​​«Ҳозиргина онлайн эдинг, менга жавоб ёзмадинг!» деган гап ажаблантиради.

«Онлайн»

Бу ибора одамларнинг бир - бирларига ишончларини сўнишига сабаб бўлмоқда.

Нимага биз узрли сабаб қидирмаймиз?

Эҳтимол вақтим тиғиздир. Банддирман! Ёки қайсидир яқиним билан гаплашаётгандирман! Ухлаб ётган, телефонимни болаларим ўйнаётгандир. Адашиб тармоққа киргандир...

Балки, ким биландир қизғин баҳс олиб бораётгандирман...

Балки мен Телеграмдан бизнес максадида фойдаланарман...

«Онлайн» эканлигим, бу сизни кутиб ўтирибман дегани эмас!

«Онлайн» эканлигим, контактимда фақат сиз борсиз, дегани эмас!

«Онлайн» эканлигим сизни кўриб туриб, кўрмасликка оляпман дегани эмас!

«Онлайн» эканлигим, сиз билан гаплашиш учун фурсатим бор дегани эмас.

Яна бошқа ибора «Last seen» (охирги бор кирган, кўринган)...

Сиз нимадир юборсангиз, мен уни очиб қарамасам, «қачон кирибди?» деб дарров титманг! Билмайсизку, эҳтимол кирган бўлсам ҳам кўришга улгурмагандирман!

Кўнглингизни тозаланг! Узр қидиринг! Бошқалар билан ўзаро риштангизни заиф санаб, шайтоннинг васвасаларига учманг! Айнан «Онлайн» сабаб қанчадан - қанча қалбларга дарз етди, алоқалар узилди, кўнгиллар бир - биридан узоқлашди!?

Бас «Чиройли гумон қилинг!» шунинг ўзи кифоя!

@OperatsiyaUz