Video is unavailable for watching
Show in Telegram
πBILMAY, ANGLAMAY
Sahrolardan keldim, choΚ»llardan keldim,
Yoningga kimsasiz yoΚ»llardan keldim.
Ehhe, qancha oshiq dillardan keldim,
Sening dunyoyingni bilmay, anglamay.
Gar bilsam kelmasdim qafasing tomon,
Shamolday yelmasdim nafasing tomon.
Sen uchun asrabman sevgimni omon,
Sening yuragingni bilmay, anglamay.
Xatoga qoΚ»l choΚ»zdim, bogΚ»lar axtarib,
Suyanchga arzulik togΚ»lar axtarib.
Yoningda eng baxtli chogΚ»lar axtarib,
Sening xayolingni bilmay, anglamay.
Kechirgin, oΚ»ksima borligim uchun,
Boshingdan yogΚ»gulik qorligim uchun.
Umr yoΚ»llaringda yorligim uchun,
Men xato qilibman bilmay, anglamay.
βMaftuna Amirzoda
17.02.2025-yil
β° 07:40
https://t.me/Maftuna_Amirzoda_ijodi