Шукр қилувчи

"Руҳул баён" тафсирининг муаллифи ушбу китобда қуйидаги ҳикояни келтиради:
  "Аллоҳ таоло Бани Исроил пайғамбарларидан бирига ваҳий қилиб деди:
  "Мен фалончининг умрини ярмини фақирликда, қолган ярмини бойликда ўтказишини тақдир қилдим. Унга айт, умрининг аввалида бойлик келишини истайдими ёки фақирлик?".
  Пайғамбар ҳалиги кишини чақириб бор гапни айтди. У киши: "Хотиним билан маслаҳат қилиб сизга жавобини айтаман", деди.
  У хотини билан маслаҳат қилди. Улар умрларининг аввалида бойлик келишини танлашди. У бориб қарорларини Пайғамбарга айтди. Аллоҳ уларга ризқ эшикларини очиб юборди. Улар бой бўлиб кетишди. Эр-хотин ўзларига қанча инфоқ қилишса фақир-мискинларга ҳам шунча инфоқ қилишар эди.
  Муддатнинг ярми ўтса ҳамки бойлик келиши тўхтамас эди. Шунда Пайғамбар ( у зотга салом бўлсин) Аллоҳ таолодан сўради:
" Нега муддат тугаган бўлсада уларга бойлик ато қилишни тўхтатмаяпсан, эй Роббим?!".
  Аллоҳ таоло ваҳий қилди:
"Улар шукр қилувчилар экан. Шукр қилувчиларга зиёда қилинади. Шунинг учун уларга умрининг охиригача бойлик беришни тақдир қилдим".

@yunusalioxund