📚 Qo‘rqma
✍ Javlon Jovliyev
Ushbu asar hozirgi kunda juda ham mashhur asarlardan biri hisoblanadi. El qatori men ham bu kitobga qiziqdim va yaqin do‘stim ham tavsiya qilgani uchun yanada o‘qishga qiziqishim oshdi.
To‘g‘risini aytsam, dastlab asarning voqealar rivojiga tushuna olmadim va menda kitob yaxshi emas degan fikr shakllanib qoldi. Shu sababdan uni biroz muddat o‘qishdan to‘xtab qoldim. Nima bo‘lgan taqdirda ham asar qanday yakun topishiga juda ham qiziqqanim uchun uni nihoyalashga qaror qildim.
Javlon Jovliyevning "Qo‘rqma" asari Germaniyada tahsil olgan 70 nafar Turkistonlik talabalar hayoti va ularning o‘z Vataniga bo‘lgan sadoqati haqida. Asarda talabalarning ilm olish va o‘z millatiga xizmat qilish istagi yoritilgan.
Kitobda bugungi kunning ko‘plab dolzarb mavzulari ham yoritilgan bo‘lib, kitobxonlarga nafaqat ilm balki hayotiy saboq ham bera oladi. Asarni o‘qiganingiz sari beixtiyor o‘zingizga savol berishni boshlaysiz: ''Men aslida nima uchun ilm olyapman, Telefonchi, Qoravoy va Qiztakadan nima farqim bor'' kabi xayollar sizni tinch qo‘ymaydi.
Telefonchi - o‘z nomi bilan telefonga qul bo‘lgan yigit, ertadan kechgacha telefondan boshini ko‘tarmaydigan o‘qishi va ota-onasiga tupurib qo‘ygan talaba. Hozirda bunday insonlar afsuski juda ham ko‘p. Qolgan qahramonlarni ham kim ekanligini ismlaridan bilib olsangiz bo‘ladi.
Asar insonni chuqur o‘ylantirishga majburlaydi. Eng og‘riqli joyi bosh qahramonning:''Ilm olishdan maqsadingiz nima?'' deya bergan savoli bo‘ldi. To‘g‘risi, mening javobim 70ta talabanikidek emas qandayin achinarli holat. O‘zimdan uyalib ketdim!!!
Sizchi? Sizning javobingiz qanday...?
"Qo‘rqma" asari — bu nafaqat tarixni, balki har birimizni o‘zimizni qayerda ekanligimizni, nima uchun kurashayotganimizni anglashga undovchi asardir. O‘qish davomida insonning qat’iyati va maqsadga erishish yo‘lidagi harakatlari to‘g‘risida chuqur fikr yuritasiz. Albatta, asarni o‘qib ko‘ring.
