БАЛО

Гоҳи қолдим -
кимдан орқада?
Омад келса
Зўрдан ҳам ўздим!
Таъмагирлик қилмадим асло -
Қўлни чўзсам - фалакка чўздим.

Эгилмадим саждадан бўлак,
Салом берса олдим - аликни.
«Олғир итга» ташладим, суяк -
Кетказдимда - дилдан ҳадикни.

Ўксимадим ҳуда - беҳуда,
Опичладим, сағир кўнгилни.
Бир ташвиш бор, муаммо жуда,
Тиёлсайдим - «ИСЁНЧИ» тилни!

© Абдувоҳид Сувонов
«ЎТИНЧ» китобидан
https://t.me/Adabiyot_olami