ИШ ТУГАМАСМИШ

Баҳор, ёз, кузу қиш,
Ҳеч тугамас меҳнат, иш.
Умр ўтар тўхтамай,
Белдан қувват кетармиш.

Иш, иш, иш, иш,
Деб чопасан эрта-кеч,
Мен ҳам яшай деганингда,
Бўлмасмикин энди кеч?!

Бола-чақа, оила, аёл,
Сени кутар интизор,
Унутиб қўймасидан,
Кўришиб тур, эй, мардикор!

Отангдан хабар ол,
Сўра онанг ҳолини,
Жигарларинг омонми?
Иш тугамас ҳали бери.

Вақтинг кетди - нақдинг кетди,
Деб шошасан бир умр,
Умринг эса қаён кетди,
Дўппингни олиб ўйлаб кўр!

©Ғ.Хакимов. «Ёзилмаган асар»📚

Хайрли душанба тонги, Азизлар!

@AdolatFarzandi