— Doktor, — dedim nihoyat, — siz eskimoslarni bilasizmi?
— Albatta, bilaman, — dedi u oʻrnidan turayotib.
— Men ham ular kabi oʻlishni xohlayman.
Hech vaqoni tushunmaganini koʻrib, qoʻshib qoʻydim:
— Oppoq devorli xonada toʻshakka mixlanib, yana bir yil yashagandan koʻra, bogʻimdagi qovoqlar ustiga yuztuban yiqilib oʻlishni afzal bilaman!
Bu payt shifokor allaqachon eshik oldiga borib, ayyorona tirjayib turgandi.
— Har doim shunday deyishadi, — kesatdi u xonadan chiqayotib, — lekin soʻnggi daqiqalarda yaproqdek qaltirab davolanish uchun yana shu yerga chopishadi.

“Yuraging chorlagan yerga bor” asaridan