Kichkina bola sartaroshxonaga kirdi. Sartarosh uni darrov tanidi va mijozlariga:

- Bu dunyodagi eng ahmoq bola, hozir buni sizga isbotlayman, - dedi va bir qo‘liga 25 sent, ikkinchi qoʻliga 1 dollar ushlab, soʻradi:

- Hoʻsh, qay birini tanlaysan?

Bolakay 25 sentni tanladi. Sartarosh va yonidagilar rosa kulishdi va undan nega 25 sentni tanlaganini so'rashdi.

- 25 sent bir dollardan kattaroq, - deb javob berib, bola tashqariga chiqib ketdi.

Uning ortidan sartaroshxonada turgan odamlardan biri yetib bordi va bolakayni toʻxtatib:

- Rostdan ham 25 sent 1 dollardan katta ekaniga ishonasanmi, - deb soʻradi.

- Albatta yo'q, chunki 1 dollarni tanlagan kunim o'yin tugaydi, - javob berdi "ahmoq" bola.

★★★★★★★★★★★★★★★★★★

Bu hikoyani amaldorlar va xalq munosabatiga qiyoslash mumkin. Odamlar amaldorlarni yolgʻonchilikda, haqiqatni gapirmaslikda ayblashadi. Hamma koʻrib turgan haqiqatni ular koʻrmayotgani yoxud koʻrmaslikka olayotganidan norozi boʻladi xalq.

Lekin ular ahmoq emas, aytayotgan aksariyat gaplari yolgʻon ekanini oʻzlari ham bilishadi, lekin haqiqatni ayta olishmaydi, chunki:

Amaldor toʻgʻri soʻzni aytgan kuni u uchun oʻyin tugaydi...

🔝 @foydali_moliya