ISTE'MOLCHILAR HUQUQLARI

Ta'lim muassasalarining o'quv xonalarida mashg'ulotlar o'tkazishda mehnatni muhofaza qilish talablariga muvofiq o'quv xonalarida havo harorati yengil jismoniy ishda 21º С, o'rtacha og'ir ishda 17º С va og'ir ishda 16º С dan past bo'lmasligi kerak.

Fizika o'quv laboratoriya xonasida muntazam ravishda harorat 18º С – 21º С, havoning namligi 40 – 60 foiz bo'lishi kerak.

Ta'lim muassasasi hududidagi hojatxonalar issiq suv va kanalizasiya tizimiga ulangan bo'lishi lozim.

Ta'lim muassasasida kanalizatsiya tizimi yo'q bo'lganda davlat sanitariya nazorati organlari bilan kelishilgan holda ta'lim muassasasida yer qatlamini ifloslantirmagan holda dushxonalardan va yuz-qo'l yuvgichlardan suv oqmaydigan qurilmali axlat o'ralarining mavjud bo'lishiga ruxsat etiladi.

Murojaat uchun:
☎️   1091

(79) 555-35-71; 

(50) 002-51-55

Murojaat uchun: @istemol_bot

Iste'molchilar huquqlarini himoya qilish rasmiy kanali 

👉https://t.me/joinchat/MTx1OB0A236CboLNbUiLBg

​​     МАКТАБ ОШХОНАСИДА НИМАЛАРНИ СОТИШ МУМКИН ЭМАС!

“Умумий ўрта, ўрта махсус, профессионал таълим муассасаларида ўқувчилар овқатланишини ташкил этишнинг санитария қоидалари, нормалари ва гигиена нормативлари”га кўра, қуйидагилар мактаб ошхоналарида тайёрланиши ва сотилиши мумкин эмас:

  Гўшт қўшилган, маёнез, кетчуп ва орасига сабзавотлар солинган нон маҳсулотлари (гамбургер, чизбургер ва хот-доглар).

  Сунъий таъм, ҳид берувчи моддалар, бўёқлар, ароматизаторлар қўшилган қандолатчилик маҳсулотлари.

  Сунъий консервантлари бўлган “кириешки”, “хрустяшки” ва чипслар.

Рангли ва рангсиз газланган ичимликлар.

  Ветеринария назоратидан ўтмаган гўшт, балиқ, паррандалар; жигар, тил ва юракдан ташқари барча калла-пойчалар

Ташқи қавати тоза бўлмаган, синган, зарур талабларга жавоб бермайдиган тухумлар.

Банкаларнинг герметиклиги бузилган, бомбажли, занглаган, шакли ўзгарган, ёрлиғи бўлмаган ва ишлаб чиқариш вақти ҳамда яроқлилик муддати белгиланмаган консервалар.

Турли аралашмалар билан ёки омбордаги зараркунандалар билан зарарланган ёрма, ун, қуритилган мевалар ва бошқа маҳсулотлар.
 
Кремли қандолат маxсулотлари (торт ва пишириқлар).

Холодец, парранда ва туёқли ҳайвонлар оёғидан тайёрланган ҳамда калла гўшти рулетлари, ўпка-жигарли ва қондан қилинган колбасалар.

Пастеризация қилинмаган (флягадаги) творог, термик ишлов берилмаган, идишда сақланган творог ва қаймоқ; қўлбола қатиқ; эпизоотик ноҳуш хўжаликлардан олинган, шунингдек, дастлабки ишлов берилмаган ва пастеризация қилинмаган сут ва сут маҳсулотлари; қимиз ва таркибида этанол бўлган (0,5 фоиздан ортиқ) бошқа ачитилган сутли маҳсулотлар.

  Қўзиқоринлар ва улардан тайёрланган маҳсулотлар.

  Квас.

  Хом дудланган гўштли гастрономик маҳсулотлар ва колбасалар, шу жумладан, кайнатилган колбаса.

Сирка, хантал, хрен, ўткир қалампир (қизил, қора) ва бошқа ўткир зираворлар.

Ўткир таъмли соуслар, кетчуплар, маёнез, консервалар, маринадланган сабзавот ва мевалар.

Табиий кофе, тетиклантирувчи ва қувватни оширувчи энергетик ичимликлар, алкогол.

Пазандалик мойлари, чўчқа ёғи, маргарин ва бошқа гидроген ёғлар.

Данакли меваларнинг мағзи, сақич, мева ва резаворлилардан тайёрланган яхна ичимликлар ва морслар (термик ишловсиз).

Окрошка ва совуқ шўрвалар, ёғда қовурилган тухум, паштет, гўшт ва творогли қуймоқлар.

Тез тайёрланадиган қуруқ озиқ-овқат концентратлари асосидаги биринчи ва иккинчи таомлар мактаб ошхоналарида бўлиши тақиқланади.

Murojaat uchun:
☎️   1091

(79) 555-35-71; 

(50) 002-51-55

Murojaat uchun: @istemol_bot

Iste'molchilar huquqlarini himoya qilish rasmiy kanali 

👉https://t.me/joinchat/MTx1OB0A236CboLNbUiLBg

«Новостройка»дан уй сотиб олган эдим, энди нуқсонлари чиқяпти, қурувчи фирма ўзини четга оляпти.

Танишларимиздан бири бундан 8 ой аввал янги қурилган уйлардан, яъни “новостройка”дан 3 хонали квартира сотиб олган.

Ҳозирда уйнинг сифатидан муаммолар, нуқсонлар чиқяпти, ҳеч қанча вақт ўтмай уйнинг баъзи қисмлари таъмирталаб аҳволга тушиб қолибди.

Уй эгаси квартирани сотган қурувчи фирмага телефон қилса, улар “биз буёғига жавоб бермаймиз, уй сизларга топширилганидан кейин бизда ҳеч қандай мажбурият қолмаган, чунки шартномада бу нарса кўрсатилмаган” деб рад жавоби берибди.

Савол, “новостройкачи” фирма бунга ҳақлими, ҳақиқатдан ҳам у энди ҳеч нарсага жавоб бермайдими? Ахир, уй топширилганига энди бор-йўғи 8 ой бўлганку.

Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги қонуни 13-моддаси 1-қисмига кўра нуқсонли товар сотилганда истеъмолчи агар бу ҳолат шартнома тузиш пайтида айтиб ўтилмаган бўлса, сотувчидан товарнинг нуқсонларини бепул бартараф этиш ёки истеъмолчининг ёхуд учинчи шахснинг нуқсонларни бартараф этишга қилган харажатларини қоплашни талаб қилиши мумкин.

Юқоридаги 13-модданинг 2-қисмига мувофиқ агар кўчмас мулк бўйича нуқсонлар келиб чиқадиган бўлса, истеъмолчи бу мулк унга ўтказилган кундан эътиборан 2 йил мобайнида (агар шартномада бундан узоқроқ муддат назарда тутилмаган бўлса) сотувчига юқоридаги талабни қўйишга ҳақли.

Турар-жойлар ҳам кўчмас мулклар тоифасига киради, демак “новостройка”дан олинган турар-жойдан нуқсон аниқланган вазиятларга юқоридаги 13-модданинг 1 ва 2-қисмларидаги нормалар тўғри келади.

Демак ҳулоса шундай. Агар “новостройка”дан олган уй-жойингизда қурувчи-сотувчининг сифатсиз иши билан боғлиқ қандайдир камчиликлар ва нуқсонлар аниқланадиган бўлса, сиз бу жойни қабул қилиб олган вақтингиздан бошлаб, 2 йил мобайнида бу нуқсонларни бартараф этиш, яъни таъмирлаш ишларини олиб бориш юзасидан ўша қурувчи-сотувчи фирмага талаб қўйишга ҳақлисиз.

У эса ўзининг ҳисобидан бу нуқсонларни бартараф этишга мажбур. Гарчи шартномада кўрсатилмаган бўлса ҳам.

Murojaat uchun:
☎️   1091

(79) 555-35-71; 

(97) 368-51-55

Murojaat uchun: @istemol_bot

Iste'molchilar huquqlarini himoya qilish rasmiy kanali 

👉https://t.me/joinchat/MTx1OB0A236CboLNbUiLBg