ZAMONAVIY USTOZ

50%

"Hech qachon ko'rsatmagan natijangizni ko'rsatish uchun, hech qachon qilmagan harakat qilishingiz kerak"

Odamlarning 99%i imkoniyalarining 50 foizini ham ishlatishmaydi.

Ularning hayolida muvaffaqiyat uchun yetarlicha harakat bo'lmoqda, lekin ishoning muvaffaqiyat siz o'ylagandan ko'proq harakat talab qiladi.

Aaaaancha ko'proq!

Qachonki siz boshqalar chiday olmaydigan darajada harakat qilishni boshlasangiz

Siz boshqalar erisha olmaydigan natijalarga erishishni boshlaysiz.

Bu yerda asosiy savol: "qo'lingizdan keladimi yoki yo'qmi?"

va aynan shu savolga beradigan javobingiz sizning bu dunyodagi o'rningizni belgilab beradi.

HECH QACHON KECH EMAS

Qirq yashar maktab o‘qituvchisi saraton xastaligigiga chalindi. Shifokorlar uzog‘i 1 yil umringiz qoldi deyishdi...

O‘qituvchini bir savol qiynardi: o‘lganimdan keyin xotinim va qizlarim qanday kun ko‘radi?

U ingliz tili va adabiyotidan dars berardi, bestseller bo‘ladigan roman yozib, mualliflik huquqini oilasiga meros qoldirishdan boshqa jo‘yali reja xayoliga kelmadi. Avval umrida hech asar yozmagan bo‘lsa ham, hozirgi ahvoli va qolgan kamgina vaqti nuqtai nazaridan boshqa biron biznes boshlashga imkoni ham yo‘q edi. Xullas, u roman yoza boshladi.

Maqsadi yuksak adabiy durdona yaratish emas, shunchaki ommabop asar yozish edi. Jon-jahdi bilan  kirishdi. Shu darajadaki, hayotini faqat bir yilu bitta xonadan iborat deb tasavvur qildi. Har kuni asari ustida ishladi, hech nimani o‘ylamadi: na kasalini, na tuzalishni. Muddat tugagunicha ishni yakunlay olsa bas.

U bo‘lajak romani o‘quvchilarini xuddi maktabdagi o‘zining o‘quvchilaridek tasavvur qildi. Asari qahramonlarini ham o‘quvchi bolalardek deb bildi, ulardan ilhomlandi, butun o‘qituvchilik tajribasi davomida bolalar bilan bo‘lgan muloqoti, ta’sirlari va xulosalaridan foydalandi.

O‘ziga shartli ravishda berilgan yil nihoyasiga yetar-yetmas roman bitdi. Qahramonimiz qo‘lyozmani nashriyotga topshirib, shifokor qabuliga bordi. Shifokor esa rentgen suratlari, qon tahlillari va boshqa tekshiruvlar natijalarini qayta-qayta ko‘rib, ko‘zlariga ishonmadi – saraton chekingandi! Bemor sog‘aya boshlagandi.

O‘sha o‘qituvchi –  hozirda jahonga mashhur yozuvchi Entoni Byordjes edi, uning “Uyg‘otuvchi apelsin” romani haqiqiy bestseller bo‘ldi. Asar asosida keyinchalik Stenli Kubrik suratga olgan film katta shov-shuv va janjallarga sabab bo‘ldi, hatto bir muddat taqiqlab ham qo‘yildi
(bu boshqa tarix).

Byordjes o‘sha romandan keyin  yana 50 dan ortiq kitob yozdi. Bu ham kamdek musiqa yoza boshladi: 175 ta musiqa asari yaratdi! Hatto simfonik orkestr ham Byorjersga musiqa buyurtma qilgan...

Yozuvchi mudhish tashxisdan keyin yana 34 yil yashadi va 1993 yilda o‘pka saratonidan vafot etdi (taqdir). Ammo bir saratondan boshqasigacha u dunyoga mashhur ijodkor bo‘lib yashashga ulgurdi.

Ijod, sevimli kasb shunday – davolaydi, yuksaltiradi. Ishga oyog‘ingizni sudrab kelsangiz, istamay ishlasangiz, hafsalasiz shug‘ullansangiz – kasb sizni yemiradi, yeydi! Har kimsaga ko‘ngliga yoqqan kasb bilan shug‘ullanish va undan manfaat ko‘rish baxti nasib etsin.

Qolaversa, har birimizning ichimizda hali o‘zimiz bilmagan bir iste’dod mudrab yotgan bo‘lishi mumkin.
Mashhur rassom Gogen 40 yoshidan keyin rassomchilik bilan shug‘ullana boshlaganini bilasiz. Aslida yosh juda shartli narsa, agar o‘zingizda kuch va iqtidor sezsangiz, faoliyat turini o‘zgartirish uchun 40-50-60 yosh ham kech emas.

Gapimga qo'shiladiganlar ✋ qo'l ko'tarsin

https://t.me/zamonaviyoqituvchi

Energiya vampirlari haqida bilasizmi? 

Sizni quvvatsiz, charchagan va ruhiy bosim ostida his qilishingizga sabab bo‘layotgan energiya vampirlarini bilasizmi? Ular kundalik hayotingizda yashirincha ta’sir ko‘rsatadi va sizni o‘z kuchingizdan mahrum qiladi.

Energiyani so‘ruvchi manbalar:

1️⃣ Salbiy odatlar va fikrlar: O'tmishga qadalib qolish, o‘ziga ishonchsizlik va vazifalarni kechiktirish. 

2️⃣ Salbiy odamlar: Shikoyatchilar, hasadgo‘ylar va drama sevuvchilar sizning ruhiy holatingizga salbiy ta’sir qiladi. 

3️⃣ Noto‘g‘ri turmush tarzi: Kam uyqu, zararli ovqatlanish va harakatsizlik energiyani pasaytiradi. 

4️⃣ Tartibsizlik va texnologiyaga qaramlik: Ish yoki uy muhitidagi tartibsizlik va gadjetlarga haddan ortiq vaqt sarflash quvvatingizni yeb bitiradi. 

Hayotingizdagi bu “vampirlar”ni o‘z vaqtida aniqlamasangiz, ular sizni toliqish va tushkunlikka olib kelishi mumkin.

Xo'sh, sizda ham energiyasizlik, holsizlik va charchoq alomatlari bormi? Nima deb o'ylaysiz, biz sanab o'tgan "vampir"latrdan qaysi biri sizning hayotingizda ham bor?

https://t.me/zamonaviyoqituvchi

Hozir bir guruhda ajoyib tadbirga guvohi bo'ldim.
Ustozni topqirligiga qoyil qoldim.

Menimcha onalar bayrami uchun ham zo'r g'oya nima dedingiz?
Ko'rib👇👇👇 izohda yana boshqacha fikrlaring bo'lsa yozib qoldiring

Ibrat uchun

Suv buloqda – tekin,
Do‘konda – 3 ming so‘m,
Stadionda – 5 ming so‘m,
Samolyotda – 10 ming so‘m,
Sahroda esa – bebaho!

Sizning ham bahoingiz qayerda turganingizga bog‘liq!

https://t.me/zamonaviyoqituvchi

Bugun internetda bir xikoyani o'qib juda ta'sirlandim.

Sizda ham shunday do'st bormi?😔

Ikki yil oldin yaqin do‘stim vafot etdi. Bugun uning telefon raqamidan qo‘ng‘iroq bo‘ldi.
Hech kutmagandim!..
— Labbay, dedim. Kichik o‘g‘li ekan. O‘ziga velosiped olib berishimni so‘radi.
— Xo‘p bo‘ladi, bugun albatta olib boraman, dedim va ortidan so‘radim:
— Meni kimligimni bilasanmi?
Bolakay shunday javob berdi:
— Yo‘q, sizni tanimayman. Uydan dadamning rasmlarini tomosha qilib o‘tirgan edim, ular orasidan dadam bilan bir kishining rasmi chiqib qoldi. Rasm orqasida esa shu raqam va shunday yozuv bor ekan:
— «Bolajonlarim, agar vaqti kelib biror narsaga ehtiyojlaring bo‘lsayu meni topa olmasalaring shu raqamga qo‘ng‘iroq qilib aytinglar. Bu ham menman, faqat boshqa yerda yashayman».

https://t.me/zamonaviyoqituvchi

⚡️ Oʻqituvchidan soʻradilar:

-oʻzingizni eng quvonchli kuningiz qaysi vaziyatda boʻlgan?
- 2-toifa olgan kunim.

- Yana qanday baxtli damlaringiz bor?
- 1-toifa olgan kunim.

- Siz oʻzingizni qadrli inson deb bilasizmi?
- Oliy toifani olgan kunim.

-Toifadan ham boshqa gʻamingiz bormi oʻzi?
- Milliy sertifikatni olsam deyman!