Rasmiy munosabat: Davlat pul birligidagi buddizm yodgorligi surati diniy emas madaniy meros obyekti nuqtayi nazaridan qo‘yilganKuni-kecha ikki nafar ijtimoiy tarmoq foydalanuvchilari tomonidan Surxondaryo viloyati Termiz tumanida joylashgan
Fayoztepa yodgorligi hududida videolavha tayyorlanib (
Madaniy meros obyekti devorlari ustidan yurib, unga ziyon yetkazish xavfini yuzaga keltirgan holda), uning surati
O‘zbekiston Respublikasining 50 ming so‘mlik banknotasiga tushirilganligining sababini tushunmasligini bildirgan.
Birinchi navbatda
o‘zbek so‘mi davlat ramzlaridan biri ekanligini, undagi suratlar, shakllar hamda tushirilgan naqshlar O‘zbekistonning boy tarixiy merosi, milliy urf-odat va an’analarini aks ettirishini eslatib o‘tamiz. Shuningdek, 50 ming so‘mlik banknotaga
Fayoztepa yodgorligi suratining tushirilishida diniy emas, balki yurtimizdagi
madaniy meros obyektlarini asrash, boy tariximizga bo‘lgan hurmat hamda turizmni yanada rivojlantirish maqsad qilingan.
Fayoztepa — Surxondaryo viloyatidagi qadimiy Budda ibodatxonasi bo‘lib, milodning I-VII asrlariga oid yodgorlik hisoblanadi. U Markaziy Osiyodagi buddaviylik madaniyatining rivojlanishida muhim o‘rin tutgan bo‘lib, bugungi kunda mazkur
yodgorlik madaniy meros obyekti sifatida asrab kelinmoqda va
buddizm ibodatxonasi sifatida faoliyat yuritmaydi.
Shu o‘rinda ushbu ikki nafar ijtimoiy tarmoq faolidan masalaning
asl mohiyatini tushunmasdan diniy ig‘vo qo‘zg‘atmaslikni, barchadan madaniy meros obyektlarini asrash qoidalariga hurmat bilan qarab, unga ziyon yetkazuvchi harakatlarni sodir etmasliklarini so‘raymiz.
Surxondaryo.uz | Telegram | Facebook | Instagram | YouTube | X
