2025 йил учун мўлжалланган стратегик лойиҳа ишлаб чиқилди

“Ўзбекистон – 2030” стратегиясини 2025 йилда амалга ошириш бўйича давлат дастури ва уни тасдиқлаш тўғрисидаги Ўзбекистон Республикаси Президенти Фармони лойиҳалари ишлаб чиқилди. Бу ҳақда "Тараққиёт стратегияси" маркази ахборот хизмати хабар берди.

Хабарга кўра, лойиҳада атроф-муҳитни асраш ва яшил иқтисодиёт масалалари, шунингдек ижтимоий-иқтисодий, давлат бошқаруви, суд-ҳуқуқ, хавфсизлик ва ташқи сиёсат йўналишларида 2025 йилга мўлжалланган кенг кўламли ислоҳотлар назарда тутилган.

Лойиҳа 2025 йил 22 январга қадар кенг жамоатчилик ва экспертлик муҳокамаларидан ўтказилади. Шунингдек барчадан uzbekistan2030.uz онлайн портали орқали ўз таклифларини билдиришлари сўралади, дейилади хабарда.

Telegram|Facebook I YouTube I Live