Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Azamat Akbar | Lektorium

@AzamatAkbar_Lektorium
Channel's geo and language: Uzbekistan, Uzbek
Category: Edutainment

Тилшунос Aзамат Aкбаровнинг канали. Aмалий тилшунослик, социолингвистика, дискурс, педагогика бўйича таҳлиллар, ҳамда олий таълимнинг замонавий трендлари ҳақида илмий-таҳлилий маълумотлар каналига хуш келибсиз!
https://www.youtube.com/@Dr.AzamatAkbarov

Related channels  |  Similar channels
Channel's geo and language
Uzbekistan, Uzbek
Category
Edutainment
Statistics
Is this your channel? Confirm Канал в реестре блогеров РКН? Confirm Channel history
Posts filter

Azamat Akbar | Lektorium

8 Mar, 14:52

Open in Telegram Share Report
Таклифларим.pdf
248.7Kb
Ҳуқуқшуносликда ўқийдиган талабам имейл орқали университетда ўқишнинг зерикарли эканглигидан шикоят қилиб, уфқи ва дунёқарашини кенгайтириш йўлларини излаётгани ҳақида ёзиб мендан маслаҳат сўради.

Университетда ўқиш яхши, лекин бунга қўшимча равишда ва эртага ишсиз қолиб кетмаслик учун, унга академик ва шахсий ўсишида ёрдам берадиган 6 та муҳим таклифларимни ёзиб юбордим.

Маслаҳатларимни бошқа юз минглаб талабалар билан бўлишиш ниятида таклифларимни ушбу файлга жойлаштирдим. Буни бошқа йўналишларда ҳам қўлласа бўлади.

Ёшлар ишлари агентлиги буни устида ишлаб, олий таълим вазирлигига таклиф киритса мақбул бўларди, зеро “маънавий” тадбирлар коррозияга сабаб бўлмоқда, олий маълумотли мардикорлар кўпаймоқда.
538 0 32 24
Azamat Akbar | Lektorium

8 Mar, 14:04

Open in Telegram Share Report
Video is unavailable for watching
Show in Telegram
Совғалар билан боғлиқ ҳолат максимал «напряженность»га чиқди!
582 0 2 25
Azamat Akbar | Lektorium

8 Mar, 12:58

Open in Telegram Share Report
Шоҳморон — Яқин Шарқ халқлари фольклоридаги илонлар маликаси. Бугунги байрам билан алоқаси йўқ, шунчаки тарихий маълумот сифатида ёздим.
606 0 4 41
Azamat Akbar | Lektorium

8 Mar, 12:31

Open in Telegram Share Report
Байрам муборак!
608 0 3 33
Azamat Akbar | Lektorium

8 Mar, 11:05

Open in Telegram Share Report
8-Март анъанаси мустақил Ўзбекистон даврида эмас, ундан олдин пайдо бўлган тарихий бир жараёндир. Шунинг учун 20-асрдаги открыткалардан фойдаланишга ҳаракат қилдим.

Фурсатдан фойдаланиб, янгиланиш фаслида бошланадиган илк байрам халқаро аёллар куни муносабати билан барча оналаримиз, опа сингилларимизни табриклайман.

Уларга узоқ умр, сиҳат-саломатлик, аёллик бахтини ҳис этиб яшаш ёр бўлишини тилайман!

Байрам муборак бўлсин!
648 0 4 29
Azamat Akbar | Lektorium

8 Mar, 03:16

Open in Telegram Share Report
Азиз Санжар: Мен мамлакатимдан хафаман!

“Ривожаниш билан бой бўлиш бошқа-бошқа нарсалардир. Масалан, Араблар бой, бироқ ривожланган эмас. Биз эса Арабларга ҳавас қилаяпмиз; ривожланишга эмас, бой бўлишга ҳаракат қилаяпмиз. Мана шу сабаб, бизни жўғрофиямизда билимли ва маданиятли эмас, пулдор ва мансабдор одамларга кўп ҳурмат кўрсатилади.”

Азиз Санжар туркиялик олим, 2015 йили химиядан Нобел мукофоти лауреати.
949 0 20 67
Azamat Akbar | Lektorium

7 Mar, 14:55

Open in Telegram Share Report
Forward from: Do'stona suhbat
Video is unavailable for watching
Show in Telegram
📌"Do'stona suhbat" loyihasining 106-soni mehmoni
Silk Road Research Academy rahbari, amaliy tilshunoslik sohasi doktori, professor, oliy taʼlim bo‘yicha xalqaro ekspert Azamat Akbarov.

Ajoyib suhbatni ko‘rishni tavsiya etamiz 📣

🔗Bizni jonli efirda kuzatishigiz, savollaringizni yo'llangiz va
yaqinlaringizga ulashingiz mumkin!

Kanallarimizga obuna bo'ling:
🔹Telegram  🔹YouTube
🔹Facebook 🔹Instagram
857 0 7 20
Azamat Akbar | Lektorium

7 Mar, 12:32

Open in Telegram Share Report
Video is unavailable for watching
Show in Telegram
🇺🇿Фактлар билан юзма-юз: 100 сонияда попурри услубида олий таълимнинг энг асосий муаммоларини ёритамиз.
916 0 4 27
Azamat Akbar | Lektorium

6 Mar, 20:03

Open in Telegram Share Report
Таълимнинг яқин келажаги билан боғлиқ 10 та асосий тенденциялар. Таълим шефлари эшитмадик деманглар.

1. Технология интеграцияси ва EdTech
Онлайн таълим платформалари, сунъий интеллект (AI) ва виртуал реаллик (VR) анъанавий таълим моделларини ўзгартирмоқда, дарс жараёни, силлабус, амалиёт, кўникма ва ҳоказо. Қанчалик бизникилар бунга тайёр?

2. Кўникмалар дипломни йўққа чиқаради.
Меҳнат бозори ўзгарган сари, қуруқ дипломга эга бўлиш эмас, балки махсус кўникмаларга эга бўлишга эътибор кучаймоқда. Кўпгина индустриялар анъанавий таълим/дипломга эга бўлишдан кўпроқ, керакли кўникмаларга эга ходимларни ёллашга тобора кўпроқ эътибор қаратмоқда. Яқинда давлат намунасидаги дипломингизни чивин ўлдириш учун ишлатасиз.

3. Ҳаёт давомида таълим олиш
Таълимнинг келажаги ҳаёт давомидаги таълимга ўзгармоқда. Технологиялар ва саноат ривожланиб борар экан, одамларнинг ўз малакаларини доимий равишда янгилаш зарурати янада муҳимроқ бўлади.Шунинг учун, бакалаврдаги баъзи йўналишларни 2 йилга туширишни таклиф этаман. Буни 2019 йилдан бери айтиб келаман.

4. Глобал таълим
MOOCs (Massive Open Online Courses) ва бошқа онлайн платформалар чет элдаги ОТМларда арзон нархлар, коррупциясиз, таниш-билишсиз энг яхши университетларда юқори сифатли таълим олиш имконини беради. 2-3 йилда бизнинг номдор ва сифатсиз давлат ОТМлари тарихга айланади.

5. Гибрид таълим моделлари
КОВИД-19 пандемияси гибрид таълим моделларини тезлаштирди –оффлайн ва онлайн таълим имконларини ошириш керак. 2019 йили КОВИД’дан олдин ўқув режасининг камида 30%ни онлайн таълимга ўтказгандим. Сиртқи таълим онлайн таълим эмас!

6. Юмшоқ кўникмалар дипломдан устун туради.
Техник кўникмалар муҳим аҳамиятга эга бўлса-да, мулоқот, танқидий фикрлаш, муаммоларни ҳал қилиш ва эмоционал интеллект каби юмшоқ кўникмаларга эътибор кучайиб бораяпти. Булар эса бизнинг эскирган таълим тизимида имтиҳон ва реферат деган бало билан ишламайди.

7. Таълимда хусусий секторнинг роли (хусусий ОТМ бунга кирмайди)
Давлат таълимни бошқаролмайди, шунинг учун хусусий компаниялар таълим келажагини шакллантиришда катта рол ўйнаши керак, масалан, стажировкалар, саноат ҳамкорликлари ва компания ҳомийлигидаги тренинглар анъанавий таълим тизимларидаги камчиликларни бартараф этиш учун муҳимдир.

8. Муқобил таълим вариантлари
Кўникмаларга асосланган таълимга талаб ортиб бораётганлиги сабабли, профи экспертларнинг курслари, сертификатлар, рақамли нишонлар(digital badge) ва бошқа ОТМдан ташқарида бўлган курслар ОТМ дипломидан устун бўлади. Шахслар университетга айланади.

9. Сунъий интеллект ва автоматлаштириш
AI таълимни шахсийлаштириш ва ўқитувчиларга талабалар эҳтиёжларини яхшироқ тушунишга ёрдам бериш потенциалига эга бўлса-да, у меҳнат бозорларини ҳам қайта шакллантиради. Таълим тизимлари талабаларга AI ва автоматлаштиришга катта таянадиган ишчи кучига тайёргарлик кўришга ёрдам бериш учун ривожланиши керак.Биздаги таълим шефлари ва ректорлар бу масаланинг қаерида турган экан?

10. Маълумотларга асосланган (data-driven) таълим
Таълим муассасалари ва EdTech компаниялари талабалар прогрессини кузатиш, таълимдаги камчиликларни аниқлаш ва таълим тажрибасини индивидуал эҳтиёжларга мослаштириш учун катта маълумотлар ва таҳлиллардан фойдаланади. Маълумотларга бўлган ишончнинг ортиб бориши, талабалар ўзларининг ютуқлари, кучли ва заиф томонларига жавоб берадиган мослашувчан ўқув воситаларига реал вақт режимида кўпроқ фидбэкларга мослаштирилган таълимга эга бўлишади.
3.2k 1 36 31
Azamat Akbar | Lektorium

6 Mar, 16:11

Open in Telegram Share Report
Кечаги йиғилишда президент;
“лавозимга қўйишда ходимнинг қайси олийгоҳни битиргани ёки қаерда ишлагани эмас, қандай билим-тажрибага эгалиги ва кўрсатган натижалари асосий мезон бўлади” – деди.


2019 йил дарё.уз’да чиққан мақоламда дипломнинг мавжудлиги ишга жойлашишни кафолатламаслиги керак деб ёзганман. Масалан Тошкентда қайсидир номдор давлат университети сифатсиз бўлиши мумкин, ёки бунинг тескариси Тошкентда қайсидир хусусий университет сифатли бўлиши мумкин. Ҳозирда тиббиёт соҳасида ҳам анча жиддий муаммолар бор, АҚШ сингари буларга USMLE сертификациясини жорий этиш керак. Ҳозирда аксарият хусусий университетларда абгор ва сифатсиз таълим мавжуд, бу ерни битирганлар келажакда жамиятда қайсидир бир ишни бажаришади, шунинг учун олий таълим тизимида сертификацияни жорий этиш керак деб маслаҳат бергим келади, лекин қўрқиб турган жойим, бизнинг ўзбекчиликда ҳар бир янги тўсиқ 100% коррупцияга айланади, ўша сертификацияда ўтирганларнинг ўзи энг катта порахўр бўлиб чиқади.

2019 йилги мақоламда “университетлар ўз намуналарига кўра диплом беришлари лозим, университетлар ўз мавқелари, билимлар сифати, профессор-ўқитувчилар таркиби билан кафолат беришлари лозим, ва давлат нусхасидаги дипломлар бекор қилиниши керак, чунки бу омил ҳам олий таълим сифатига таъсир қилади” - деб ёзганман.

Дипломни давлат кафолатлагани учун, сифатсиз давлат университетлари ҳам бу иммунитет ичида қутулиб, кўзга ташланмайди. Ҳар бир университет ўзини дипломини ўзи бериши керак ва таълим сифати учун вазирлик эмас ўзи жавоб бериши керак, 2-3 йилда сифатсизларни бозор ўзи аҳлатга чиқариб ташлайди, бундан қўрқмаслик керак. Тошкентда бир хусусий университет шу тажрибани бошлаган деб эшитдим.

Юқоридаги таълим шефлари, кеча президент “нега бу ишлар президент топшириқ берганидан кейин бошланиши керак?”- дея сизлага савол қўйди, ва бу саволни сизларга минг бор айтган. Давлат раҳбари қачон бизга янги вазифа беради деб кутманглар, тинк-танк қуринглар, маслаҳататларни “обработка” қилинглар, экспертларни таклиф этинглар, чириган миялардан қутулинглар.

Манба.
O‘zbekistonlik ekspert: Diplomning mavjudligi ishga joylashishni kafolatlamasligi kerak
Azamat Akbarov shu kunlarda O‘zbekistonda bo‘lib turibdi hamda soha mutaxassislarining guruh doirasidagi muhokamalarida ishtirok etmoqda
914 0 3 23
Azamat Akbar | Lektorium

6 Mar, 14:29

Open in Telegram Share Report
Video is unavailable for watching
Show in Telegram
Япон рекламалари ва маҳсулотлари билан ҳеч қачон ҳафсалангиз пир бўлмайди. Ҳалиги кийикни реакциясига ҳам гап йўқ, ҳудди бизникидек.
1.4k 0 47 63
Azamat Akbar | Lektorium

6 Mar, 13:22

Open in Telegram Share Report
Бу даврнинг қисқача мазмуни:
"Бирига олтин бўлса ҳам брусчаткадек муомала қилинади, иккинчиси эса ялтироқ тунука бўлса ҳам кумушдек муомала қилинади!”
946 1 4 27
Azamat Akbar | Lektorium

6 Mar, 12:48

Open in Telegram Share Report
Жиноятчилик кўпайиб кетганлиги сабабли кимнидир бўшатилиши билан жиноятчилик камайиб қолади деб ҳисобламайман. Жиноятчиликни камайтириш учун уша соҳанинг университетидаги ўқув режаларини қайта кўриб чиқиш керак, Бурхоновнинг “ҳалоллик вакцинаси” фақат оддий қоровулга урилмасин, Сингапур тажрибасини айнан шу ердан бошлаш керак, дунёда тан олинган илмий-тадқиқотларни бир кўриб/ўқиб чиқиш керак. Ишдан кетгани ўрнига бошқа шунга ўхшаши келади, бу қолган бошқа соҳаларга ҳам тегишлидир. Тизим бузуқ бўлса, деталда айб бўлмайди.

Таълим ҳам шундай, сонсиз ОТМлар очиб, вазирликларнинг исмини алмаштириб, квоталарни кўпайтириб, ўнлаб экспериментлар ўтказиб, 3 та таълим вазирлиги бўла туриб ҳам сифатсиз таълимга эга бўлиш мумкин, суицидлар ортиши мумкин….ёки Финляндияга ўхшаб 1809 йилда ташкил этилган мамлакатнинг энг эски таълим ва маданият вазирлиги билан дунёда таълимда ва бахтда пешқадам бўлиш мумкин.

Футболистларнинг кийимларини, рангини, ундаги рақамларни, тўпни, массажистларни, дарвозаларни ва энг охирида стадионни ҳам алмаштирса ҳам яна ғалаба қозонмас экан…..
955 0 1 33
Azamat Akbar | Lektorium

6 Mar, 12:07

Open in Telegram Share Report
Video is unavailable for watching
Show in Telegram
Имтиҳонлар ижодкорликни ўлдиради. Имтиҳонлар талабанинг билимини ўлчаш воситаси бўлмай қолганига кўп йиллар бўлди.
997 0 10 43
Azamat Akbar | Lektorium

5 Mar, 21:16

Open in Telegram Share Report
2021 декабрь ва 2022 январь ойларида АҚШ Украинага баллистик рокеталарни жойлаштиришни эълон қилади. Жеффрига кўра, 2022 йили февраль ойида Путин бошлаган урушнинг мақсади Киевни музокарага мажбурлаб Украинанинг нейтралитетини эълон қилиб, АҚШни Россия чегараларидан узоқлаштириш бўлган.
1k 0 4 25
Azamat Akbar | Lektorium

5 Mar, 21:04

Open in Telegram Share Report
2021 йили август ойида Жеффри ўша даврдаги Байденнинг 2021-2025 миллий хавфсизлик бўйича маслаҳатчиси Жэк Салливанга телефон қилиб Украина ҳисобидан НАТОни кенгайтирманглар, сизларнинг ҳаракатларингиздан уруш ҳиди келяпти, урушни тўхтатгин деб бир соат телефон орқали ялинган.

Жеффрига кўра, 2019 йили АҚШ Россияни дестабилизация қиладиган махсус провокационн режани қабул қилади, Украина шу режанинг бир қисми бўлади, Байден эса режа бўйича ишлайди.
1k 0 5 21
Azamat Akbar | Lektorium

5 Mar, 20:08

Open in Telegram Share Report
Таржимон ёллаб бўлса ҳам, Жеффри Сакснинг тўлиқ видеосини охиригача томоша қилинг. 1991-2022 вақт оралиғидаги сиёсий жараённи аниқ ва лўнда қилиб тушунтирган, бу билан Украина урушининг сабабини ўзингиз тушуниб оласиз.
1k 0 11 23
Azamat Akbar | Lektorium

5 Mar, 19:14

Open in Telegram Share Report
Video is unavailable for watching
Show in Telegram
10 кун олдин Жеффри Сакснинг Европа Иттифоқи парламентидаги портловчи нутқи бутун Европани ҳайратда қолдирди!

2 соатга яқин нутқини кўришга эринганлар учун 15 дақиқалик видеосини тақдим этаман.

Бир вақтлар Генри Кессинджер айтганди: “Америка билан душманлик хавфли, лекин у билан дўст бўлиш ҳалокатлидир.” АҚШ дўстларини ташлаб кетишини Украина мисолида ҳам кўрсак бўлади.

Асли яҳудий ва АҚШ фуқароси бўлишига қарамай, Жеффри ушбу чиқишида АҚШ ва Исроил сиёсатини фош этди. Трампнинг урушни тугатишининг ягона сабаби ўлароқ, Украина урушни бой берганлиги, ва бу билан АҚШ ҳеч қачон мағлуб бўлган томонда турмаслигини айтган. Прибалтика ўзининг русофобия провокацияларни тўхтатиши, Европа Россия билан савдо алоқаларини қайта тиклаши кераклигини айтиб ўтган.

Жеффри АҚШдаги Колумбия университетининг иқтисодиёт профессори. 90-йиллар бошида, СССР парчаланганидан кейин Горбачёв, кейин Ельцин даврида АҚШдан маслаҳатчи бўлиб ишлаган. Кейинчалик у Польша ва Украина биринчи президентларининг маслаҳатчиси, БМТ Бош котиблари Кофи Аннан, Пан Ги Мун ва ҳозирда Антонио Гутерришнинг махсус маслаҳатчиси бўлиб ишлаган.
1.3k 0 48 28
Azamat Akbar | Lektorium

5 Mar, 15:33

Open in Telegram Share Report
Коррупцияга қарши курашиш масалалари бўйича бугунги йиғилишда давлат раҳбари;

“Кадрларни баҳолашда эски намунадаги “обективка”дан воз кечиб, илғор IT технологиялар асосида ходимнинг малакаси ва салоҳияти, эришган натижаларини баҳолайдиган тизимга ўтилиши керак. Лавозимга қўйишда ходимнинг қайси олийгоҳни битиргани ёки қаерда ишлагани эмас, қандай билим-тажрибага эгалиги ва кўрсатган натижалари асосий мезон бўлади” – деди.


1 ой олдин мен каналимда ёзгандим;

“Резюме ўз аҳамиятини йўқотади - HR диплом ва лавозимларга умуман эътибор қаратмайди десак тўғри бўлади, ундан кўпроқ ҳақиқий тажриба ва онлайн портфолиога кўпроқ эътибор беради.”


Яхши, демак президентгача бизнинг фикрларимиз етиб борганига қараганда бизни кузатиб ўқимоқдалар. Лаёқатсиз ОАК, сифатсиз олий таълим ва илмий даражалар, олий маълумотли ишсиз мардикорлар, зерикарли ва эскирган дарслар, салоҳиятсиз ректорлар борасида яқинларда йиғилиш бўлади деган умиддаман.

Қизиқ, давлат раҳбари бу масалаларни кутариб чиқмагунча, юқорида шуни учун ойлик оладиган таълим шефлари тили лол бўлиб буни билмаганга олиб ўтираверади, бирорта селекторда туриб гапириш учун шижоат етмайди шекилли. Энг ачинарлиси, давлат раҳбарига бу масалалар анча кечикиб боради, қанча вақт йўқотилади, тизим бир бирини ҳимоя қилиш билан овора.
1k 0 8 32
Azamat Akbar | Lektorium

5 Mar, 11:12

Open in Telegram Share Report
Баъзан инсонлар ҳақиқатни эшитишни хоҳламайдилар, чунки улар ўзлари қурган иллюзияларнинг вайрон бўлишини хоҳлашмайди. Регресс ҳам айнан мана шу ердан бошланади. Сарой амалдорлари, олимлари ва журналистлари ҳам шу иллюзиянинг йиқилмаслигига ҳисса қўшишади, чунки шу орқали тирикчилиги бор. Бу карвонга аста секин келажакнинг “пойдевори” ёш авлод ҳам қўшилади.
2.5k 0 4 36
20 last posts shown.