Aholi murojaatlari to‘liq nazoratga olinishi, zarur bo‘lganda joylarga chiqib o‘rganilishi ta’minlanmoqda

Xabaringiz bor, Yangiyo‘l shahar hokimi ishtirokida haftaning har juma kuni soat 10:00 dan fuqarolar qabul kuni deb belgilangan. Joriy yilning 17-yanvar, juma kuni bo‘lib o‘tgan fuqoralar qabuli davomida aholi tomonidan yo‘llangan bir qator murojaatlar bugun shahar hokimi R.Raimov va sektor rahbarlari bilan birgalikda joyiga chiqqan holda o‘rganilib, bartaraf etish yuzasidan tegishli masʼullarga vazifalar belgilab berildi.

Shundan so‘ng, Yangibog‘ mahallasi hududida bo‘lib, noqonuniy qurilmalarni olib tashlab, obodonlashtirish ishlarini amalga oshirish kerakligi to‘g‘risida mas'ullarga topshiriqlar berildi.

Shuningdek, o‘rganishlar yakunida shahar hokimi bozor hududidagi oziq-ovqat do‘konlarida ham bo‘lib, naqd pul tushumiga ega tadbirkorlar aholidan naqd pulni qabul qilishda onlayn-nazorat kassa mashinalari yoki virtual kassadan foydalanish kerakligi to‘g‘risida tadbirkorlarga tushuntirishlar berildi.