Президент топшириғига асосан 20 январдан бошлаб барча ҳудудлардаги маҳаллаларда аҳоли муаммоларини ўрганиш ва ҳал этиш, бандлигини таъминлаш, камбағалликни қисқартириш, миграциядагилар билан манзилли ишлаш каби олиб борилаётган ишларни ўрганиш ва амалий ёрдам кўрсатиш белгиланган.

Шу мақсадда республика ишчи гуруҳи иштирокида Жиззах вилояти секторлари ҳамда вазирлик ва ташкилот раҳбарлари томонидан ҳудудларда оммавий сайёр қабуллар ўтказилади.

Шунга кўра Жиззах вилоятида сайёр қабул кунлари қуйидагича:

✅ Жиззах шаҳри Махсус иқтисодий зона дирекцияси биносида (Жиззах шаҳри, Фориш, Шароф Рашидов туманлари учун) - 4 февраль куни соат 10:00.

✅ Дўстлик тумани маданият маркази биносида (Дўстлик, Мирзачўл, Арнасой, Зафаробод, Пахтакор туманлари учун) - 5 февраль куни соат 10:00.

✅ Ғаллаорол тумани хизмат кўрсатиш ва сервис техникуми биносида (Ғаллаорол, Бахмал туманлари учун) - 6 февраль куни соат 10:00.

✅ Зомин тумани ёшлар маркази биносида (Зомин, Зарбдор, Янгиобод туманлари учун) 7 февраль куни соат 10:00

Эслатма: Ўтказилган сайёр қабуллар якуни бўйича маълумотларни Ўзбекистон Республикаси Президентининг Жиззах вилоятидаги Халқ қабулхонасига соат 17:00 га тақдим этиб борилади. Қабулларни ташкиллаштириш, юқори савияда ўтказилишига туман (шаҳар) ҳокимлари, сектор раҳбарлари ва котиблари, Халқ қабулхоналари мудирлари ҳамда вилоят ташкилотлари раҳбарлари масъулдирлар.

Каналимизга обуна бўлинг ва энг сўнгги янгиликларни кузатиб боринг

Jizzaxnews |Тelegram  | Facebook | Dzen | YouTubе