Бунақа даҳанаки жангни халқаро дипломатия илк бор кўриши. Трамп ва Венс Зеленскийни эзиб ташлашди. 10 минутлик видеони томоша қилсангиз кўп нарсани тушуниб оласиз, рус тилида таржимаси бор.

Аслида, Трамп ва Зеленский ўртасидаги можаро узоқ вақтдан бери давом этиб келмоқда ва ниҳоят кеча бу пандора қутиси очилди. Унинг асосий сабаби шундаки, Украина ва АҚШнинг мақсадлари бутунлай бошқача: Украина ғалаба қозонишни хоҳлайди, АҚШ эса ҳарбий ҳаракатларни тўхтатмоқчи. Трамп маъмуриятининг мақсади – Трамп, Венс, Рубио, Хагсетга кўра – бутун диққатни Хитойга қаратиш керак ва бунинг учун улар Киевнинг ғалабасини таъминламасдан, Европа қитъасидаги урушни зудлик билан тўхтатишлари керак. Украина Америка ёрдамининг катта қисмини йўқотиши мумкин. Европа Иттифоқи Украина урушини қўллаб-қувватлашга ҳаракат қилади, лекин ўрта муддатли истиқболда ҳам бунга кучи етиши амримаҳол.