АОКА | Сурхондарё

@AOKA_Surxondaryo

Channel's geo and language: Uzbekistan, Uzbek

Category: Telegram

Ахборот ва оммавий коммуникациялар агентлиги Сурхондарё вилояти ҳудудий бошқармаси расмий ахборот канали
Веб сайт:
http://surxonaoka.uz
Мурожаат учун:
@surxonAOKBbot

Related channels | Similar channels

Channel's geo and language

Uzbekistan, Uzbek

АОКА | Сурхондарё

21 Dec, 16:34

Бугунги тун Ялдо кечаси, дейилади

Бугун, 21 декабрдан 22 декабрга ўтар кечасида энг қисқа кун ва энг узун тун (17 соат) содир бўлади.

Ушбу тун Ялдо кечаси дейилади.

Ушбу ҳодиса Шарқ халқларида азалдан ўзгача шоду хуррамликда кутиб олиниб, кенг тантана қилинган.

Элшунос олим Билол Аминовнинг ёзишича, илгари Ялдо кечаларида ҳафта давомида гап-гаштаклар бўлган, даврага тўпланганлар ғазалхонлик қилишган, баҳри-байт айтишиб, мушоиралар ўтказган, қўшиқлар айтган, дутор-доира чалиб, ўйин-кулги қилган.

Хонадон соҳиблари қўй сўйиб, тандир-тандир нон ёпган. Қишга асралган қовун-тарвузлар, узум-анорлар омборлардан олиб чиқилиб, дастурхонга тортилган.

Кексаларимиз дуога қўл очишганда “Қиш қишдай бўлсин”, дея ният қилади. Бу бежиз эмас. Бинобарин, Ялдо кечасидан сўнг, яъни қишнинг чилласи бошланади. Шу кунларда ёққан қор деҳқонларимиз учун айни муддао. Чунки у кузги буғдой майсалари устини кўрпадек қоплаб, экинни қаҳратоннинг изғиринларидан асраркан.

🌐 https://t.me/AOKA_Surxondaryo

835 0 23 2

АОКА | Сурхондарё

21 Dec, 15:51

00:45

Video is unavailable for watching

Show in Telegram

🏍 Хитойда ҳайдовчилик гувоҳномасини олиш учун имтиҳон

🌐 https://t.me/AOKA_Surxondaryo

1.4k 0 16 2

АОКА | Сурхондарё

21 Dec, 13:59

Бугун туғилган кун — Абдумуталиб Арабов

Музработ тумани ҳокими вазифасини бажарувчи Абдумуталиб Арабов 1968 йил 21 декабрда Жарқўрғон туманида туғилган. Маълумоти олий, 1995 йилда Термиз давлат университетини тамомлаган.

Меҳнат фаолияти давомида Термиз педагогика коллежи, Жарқўрғон спорт коллежи директори, вилоят ўрта махсус касб-ҳунар таълим бошқармаси бошлиғи, “Ватанпарвар” ташкилоти вилоят кенгаши раиси, вилоят Жисмоний тарбия ва спорт бошқармаси бошлиғи, “Сурхондарё сув таъминоти” МЧЖ директори лавозимларида ишлаган.

🌐 https://t.me/AOKA_Surxondaryo

1.6k 0 26 28

АОКА | Сурхондарё

21 Dec, 11:43

Ўзбек кураши Ислом бирдамлиги ўйинлари дастуридан жой олди

Албаниянинг Тирана шаҳрида ўтказилаётган Ислом бирдамлиги спорт ассоциацияси (ISSA) сессиясида ўзбек спорти учун муҳим келишувлардан бирига эришилди.

Унга кўра, ўзбек кураши 2025 йил Саудия Арабистонида ўтказиладиган Ислом бирдамлиги ўйинлари дастурига киритилди. Ар-Риёд-2025 Ислом бирдамлиги ўйинлари келаси йилнинг 7-21 ноябрь кунлари бўлиб ўтади.

🌐 https://t.me/AOKA_Surxondaryo

1.8k 0 5 3

АОКА | Сурхондарё

21 Dec, 10:18

⚠️ Олимлар: ТикТок миянгизни чиритади!

❗️ Йил сўзи ҳам — brain rot (мия чириши) бўлди ва бу бежизга эмас.

🧠 Миямизнинг ҳабенула деб аталадиган кичик бир қисми бор — у муҳим қарорлар ва мотивация учун жавобгардир. Тез-тез қисқа видеоларни кузатиш уни ҳаддан ташқари юклайди, бу фойдали нарсаларни қилиш қобилиятини том маънода ўлдиради.

📌 Миянинг чиришини енгиш ва уни тиклаш учун мутахассислар қисқа видеолар ўрнига узунроқ фойдали контент кузатишни, кўпроқ сайр ва оила аъзолар билан мулоқот қилишни маслаҳат беришади.

🌐 https://t.me/AOKA_Surxondaryo

2.2k 0 20 4

АОКА | Сурхондарё

21 Dec, 07:42

Яхшилик кўрмасангиз ҳам яхшилик қилинг

Дунё ғамини елкангизга ортиб олманг. У Аллоҳники. Ризқ келишидан ташвиш тортманг. У Аллоҳдан. Келажакни қайғурманг. У Аллоҳнинг қўлида.

Қалбингизни йиғлатган ҳаётдан нолиманг. Унинг ўрнига «Аллоҳим, дунё ва охиратда бир яхши эваз бергин», дея дуо қилинг. Зеро, хафалик сажда билан барҳам топиб, шодлик дуо ила қадам ранжида қилур.

Бировга қилган яхшилигингизни ҳам, бировнинг ғамини аритганингизни ҳам, кўз ёшини артиб, қалбига қувонч олиб кирганингизни ҳам Аллоҳ ҳеч қачон унутмайди.

Яхшилик кўрмасангиз ҳам яхшилик қилинг. Одамлар учун эмас, Аллоҳ яхшилик қилувчиларни севгани учун шундай қилинг ва шу қоидага биноан ҳаёт кечиринг.

Очиққўл бўлинг ва шу билан мусибатларингиз кетади. Билингки, садақангизни олаётган одамдан кўра уни беришга ўзингиз муҳтожроқсиз.

Имом Ибн ЖАВЗИЙ.

🌐 https://t.me/AOKA_Surxondaryo

3.9k 0 62 9

АОКА | Сурхондарё

20 Dec, 17:32

06:23

Video is unavailable for watching

Show in Telegram

Маҳалла — халқимиз ҳаётининг ажралмас қисми

Президентимиз Шавкат Мирзиёев маҳалла халқ ва давлат ўртасида ўзига хос кўприк бўлиши лозимлигини кўп бор таъкидлайдилар.

Шу мақсадда маҳаллалар Янги Ўзбекистонга мос ва хос бўлиши учун халқимизнинг манфаат ва эҳтиёжларидан келиб чиқиб, мутлақо замонавий тизим – “Еттилик“ яратилди.

🎥 Ушбу видеолавҳа орқали “еттовлон“ фидойиларнинг фаолияти, вазифаю ваколатлари содда ва халқчил тилда тушунтиришга ҳаракат қилинган.

🌐 https://t.me/AOKA_Surxondaryo

21k 13 73 6

АОКА | Сурхондарё

20 Dec, 15:36

02:08

Video is unavailable for watching

Show in Telegram

#Огоҳ_бўлинг

❌ Банк ходимлари сизга телефон қилиб, шахсий маълумотларингизни сўрашмайди. Мессенжерлар орқали суҳбатни таклиф этишмайди ва Марказий банк муҳри туширилган ҳужжатларни юборишмайди!

‼️ Огоҳ бўлинг! Фирибгарларга алданманг!

🌐 https://t.me/AOKA_Surxondaryo

2.7k 0 17 3

АОКА | Сурхондарё

20 Dec, 13:55

#Кун_тарихи

🌏 20 декабрь — Халқаро бирдамлик куни

🇺🇳 2005 йилнинг 22 декабрь санасида БМТ Бош Ассамблеяси “Халқаро инсонлар бирдамлиги куни”ни ҳар йили 20 декабрда нишонлашини эълон қилди.

☑️ Бу сана кўпчилик одамларнинг эътиборини бирдамликнинг муҳимлигига қаратишга йўналтирилган.

☑️ Бирдамлик — бу умумий манфаатлар, мақсадларга эришиш, умумий маъсулиятга асосланган ижтимоий гуруҳ аъзоларининг эътиқод ва ҳаракатлари бирлиги ҳамда ўзаро ёрдами ва қўллаб-қувватлашидир.

☑️ БМТ барча инсонларни глобал муаммоларга, жумладан, қашшоқликка қарши курашда ҳал қилувчи аҳамиятга эга бўлган бирдамлик концепциясини қўллаб-қувватлашга чақиради. Қашшоқликка барҳам бериш учун БМТ Тараққиёт Дастури доирасида Бутунжаҳон Бирдамлик жамғармаси ташкил этилган.

☑️ БМТ Бош Ассамблеяси 1996 йил 26 январда № A/RES/50/107 сонли қарорни қабул қилди ва қашшоқликни йўқ қилиш бўйича биринчи ўн йиллиги бошланганлиги эълон қилди. Айнан ушбу ҳужжат бу кунни байрам сифатида нишонлаш учун асос бўлди.

🌐 https://t.me/AOKA_Surxondaryo

2.4k 0 7 5

АОКА | Сурхондарё

20 Dec, 10:18

Умида Тешабоева: “Касбингизни қандай ҳурмат қилишлари ўзингизга боғлиқ”

Алишер Навоий номидаги Ўзбекистон Миллий кутубхонаси директори Умида Тешабоева Сурхондарё вилоятида бўлиб, умумий ўрта таълим мактаблари кутубхоначилари билан учрашувлар ўтказди.

Термиз шаҳри, Ангор, Жарқўрғон, Музработ ва Термиз туманларидан 200 нафардан зиёд мактаб кутубхоначилари иштирок этган маҳорат машғулотларида мактаб кутубхонасининг жамиятдаги ўрни, мактаб кутубхоначиси қандай билим, малака ва кўникмаларга эга бўлиши кераклиги, болаларнинг китобга бўлган эҳтиёжи ва талаблари қай даражада қондирилаётгани ҳақида сўз юритилди.

«Орқага йўл йўқ, соҳани ривожлантираман ва хизмат қиламан, деб ўқинг. Фақатгина ҳаракат қилиш керак. Касбингизни қандай ҳурмат қилишлари ўзингизга боғлиқ. Ўзингизни устингизда ишлаб, тажрибангизни бойитишингиз биринчи мақсадингиз бўлиши шарт», – дейди У. Тешабоева.

Учрашувлар давомида мактаб кутубхоначиларига Ўзбекистон Миллий кутубхонаси электрон кутубхонасидан фойдаланиш бўйича тақдимотлар бўлди.

Музроботлик халқ таълими фидойиси Дўстқобил Қодиров, ангорлик туманида фахрий журналист, маърифатли инсон Норқувват Тўраев хонадонларида ташкил этилган уй кутубхоналар меҳмонларда ажойиб таассурот қолдирди.

🌐 https://t.me/AOKA_Surxondaryo

15.3k 13 35 10

АОКА | Сурхондарё

20 Dec, 07:20

БУГУН ТУҒИЛГАН КУН

Шўрчи тумани ҳокимининг матбуот котиби – ахборот сиёсати масалалари бўйича маслаҳатчиси Шоева Нигина Қурбоновна 1986 йил 20 декабрда Шўрчи туманида туғилган. У 2020 йилдан буён ушбу лавозимда ишлайди.

Н.Шоева 2010-2013 йилларда “Чағониён” 2013-2019 йилларда “Денов овози” газеталари мухбири, 2013-2020 йилларда “Маҳалла” газетасининг Сурхондарё вилояти бўйича мухбири вазифаларида фаолият юритган.

https://t.me/AOKA_Surxondaryo

2.4k 0 6 27

АОКА | Сурхондарё

20 Dec, 06:00

00:11

Video is unavailable for watching

Show in Telegram

Биз дунёга манманлик учун келмадик. Биз севги учун, бошқаларнинг меҳрини қозониш, махлуқотни яхши кўриш, яратилган нарсаларга шафқат, муҳаббат кўрсатиш учун келдик...

© Юнус Эмро

https://t.me/AOKA_Surxondaryo

3.4k 0 21 12

АОКА | Сурхондарё

19 Dec, 20:40

01:00

Video is unavailable for watching

Show in Telegram

Қайтар дунё бу

Нимани берсангиз шуни оласиз. Экканингизни ўрасиз.

Ёлғонга ёлғон қайтади. Ҳар бир ҳаракат аҳамиятга эга.

Кечирсангиз кечириласиз. Сиз берасиз, сизга берадилар, сиз бировнинг сирини ошкор қиласиз, сизникини сотадилар.

Сиз хафа қиласиз, сизни хафа қилишади. Сиз ҳурмат қиласиз, сизни ҳурмат қилишади.

Қайтар дунё бу - кимки нима қилган бўлса, албатта қайтади. Ёвуз ниятликларни Худо балога гирифтор қилса, яхши ниятлиларни Ўзи қўллайди.

Қайтар дунё, бу қайтар дунё,
Тоғлар айтсин, уфқлар айтсин,
Ёмонликни кўрма ҳеч раво,
Яхшилик қил, яхшилик қайтсин.

Ҳеч бандага айтма ёмон сўз,
Ғайр ила ташлама ҳеч кўз,
Ғарибларга қўлларингни чўз,
Яхшилик қил, яхшилик қайтсин.

Кўнглингни оч кирсин муҳаббат,
Кўзларингда кулсин муҳаббат,
Яхшидан боғ қолади албат,
Яхшилик қил, яхшилик қайтсин...

🌐 https://t.me/AOKA_Surxondaryo

6.3k 0 82 12

АОКА | Сурхондарё

19 Dec, 14:37

Эргаш Солиев бошқа ишга ўтиши муносабати билан Жиззах вилояти ҳокими лавозимидан озод этилди

Ўзбекистон Республикаси Президентининг тегишли фармонлари билан:

- Эргаш Алибекович Сoлиев бошқа ишга ўтиши муносабати билан Жиззах вилояти ҳокими лавозимидан озод этилди;

- «Ҳудудий электр тармоқлари» акциядорлик жамияти бошқаруви раиси лавозимида ишлаб келган Улуғбек Мавлонович Мустафоев Жиззах вилояти ҳокими вазифасини бажарувчи этиб тайинланди.

🌐 https://t.me/AOKA_Surxondaryo

2.8k 0 10 9

АОКА | Сурхондарё

19 Dec, 10:29

00:38

Video is unavailable for watching

Show in Telegram

🇩🇰 Ушбу дўкон Данияда жойлашган бўлиб, эшигини фақат кулиб турган одамларгагина очар экан. Қойил!

✅ Бахт кулишдан бошланади!

🧠 Мия фаолияти бевосита танамиз билан боғлиқлигини биласиз-а? Табассум қилсангиз, мияга «Сиз бахтлисиз!» деган хабар боради. Натижада организм турли хил эндорфинларни ишлаб чиқара бошлайди ва ўз-ўзидан кайфиятингиз кўтарилади. Бу ҳақиқат 1980 йилда аниқланиб, илмий тасдиғини топган.

🎭 Кулги билан атрофдагиларга қувонч улашиш мумкин.

♻️ Кулги — юқумли. Сиз кулсангиз, ўз-ўзидан ён-атрофингиз қувончга, яхши кайфиятга тўлади. Табассум учун эса сабаб шарт эмас.

✅ Доимо табассум қилиб юринг!

🌐 https://t.me/AOKA_Surxondaryo

4.2k 1 37 13

АОКА | Сурхондарё

19 Dec, 09:04

🇺🇿 Дунёнинг энг истиқболли сайёҳлик манзиллари рўйхатида Ўзбекистон биринчи ўринни эгаллади

Wanderlust саёҳат журнали ҳар йилги Reader Travel Awards учун дунёдаги энг севимли манзилларга овоз бериш бўйича сўровнома ўтказди.

Бу йил 168 минг саёҳатчи 22 турли тоифада овоз берди. Ўқувчилар ўзларининг севимли истиқболли йўналишлари учун ҳам овоз беришган ва Ўзбекистонни энг истиқболли ривожланаётган йўналиш деб эътироф этишган.

Журналда “Ўзбекистон ўзининг тарихий бойликларидан ташқари, Қизилқум чўлининг бепоён кенгликларидан тортиб Орол денгизи қирғоқларигача бўлган ажойиб табиий манзараларга эгалиги, бироқ бу гўзалликлар кўпинча муносиб эътибордан четда қолиши” таъкидланган.

🌐 https://t.me/AOKA_Surxondaryo

3.2k 0 6 16

АОКА | Сурхондарё

19 Dec, 07:52

МЕН АНГЛАГАН ҲАҚИҚАТ

▪️ Раҳбар кишининг ҳар бир хатоси бошқаларга катта гуноҳдек, яхши одати эса анъанадек туюлаверади.

▪️ Бир оғиз яхши сўзни бировдан қизғаниш пасткашлик билан баробар.

▪️ Асаларининг бор-йўғи 40 кун яшаши, умри давомида мингта нектардан бир қошиқ миқдорга яқин асал йиғиб келиши бизга қачон сабоқ бўлади?

▪️ Ўз жисмини ўзи асрай олмаган кишига табиб ҳам ёрдам бера олмайди.

▪️ Ризқ-насиба бу фақат таом эмас, яхши феъл, самимий кўнгил ҳам Аллоҳ берган насибадур.

✍🏻 Фармон Тошев

🌐 https://t.me/AOKA_Surxondaryo

2.9k 0 33 20

АОКА | Сурхондарё

18 Dec, 14:31

01:04

Video is unavailable for watching

Show in Telegram

#Эслатма

⚠️ Ис газидан огоҳ бўлинг!

🌐 https://t.me/AOKA_Surxondaryo

5k 1 26

АОКА | Сурхондарё

18 Dec, 09:59

Расмий ахборот

Жорий йилнинг 17 декабрь соат 13:45 ларда Фарғона шаҳар, Янгийўл маҳалласидаги “Petrolium” пропан газ қуйиш шохобчасида 5 м. куб сиғимли контейнерга газ қуйиш жараёнида ёриқ келиб чиқиб, газ моддаси ташқарига сизиб чиқиши оқибатида, портлаш ва ёнғин содир бўлган.

Натижада, 1 нафар фуқаро воқеа жойида ҳалок бўлган, шу ҳудудда бўлган бир нечта фуқаролар турли даражада тан жароҳати олиб, шифохонага ётқизилган. Кўрсатилган тиббий ёрдамга қарамасдан улардан 3 нафари шифохонада вафот этган.

Мазкур ҳолат юзасидан Фарғона вилоят ИИБ томонидан Жиноят кодексининг 257-моддаси 3-қисми “а” банди ҳамда 259-моддаси 3-қисми “а” банди билан жиноят иши қўзғатилган.

Ҳозирги кунда жиноят иши доирасида 5 нафар шахс процессуал тартибда қамоққа олинган.

Ҳолат юзасидан тегишли экспертизалар тайинланган бўлиб, тергов ҳаракатлари олиб борилмоқда.

🌐 https://t.me/AOKA_Surxondaryo

20.8k 12 25 5

АОКА | Сурхондарё

18 Dec, 07:37

БУГУН ТУҒИЛГАН КУН

Сурхондарё вилояти ҳокимининг ўринбосари Тўраев Жўрабек Абдуллаевич 1984 йил 18 декабрда Бойсун туманида туғилган. 2009 йилда Термиз давлат университетини, 2020 йилда Ўзбекистон Республикаси Президенти ҳузуридаги Давлат бошқаруви академиясини тамомлаган. Маълумоти бўйича мутахассислиги – иқтисодчи (тармоқлар бўйича).

Фаолияти давомида Сурхондарё вилояти иқтисодиёт бош бошқармасида бўлим бошлиғи ўринбосари, Сурхондарё вилояти ҳокимлигида вилоят ҳокимининг ёрдамчиси, қабулхона мудири, ҳудудий жамғарма раҳбари, иқтисодиёт мажмуаси котибият мудири, вилоят ҳокимининг туризм ва спорт масалалари бўйича маслаҳатчиси лавозимларида фаолият юритган.

Ж.Тўраев 2021 йилнинг апрел ойидан буён Сурхондарё вилояти ҳокимининг туризм, маданият, маданий мерос ва оммавий коммуникациялар масалалари бўйича ўринбосари – Туризм бошқармаси бошлиғи лавозимида ишлаб келмоқда.

🌐 https://t.me/AOKA_Surxondaryo