🔸 Islom Olami Meros Qo‘mitasining XIII yig‘ilishiga Samarqand mezbonlik qiladi

☪️ Shu kunlarda Ozarbayjon Respublikasi Qorabog‘ viloyati Shusha shahrida Islom Olami Meros Qo‘mitasining XII yig‘ilishi bo‘lib o‘tayotgani haqida xabar bergan edik. Mazkur uchrashuvda Madaniyatshunoslik va nomoddiy-madaniy meros ilmiy-tadqiqot instituti rahbari, san'atshunoslik fanlari bo‘yicha falsafa doktori Iroda Dadajonova O‘zbekiston Respublikasi nomidan ishtirok etdi.

2024-yilning 8-10-oktyabr kunlari o‘tkazilgan ushbu tadbirda ICESCOga a'zo davlatlarning, xususan O'zbekistonning Birinchi va Ikkinchi Renessans davriga oid muazzam tarixiy obidalari va madaniy elementlarini Islom Olami Merosi ro‘yxatiga kiritish bo‘yicha takliflar muhokama qilindi.

🇺🇿 Ushbu uchrashuvning yakuniy xulosasini qabul qilish asnosida Islom Olami Meros Qo‘mitasining XIII yig‘ilishini O‘zbekiston Respublikasi Samarqand shahrida o‘tkazish taklifi a’zo davlatlar vakillari tomonidan ma’qullandi. 2025-yil uchun ko‘hna va boqiy Samarqand shahri Islom olamining madaniy poytaxti deb e'lon qilingan bo‘lib, Islom Olami Meros Qo‘mitasining XIII yig‘ilishi ushbu voqea tantanalari doirasida o‘tkaziladi.

#nomoddiymadaniymeros #xalqaro_hamkorlik #icesco #samarqand2025

🎩 ICRICHning ijtimoiy tarmoqlardagi sahifalari:
🌐 Telegram | 🌐 Facebook | 🌐 Instagram | 🌐 YouTube