Taqdir - amalga oshadi

Odam va Muso alayhissalom Robblari huzurida tortishib qoldilar. Bas, tortishuvda Odam Musodan g‘olib keldi. Muso:

- Alloh seni O‘z qo‘li bilan yaratgan, ichingga O‘z ruhidan puflagan, farishtalarini sajda qildirgan, jannatiga joylagan, so‘ng o‘z xatoing ila odamlarni yerga tushirgan Odam senmisan? dedi.

Shunda Odam:
- Alloh O‘z payg‘ambarligi va kalomi ila tanlab olgan, ichida har bir narsaning bayoni bor lavhlarni bergan va munojot uchun O‘ziga yaqinlashtirgan Muso senmisan? Alloh Tavrotni mening xalq qilinishimdan qancha oldin yozgan deb bilding? dedi.

- Qirq yil , dedi Muso.
- Unda Odam Robbiga isyon qildi va adashdi, deganini ko‘rdingmi? dedi Odam.
- Ha , dedi Muso.
- Sen Alloh taolo meni yaratishidan qirq yil oldin yozib qo‘ygan amalni qilganimni malomat qilasanmi? dedi Odam

(Islom.uz dan)

Odam alayhissalom oʻsha taʼqiqlangan mevani yemasalar ham u kishining Yerga xalifa boʻlishlari oldindan bitilgan edi. U kishi baribir Yerga tushar edi

Voqealar, rizqimiz - oldindan bitilgan. Faqat unga savob yoki gunoh bilan yetishimiz, uni qanchalik barakali yo barakasiz qilishimiz - oʻzimizga bogʻliq

Mana shu orqali jazo yoki mukofot olamiz

Shuning uchun - taqdirdagi voqealardan, rizqimizdan hotirjam boʻlamiz.

Taqdirda bitilgani - keladi
@Azizbek_Zubaydullayev