узмагин мендан.

✍ Лутфуллоҳ Хўжаев.

T.me/+Eyf9Vbm8ruAxMDIy