QUMLIKNI TANLAGAN, AMMO BUNGA LOYIQ BO‘LMAGAN AYOLGA

To‘kilib-to‘kilib ketyapsan qumday,
Berilib-berilib sochar vaqt — shamol.
Yig‘laysan ko‘rsatmay... O yana jimsan
Joni ming bo‘lakka bo‘lingan ayol...

Ayt-chi? Sen qachonlar qumga aylanding?
Gurkirab ochilgan chaman eding-ku.
To‘qnashib ketsang gar o‘zingga o‘zing
Aniq tanimaysan, so‘zlaysan: kim u?!

Yomg‘iring bo‘laman, qumlikni to‘xtat!
Bag‘ringda o‘stirgin baxtgiyohlarni...
Gullashni unutsang — gullatolmassan
Sendan kuch oluvchi ko‘zmunchoqlarni!

📝 Laylo Sobir qizi
🎤 Goʻzal Erkinovna