Siz borsiz, xotirjam yashayveramiz,
Sizga ishonamiz bunda shunchalar!
Biringiz Alpomish, biringiz Farhod
Doim omon bo‘ling, himoyachilar!
Tog‘dasiz, cho‘ldasiz, daryolardasiz,
Qayerdan sizdagi qudrat bunchalar?
Har qanday holatda aloqadasiz,
Doim omon bo‘ling, himoyachilar!
Kechami-kunduzmi elga madadkor,
Saboq beraverar yillar va yo‘llar.
Yaxshiyam siz tayyor, yaxshiyam siz bor
Doim omon bo‘ling, himoyachilar!
Vatan nima o‘zi, Vatan bu Ona
Kam bo‘lmas, onani qadrlovchilar.
Shu yorug‘ tonglarga etib shukrona
Doim omon bo‘ling, himoyachilar!
Tinmas joningizga bersinda to‘zim
Kasbini har qachon e’zozlovchilar.
Bugun bayramingiz, so‘ngida so‘zim
Doim omon bo‘ling, himoyachilar!