Бош прокурор ўринбосари С.Самадов томонидан Бухоро вилоятида қурилишга оид давлат дастурлари ва бошқа долзарб топшириқлар ижроси ўрганилмоқда.

Ўрганишда, Қоровулбозор ва Когон туманларидаги ижтимоий соҳа ва ичимлик суви объектлари, маҳаллалардаги суғориш тармоғини тортиш ва кўп қаватли турар-жойлар қурилиши объектида бўлиб, қурилишда маҳаллий маҳсулотлар ишлатилиши ҳисобига уй-жой таннархини тушириш, сифатсиз бажарилган иш турларини қисқа муддатда бартараф этиш бўйича топшириқлар берилиб, ижроси назоратга олинди.

Сўнгра, Когон шаҳридаги давлат дастурлари бўйича қурилаётган ҳамда қурилиши режалаштирилган объектларда бўлиб, ушбу объектларнинг лойиҳаларини ҳудудий штабда кўриб чиқиб, ортиқча харажатларни оптималлаштириш, қурилишда муаллифлик, техник ва давлат назоратини ташкил этишдаги камчиликлар кўрсатиб ўтилиб, объектни сифатли ва белгиланган муддатда фойдаланишга топшириш бўйича кўрсатмалар берилди.

Ҳозирда иш гуруҳ томонидан ўрганишлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook