Yoshlar kundaligi | Rasmiy

#Мотив

🇺🇿🇷🇺 Давлатимиз раҳбари Францияга бўлган тарихий ташрифдан қайтишлари биланоқ Россиядан вакил келибди юртимизга.

🙌 Мамлакат етакчисининг шунчалик энергияларига тан бермай илож йўқ.

Шунақа пайт бу инсонга ҳам осон эмаслигини янада яхшироқ ҳис қилиб юборади киши. Нима дедингиз?

Yoshlar kundaligi

⚡️⚡️⚡️

Бугун Янги Ўзбекистон боғида унутилмас ва ҳаяжонли онлар гувоҳи бўлдик. Тошкент вилоятининг мард ва фидойи йигитлари Ватан олдидаги муқаддас бурчини адо этиш учун бир йиллик ҳарбий хизматга тантанали равишда кузатилди.

Тадбир давомида аскарлик сафарига отланган йигитлар шижоат ва ғурур билан саф тортган бўлса, уларнинг ота-оналари ҳаяжон аралаш қувонч кўз ёшлари ила фарзандларига оқ йўл тилади.

‼️Маросимда ҳарбий соҳа вакиллари, ҳокимият мутасаддилари, фахрийлар ва ёшлар иштирок этиб, йигитларга омад ва шарафли хизмат тилашди.

Yoshlar kundaligi

#Янги_китоб

Гул бўлсино, гул бўлсин.
Битта оппоқ дил бўлсин.
Ўзимнинг достонгинам
Ҳаммага маъқул бўлсин!

📚 Ўзбекистон Ёзувчилар уюшмаси томонидан "Иккинчи китоб" лойиҳаси йўлга қўйилди.

🎉 Лойиҳа доирасида биринчилардан бўлиб Тошкент вилояти фарзанди, Зулфия номидаги Давлат мукофоти соҳибаси Кумуш Абдусаломованинг "ЎЗИМНИНГ ДОСТОНИМ" номли шеърлар тўплами чоп этилди.

💐 Истеъдодли шоирамизни янги китоб билан табриклаймиз! Эзгу лойиҳа бардавом бўлсин!

Yoshlar kundaligi

#Фахр

🎖️ Эмануель Макрон Президентимизга Франциянинг энг олий давлат мукофоти “Фахрий легион” орденини топширди.

➖Хуш, бу орден аслида кимларга берилади?

Франциянинг энг олий давлат мукофоти — “Фахрий легион” ордени одатда Франция билан яқин ҳамкорликда бўлган, мамлакатнинг тарихий ва маданий тараққиётига сезиларли таъсир кўрсатган дипломатлар, давлат раҳбарлари ва олимларга топширилади.

😍🇺🇿Ўзбекистон етакчисининг бу унвони бутун халқимизнинг мукофотидир. Муборак бўлсин! Ёшлар, сиз билан фахрланади, жаноб Президент!

Yoshlar kundaligi

#камбағалликдан_фаровонлик_сари

❗️Миразиз Мирсултонов: Уларни фаровон ҳаёт кечириши учун биргаликда ҳаракат қилишга чорлаб қоламан

💠 Президентимиз ташаббуси билан бошланган “Камбағалликдан фаровонлик сари” Давлат дастури ижросини таъминлаш мақсадида кўплаб хайрли ишлар амалга оширилмоқда.


✅ Мен ҳам юклатилган топшириқлардан келиб чиқиб, Бўка тумани Эзгулик маҳалласидан ўзимга бириктирилган Вали Акбаров, Аҳлиёр Исаев, Суюнқул Алматов, Райҳон Муродова, Дилором Ашурматова каби беш нафар оила вакиллари билан яқиндан мулоқот қилишга, амалий ёрдам берилишга ҳаракат қиляпман. Ҳозирда уларни тадбиркорлик қилиши, ташаббусларини амалга ошириш йўлида қатор ишларни бошлаб юбордик.

‼️ Фурсатдан фойдаланиб, “Камбағалликдан фаровонлик сари” Давлат дастури ижросини таъминлашда тизимдаги барча мутасаддиларни фаол бўлишга, ўзларига бириктирилган оилалар муаммоларини ҳал этиш йўлида бор имкониятларни сафарбар этишга чорлаб қоламан.

Yoshlar kundaligi

#Кайфият

«Опен бюджет» ҳақида мақоллар

▪️Бошингга қилич келса ҳам, опен бюджетга овоз бер.

▪️Овоз бермаганнинг асфальтланган кўчада юришини кўр.

▪️Овоз берганнинг бетига қарама.

▪️Дўст опен бюджетга овоз сўраганингда билинади.

▪️Опен бюджет билан обод кўчанг, гар бўлса у вайрона ҳам,
Гар смс бўлмаса, вайронадир кошона ҳам.

▪️Овоз берган кишини, тиллодан қил тишини.

▪️ Берилган овоз - отилган ўқ.

▪️Овозинг ҳалол бўлса кўчада бер.

▪️Йигит кишига 40 овоз ҳам кам.

▪️Олтин олма, овоз ол, овоз олтин эмасми?

▪️Оғзи қийшиқ бўлса ҳам, опен бюджетга овоз берган гапирсин.

▪️Опен бюджетдан аразласанг, кўчангга зарар...

✍️ Мақолларни изоҳларда давом эттиринг)

Yoshlar kundaligi

#Дунё_ёшлари

🇫🇷⚽️ ФРАНЦИЯ ЁШЛАРИ: УЛАР НИМА ИСТАШАДИ?

🗺 Ғарбий Европа давлатларидан бири бўлган Франция ўзининг бой маданияти, тарихий ёдгорликлари ва илғор илм-фан соҳаларидаги ютуқлари билан танилган. Париж шаҳри бутун дунёда санъат, мода ва гастрономиянинг маркази сифатида эътироф этилади. Францияда ўсиб-улғайган ёшлар нималар билан шуғулланади? Улар қандай таълим тизимида ўқишади? Уларнинг орзулари ва келажакка бўлган қарашлари ҳақида қуйида батафсил маълумот берамиз.

Ёшлар ва таълим

📝 Франция аҳолиси 67 миллиондан ортиқ бўлиб, уларнинг 40%ини 25 ёшгача бўлган ёшлар ташкил этади. Мамлакатда таълим сифати жуда юқори, кўплаб ёшлар халқаро миқёсда таълим олишни истайди. 2020 йилда 330 000 дан ортиқ француз талаба чет элда таълим олишмоқда.

Ўқитиш ва саводхонлик

📊 Франция таълим тизими тўрт босқичдан иборат: бошланғич таълим, ўрта таълим, олий таълим ва илмий тадқиқотлар. 3-18 ёшдаги болалар учун таълим мажбурий ҳисобланади. Францияда саводхонлик даражаси 99% дан юқори, ва 18 ёшдан юқори ёшларнинг ярмидан кўпи ўрта ёки ундан юқори таълимга эга. Францияда STEM (фан, технология, муҳандислик ва математика) соҳалари ёшлар орасида жуда оммалашган.

Франциядаги мактаблар ва олий ўқув юртлари

📚 Францияда 80 дан ортиқ олий ўқув юртлари мавжуд, улар халқаро миқёсда юқори рейтингларга эга. Парижда жойлашган Сорбонна университети, Sciences Po, ва École Normale Supérieure каби нуфузли олий ўқув юртлари бутун дунёда танилган. Давлат олий ўқув юртларида таълим бепул бўлиб, талабалар учун турли грантлар мавжуд.

“Comford” ҳаёт

📌 Францияда мактаблар ва олий ўқув юртларида таълим сифатини оширишга катта эътибор қаратилади. Мамлакатда бошланғич ва ўрта таълим мажбурий, ва ҳар йили таълим 180 кундан ортиқ давом этади. Франция ёшларининг энг кўп қизиқиши фан ва технология, санъат ва дизайн, иқтисодиёт ва ижтимоий фанлар соҳаларида.

📈 Франция яшаш сифати бўйича дунёда 20-ўринда туради. Мамлакатда ўқитувчилар ва илмий ходимларнинг бир йиллик маоши 40 000 евро атрофида бўлса, IT менежерларники 60 000 еврони ташкил этади.

Ёшлар ташкилотлари

🏛 Францияда Миллий ёшлар ташкилоти мавжуд бўлиб, у ёшларнинг ҳуқуқлари ва фаровонлигини ҳимоя қилиш, ҳамда ёшларни ижтимоий ва сиёсий жараёнларга жалб қилиш учун фаолият кўрсатади. Шунингдек, Францияда ёшлар учун турли маданий ва спорт тадбирлари ташкил этилиб, уларнинг жамиятга қўшилишига имконият яратилади.

Yoshlar kundaligi