Yangiyer shahar 9 umumiy oʻrta taʼlim maktabida Oʻzbekiston Respublikasi Prezidentining 2024-yil 27-dekabrdagi PQ-462-sonli qarori asosida Mahmudxoʻja Behbudiy tavalludining 150 yilligi nishonlandi. Unda davra suhbati, ijodiy ishlar tanlovi, rasmlar tanlovi, sahna koʻrinishlari kabi ijodiy kecha tashkil etildi. Bundan maqsad Turkiston jadidchilik harakatining asoschisi, atoqli adib va jamoat arbobi, noshir va pedagog Mahmudxoʻja Behbudiy hayoti va ijodi bilan oʻquvchilarni yaqindan tanishtirish edi.