Mahmud Usmon

Mana bu maqolani shayx Muhammad Xoldun Al Hasaniy haqlarida 2021- yilda yozgan edim.
Bashar diktaturasi qulab, qamoqlar ochilib, arxivlar va guvohlar tilga kirgach, shayx Xoldunning mash’um Saydnaya qamoqxonasida Bashar qulashidan oldin qatl etilgani aniqlandi.
Alloh taolo u kishini shahidlar qatorida tiriltirsin! Zolimlarga kifoya qilsin!

Армияда ҳақсизликдан шикоят қилса, унга қўшиб бутун хизматдошларини жазолайдилар, уни ҳамманинг нафрат пашшаси қўнадиган ташландиққа айлантирмоқчи бўладилар. Ҳар сафар унинг қалбидаги қаҳрамонликни қатл этиб, бошқаларга уни намуна қиладилар. Қулликни вафодорлик ва фидокорлик, ҳақпарварликни осийлик ва ношукурлик деб атайдилар. Тез орада миллат қуллар бозорига айланади. Ор-номус, инсон қадри ва ҳуррияти носвойнинг нархи бўлади.
Шу аҳволга тушмай десангиз, қаҳрамонларингизни эҳтиёт қилинг. Уларнинг хайрли оқибатлари ҳақида эртак айтинг, уларга ачинишни эмас, улардан фахрланишни ўргатинг болаларингизга.
Уларга, Қодирий бечоралардек ўлиб кетган, деманг. Қодирийнинг қиличдай руҳи олдида душманнинг жаллодлари ҳам қўрқувдан титраган денг. Қатл пайти Қодирийнинг кўзларига қарай олмаган улар денг. Қодирий иймони ва виждонини сақлаб қолган, уни қатл қилганлар эса хиёнат ва қуллик билан ўлганлар. Қодирий асрлар оша миллатнинг қалбида ва дуоларида, хоин ва золимлар эса лаънат ва нафрат билангина ёдга олинишга маҳкумлар. Ниҳоят, булар дунёнинг мукофот ва жазолари. Охиратда эса абадий жаннат ва абадий жаҳаннам бордир! Мана шу ҳақиқатларни фарзандларингиз қалбларига нақшланг. Паҳлавон баҳодирларни тарбияланг. Қўрқоқ хоинларни, очкўз савдогарларни эмас.

Маҳмуд Усмон

@Mahmud_Usmon

#Золимлар_стратегияси 2

Қуллар жамиятини тарбиялаш.

Милодий 1435 йил. Бадавлат бир юртга босқинчилар қўшин тортиб келибди. Шаҳарнинг ёшу қариси қўлига қурол олиб, ватан ҳимояси учун оёққа турибдилар. Узоқ жанг бўлибди. Ватан ҳимоячилари орасида бир алп йигит ўзининг жасорати, баҳодирлиги ва моҳир қиличбозлиги билан тилларда достон бўлибди. Бир ўзи душманнинг юзлаб аскарларини ўлдирибди. Унга эргашиб бошқа ёшлар ҳам шижоат кўрсатишларини ҳисобга олса, душман учун бу баҳодир алпдан етган зарар бутун бошли қўшиндан етадиган зарардан кўпроқ бўлибди.
Бироқ босқинчилар сон жиҳатдан устун экан, охир- оқибат узоқ қамал ва урушлардан сўнг ғалаба қозонибдилар. Мудофаачиларни занжирлаб, босқинчилар амири олдига келтиришибди. Амир барчасини афв этиб, юрт савдогарлари ва бойларининг аксар бойликларини қайтариб берибди. Уларга босқинчилар ҳимояси остида бемалол савдо қилишни, фақат ўз вақтида босқинчиларга солиқларни тўлаб, итоатда бўлишни буюрибди. Олдинги ҳикоямизни ўқиганлар биладиларки, бу босқинчиларнинг стратегияларидан биридир.
Аммо улкан тепалик каби салобат ва ҳайбат билан турган алп йигитнинг иши оғир бўлибди. Босқинчилар уни оёқ- қўлларидан занжирлаб, бўйнига оғир тошлар осиб қўйишибди. Сўнгра, агар 30 кун ичида ЮЗ МИНГ ДИНОР топиб келмаса, қўллари кесилиши, кўзлари ўйиб олинишини айтишибди. Алп баҳодир камбағал экан, устига-устак, борини урушга сарфлаб юборгани учун юз минг эмас, 10 динор ҳам пули йўқ экан. Юз минг динор эса шунчалик катта пул эканки, уни йиғиш учун юзлаб бойлар барча мол-мулкларидан кечишлари керак экан. Юртда бой кўп, босқинчилар савдогарларнинг тижорат молларига тегмаган. Деярли ҳеч кимнинг бойлиги мусодара қилинмаган. Паҳлавон йигит шу томондан қалби таскин топиб, бозорда борибди. Босқинчилар амири буйруғини одамларга айтиб, ёрдам сўрабди. 100 000 динор катта пул экан. Узоқ урушдан сўнг энди тижорати юриб қолган савдогарлар бунча пулдан кечгилари келмабди. Қолаверса, босқинчилар амири билан дўстлик ришталари пайдо бўлиб, унинг меҳрибонлиги, бойликларига тегмаганидан кўплари хурсанд экан, паҳлавон йигитга "Ўзи бекор урушган эканмиз, сени деб қанча яқинимиз ўлди, мана, сулҳ тузсак бўларди экан," дейишибди. Паҳлавон баҳодир қавмига ҳуррият ҳақида қанча гапирмасин, биров унга қулоқ солмабди. Унинг мадҳига тўқиган қасидаларни унутибди қавм.
Муҳлат тугаб, босқинчилар амири буйруғи бажарилибди. Паҳлавон алп икки қўли, икки кўзидан ажралибди. Йиллар ўтиб, мажруҳ ва ожиз ҳолда хорликда вафот этибди.
Унинг қиссаси эртак бўлибди. Юртда туғилган ҳар бир гўдак бу эртакни эшитиб улғаяр экан. Оқибатда, бу юртдан бошқа ҳеч қачон мард ўғлонлар, жангчи паҳлавонлар чиқмабди. Фақат сотишга моҳир бўлган савдогарлар чиқибди. Мустамлака эса узоқ ва узоқ давом этибди.

Золимлар бирор миллатни қул қилмоқчи бўлсалар, уларда очкўзликни пайдо қиладилар. Мазлумларнинг моддий дунёларига эга чиқмоқ учун уларнинг маънавий дунёларини йўқ қилиб юборадилар. Мазлумларнинг нафсларини сотиб олиб, нафсларини ўз эгаларига қарши қўриқчи аскарга айлантирадилар.
Ҳикояда босқинчилар амири савдогарларнинг нафслари ва шаҳватларини уларнинг ўзлари ишлаб топган пулни қайтариб бериш билан сотиб олди. Сўнгра уларнинг нафслари алп йигит учун ёрдам бериш они келганда уларни тўхтатиб қолди, босқинчи золимга итоат қилишга буюрди.
Золимлар ҳийлаларидан яна бири - улар миллатнинг барча эркакларини қириб юбормайдилар. Ахир ҳамма ўлдирилса, ким қуллик қилади?! Золимлар миллатнинг қаҳрамонларинигина ўлдирадилар. Қаҳрамонни ҳам ўз қўллари билан эмас, босиб олинган миллатнинг қўли билан ўлдирадилар. Паҳлавон баҳодирга ҳеч ким ёрдам бермаган пайтда ўз миллати унинг устидан ўлим ҳукмини ўқиди. Бироқ улар англаб етмадиларки, улар ўлим ҳукмини жасур баҳодир учун эмас, жасорат ва баҳодирлик учун ўқидилар...
Шундай қилиб золимлар биргина жасур қаҳрамонни эмас, жасорат ва қаҳрамонлик тушунчаларини қатл қилиб, бу миллатни абадий қуллар миллатига айлантирдилар.

Бугун ҳам шундай золимлар давлатлари жорий этган таълим тизимида мактаб ўқувчиси адолат талаб қилса, устозлари уни одобсизликда айблайдилар. Бошқа ўқувчиларни унга қарши қўядилар.

Bugunning voqealari menga 2018- yilda yozganim ushbu hikoyani eslatdi.
“Arziydimi?!”

O’lgan odamning yomon ishlarini aytib bo’lmaydimi? Bu hukm har bir o’lgan odam haqidami yoki istisnolar bormi?

Javob:

Sahih Buxoriyda va Sahih Muslimda Anas ibn Molikdan rivoyat qilingan hadisda sahobalarning oldilaridan bir o’likni olib o’tisharkan, sahobalar uning yomonliklarini aytib, yomon vasflar bilan vasflashdi. Shunda Allohning rosuli sollallohu alayhi vasallam “vojib bo’ldi”, ya’ni unga uqubat vojib bo’ldi, dedilar.
Ushbu hadisning sharhida hanafiy mazhabining eng buyuk fuqaholari va muhaddislaridan bo’lgan imom Badriddin Ayniy rohimahulloh aytadilar:

‎فإن قيل : كيف يجوز ذكر شر الموتى مع ورود الحديث الصحيح عن زيد بن أرقم في النهي عن سب الموتى وذكرهم إلا بخير ؟ أجيب : بأن النهي عن سب الأموات غير المنافق والكافر والمجاهر بالفسق أو بالبدعة ، فإن هؤلاء لا يحرُم ذكرُهم بالشر للحذر من طريقهم ومن الاقتداء بهم .

Umumiy tarjimasi:

“Agar aytilsa, qanday qilib o’lgan insonning yomonliklarini zikr qilishdi, axir o’lganlarni so’kmaslik haqida, faqat yaxshilik bilan zikr qilish kerakligi to’g’risida sahih hadis bor-ku?!
Javob beriladiki, o’liklarni so’kmaslik haqidagi buyruqdan quyidagilar mustasno:

* Munofiqlar
* Kofirlar
* Fisq- gunoh ishlarni oshkora - (odamlar oldida) qiluvchilar.
* Bid’atlarni oshkora qiluvchilar.
Albatta, bu toifalarni qilgan yomonliklari bilan zikr qilish harom bo’lmaydi, ularning tutgan yo’llaridan va ularga ergashishdan odamlarni ogohlantirish uchun.”
Imom Ayniyning so’zlari shu yerda tugadi.

Azizlar, hadislarni zikr qilarkan, fuqaholar, ulamolar, ayniqsa mazhabimiz imomlari o’sha hadisni qanday tushungan degan savolni o’zimizdan so’raylik.

Alloh taolo hayotda ibrat olmaganlarning o’limlarini ibrat qilsin!

Quyida imom Ayniyning ushbu kitoblari suratini qoldiryapman.

@Mahmud_Usmon

Mirzohid vafot etibdi. Duolaringizda eslab qo’yarsizlar, orangizda duolari qabul bo’ladigan kishilar bor, inshaalloh.

Alloh taolo rahmatiga olsin! Savol-javoblarini oson qilsin! Qabr, jahannam azoblaridan asrasin! Jannat ahlidan qilsin! Ko’rgan qiyinchiliklarini gunohlariga kafforat qilsin!
Alloh taolo onasiga, ayoliga, yetim qolgan farzandlariga va boshqa barcha yaqinlariga go’zal sabr bersin!
Shu paytgacha pul bilan, duo bilan yoki boshqa turli yo’llar bilan yordam ko’rsatganlar ko’p bo’ldi, Alloh taolo barchalaridan rozi bo’lsin!
Barchamizga ofiyat bersin!
Mahmud Usmon