Madina! Men senga tutingan oshiq,
Davolar aylading g‘am, hajrlarga,
Hayrato, hamono ko‘zlaring ochiq,
Bugun ham ansorsan muhojirlarga!

Payg‘ambar labidan taralgan taskin,
Salmoni Forsiyga bitilgan duo
Bugun ham sochilar olamga rizqing,
Ko‘ngillar mulkini etgancha da’vo.

Madina, dunyolar yorishar kulsang,
Izlab o‘tirmagum boshqa tabibni,
Vahki sen shunchalar chiroyli boʻlsang,
Husni qanday bo‘lgan, bilmam Habibni?