* Ёшлар ёзадилар

ОЙДИН КЕЧАДА

Оқарган осмоннинг бир бурчагидан
Кимдир бизга қараб ўлтирганмикин?
Бу дунё, бу чексиз фазолар янглиш,
Бармоқларим билан тоза ҳавога,
Маза, исмимизни ёзиб ўлтириш.

Бирам ширин дамлар, бирам ғалати,
Ўпкангни тўлдирсанг тоза ҳаводан
Ва аста сочлари ёйилган қизга
Пичирлаб айтолсанг: “Сизни севаман!”

Бу ширин туйғулар, хотира ўқи,
Бармоғингда ухлаб қолади шабнам.
Азизам, осмоннинг оқига термул,
Ой қараб турибди бизга ҳали ҳам.

Муҳаммад ҲОДИЕВ

Уланиш учун: https://t.me/ijod_bustoni