МЕҲР

Охири фасли тирамоҳ. Ҳаво сард буд ва шамоли сарсарӣ мевазид.
– Модарҷон, биёед, поятонро шӯем, – хоҳиш карданд бародарон.
– Оббо, боз ҳамин кор... – норозиёна гуфт модар. – Тирнет баромаду бало шуд. Тинҷиям аз байн рафт.
– Не нагӯед, модарҷон! – илтиҷоомез гуфтанд писарон. – Бори охир!
Модар ноилоҷ розӣ шуд. Ҳавлӣ баромада, дар чорпоя нишаст. Писарон зуд лагандро аз оби водопровод пур карда оварданд. Бародару додар бо навбат пойи модарро “шуста”, чор-панҷтоӣ акс гирифтанд: беҳтаринашро дар интернет мегузоранд.
“Фотосессия” анҷом ёфт ва онҳо аз кори худ мамнун ҷониби хона шитофтанд. Пойи модар дар оби сард ях карда бошад ҳам, шод буд.
– Ҳа-а, меҳрубонони худам-а!

©️ Байрам Оға

👉👉👉 Аз ӯзбекӣ тарҷумаи ФАРИДУН.

#ахлоқ
Ба гурӯҳ ҳамроҳ шавед:
👇👇👇
https://t.me/Farhodzod