«Саидазиз медгородок» 20 йилга қамалди

5 август куни «Саидазиз медгородок» номи билан танилган Саидазиз Саидалиев ва яна 28 кишига оид жиноят иши якунлари бўйича ҳукм ўқилмоқда. Жараён Тошкент шаҳри жиноят ишлари бўйича Юнусобод тумани судида суд раиси Мурод Мирзажонов раислигида ўтмоқда.

Саидазиз Саидалиев 20 йил муддатга озодликдан маҳрум қилинди. Жазони умумий колонияда ўташ белгиланди.

Саидалиев Жиноят кодексининг қуйидаги моддаларида назарда тутилган жиноятларни содир этганликда айбдор деб топилди:

165 (Товламачилик);
168 (Фирибгарлик);
242 (Жиноий уюшма ташкил этиш);
243 (Жиноий фаолиятдан олинган даромадларни легаллаштириш);
277 (Безорилик);
28,211 (Пора беришда иштирок).

@yurist_konsultantuz